ပၢင်ၻေးသၼႃးထမ်း(တြႃး) ၸဝ်ႈတူၼ်ၶူးလူင် ၻွၵ်ႉတိူဝ်ႊ ပၺ်ၺႃၼၼ်တ ဝတ်ႉၽရႃႉထၢတ်ႈ လွႆလႅမ် တီႈဝတ်ႉၵူႇ တဝ်ႈ ဝဵင်းၵဵင်းမႆႇ ပီႈၼွင်ႉတႆး တီႈၵဵင်းမႆႇ ၶဝ်ႈႁူမ်ႈထွမ်ႇငိၼ်း တင်းၼမ်လၢႆ။
ဝၼ်းတီႈ 19/11/2018 ယၢမ်းၵၢင်ၶမ်ႈ 8 မူင်း ထိုင် 10 မူင်း ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းၵဵင်းမႆႇ တင်း တၵ်ႉၵႃႇ သတ်ႉထႃး ပီႈၼွင်ႉႁႅင်းၵၢၼ်ယၢၼ်မိူင်း ႁူမ်ႈၵၼ် ၸတ်းႁဵတ်းပၢင်ၻေးသၼႃးထမ်း(တြႃး) ၸဝ်ႈတူၼ်ၶူးလူင် ၻွၵ်ႊ တိူဝ်ႊ ပၺ်ၺႃၼၼ်တ ဝတ်ႉထၢတ်ႈတေႃႇလွႆလႅမ် တီႈဝတ်ႉၵူႇတဝ်ႈ ဢိူင်ႇသီၽုမ်း ၸႄႈဝဵင်းၵဵင်းမႆႇ ၸိုင်ႈထႆး။
ၸၢႆးသႅင်ယ ႁူဝ်ပဝ်ႈၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းၵဵင်းမႆႇ လၢတ်ႈတီႈၽူႈတွႆႇႁွၵ်ႈဝႃႈ “ ၸဝ်ႈတူၼ်ၶူး လူင်ပၺ် ၺႃၼၼ်တ ဝတ်ႉၽရႃႉထၢတ်ႈလွႆလႅမ် မႃးၵမ်းၼႆႉ ယွၼ်ႉပိူဝ်ႈပီႈၼွင်ႉတႆးႁဝ်းၼႂ်းၵဵင်းမႆႇၼႆႉ မီးၸႂ်ၶႂ်ႈဝႆႈၶႂ်ႈသႃသေ လႄႈ ၸင်ႇႁႂ်ႈၵေႃလိၵ်ႈလၢႆး ပဵၼ်တူဝ်တႅၼ်းသေ ၼိမၼ်ႇတၼ ၸဝ်ႈႁဝ်း မႃးၻေးသၼႃးထမ်း (တြႃး) တီႈ ဝတ်ႉ ၵူႇတဝ်ႈၵႂႃႇ မိူဝ်ႈဝၼ်းတီႈ 19 ပူၼ်ႉမႃးၼႆႉ။ ဢၼ်ႁဝ်းၶႃႈ ပၢင်းဝႆႉတႄႉ တႄႇမိူဝ်ႈၼႂ်းဝႃႇသႃပူၼ်ႉမႃးၼၼ်ႉယဝ်ႉ” ဝႃႈၼႆ။
ၼႂ်းဝၼ်းပၢင်ၻေးသၼႃးထမ်း(တြႃး) ၸဝ်ႈတူၼ်ၶူးလူင် ပၺ်ၺႃၼၼ်တ မႁႃၼယၵသင်ၶၸိုင်ႈတႆးလႄႈ ၵႅမ်မႁႃ ၼယၵသင်ၶၸိုင်ႈမိူင်းႁူမ်ႈတုမ် ဝတ်ႉၽရႃႉထၢတ်ႈတေႃႇ လွႆလႅမ်ၼႆႉ မီးပီႈၼွင်ႉတၵ်ႉၵႃႇသတ်ႉထႃး မႃးၶဝ်ႈႁူမ်ႈလူႇ တၢၼ်း ထွမ်ႇငိၼ်း(တြႃး) လႄႈ ၸႃႇၵႃႉလဵင်ႉလူတင်းၼမ်လၢႆ။
ဝၼ်းတီႈ 20 သမ်ႉ ၸဝ်ႈတူၼ်ၶူးလူင် ပၺ်ၺႃၼၼ်တ မိူဝ်ႈဢႅဝ်ႇယဵမ်ႈသူႇၸႂ်း ပီႈၼွင်ႉတႆး တၢင်းလႅၼ်လိၼ် တႆး-ထႆး တၢင်းပွတ်းပဵင်းလူင် လၵ်းတႅင်ႇသေ တွၼ်ႈၵၢင်ၶမ်ႈသမ်ႉ တေမႃးၻေးသၼႃးထမ်း(တြႃး) တီႈဝတ်ႉမႄႈတႅင် ၵဵင်းမႆႇ။ ဝၼ်းတီႈ 21 သမ်ႉ တေၶိုၼ်းပွၵ်ႈမိူဝ်း တၢင်းၵုင်းထဵပ်ႈ (မိူင်းၵွၵ်ႇ) ဝႃႈၼႆ။
ၸၢႆးသႅင်ယ လၢတ်ႈဝႃႈ “ ပေႃးပီၼႃႈ 2019 ၼႂ်းလိူၼ်ၵျႅၼ်ႊၼိဝ်ႊရီႊသမ်ႉ ယူႇတီႈတၢင်းၵေႃလိၵ်ႈလၢႆး ၵဵင်းမႆႇႁဝ်းၶႃႈ တေပၢင်း ၸဝ်ႈတူၼ်ၶူးလူင် ပႃႇမွၵ်ႉၶ ၻွၵ်ႊတိူဝ်ႊၶမ်းမၢႆ ထမ်မသႃမိ မႃးၻေးသၼႃးထမ်း တီႈၵဵင်းမႆႇ ယိူင်းဢၢၼ်းဝႆႉ ၸိူင်ႉၼႆ” ဝႃႈၼႆ။
ဝၼ်းတီႈ 21/11/2018 ၸဝ်ႈတူၼ်ၶူးသုၶမ်း ႁွတ်ႈထိုင်တီႈၵဵင်းမႆႇ။ ဝၼ်းတီႈ 23/11/2018 ယၢမ်းၵၢင်ၶမ်ႈ တေမႃးၻေး သၼႃးထမ်း ပၼ်ပီႈၼွင်ႉႁႅင်းၵၢၼ်တႆး တီႈဝတ်ႉပႃႇပဝ်ႈ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ