ၶွမ်ႊမသျိၼ်ႊပၢင်လိူၵ်ႈတင်ႈမိူင်းႁူမ်ႈတုမ် ပိုၼ်ၽၢဝ်ႇဝႆႉ ပၢင်လိူၵ်ႈတင်ႈသွမ်ႈ ဢၼ်ၸတ်းႁဵတ်းယဝ်ႉၵႂႃႇ ၼႂ်းဝၼ်းတီႈ 3 လိူၼ် ၼူဝ်ႊဝႅမ်ႊၿိူဝ်ႊ ပူၼ်ႉမႃးၼႆႉ ၵူၼ်းမိူင်းဢၼ်မီးသုၼ်ႇတွတ်ႈၶႅပ်းၵၢင်ၸႂ် တင်းမူတ်းမီး 9 သႅၼ်ပၢႆ။ ဢၼ်မႃး တွတ်ႈၶႅပ်းၵၢင်ၸႂ်ပၼ်သမ်ႉမီး 382,961 ၵေႃႉ၊ ပေႃးဢဝ်ပိူဝ်ႊသႅၼ်ႊ(%) ဝႃႈၼႆၸိုင် 42 ပိူဝ်ႊသႅၼ်ႊပၢႆ။
ၼႂ်း 13 တီႈၼင်ႈၼၼ်ႉ တႃႈ 2 ဢွင်ႈတီႈ တီႈၸႄႈဝဵင်းလၢႆးၶႃႈ တင်း ၸႄႈဝဵင်းတႃႈမူၺ်တႄႉ မီးၵူၼ်းမႃးတွတ်ႈၶႅပ်း ၵၢင်ၸႂ် 30 ပိူဝ်ႊသႅၼ်ႊတေလႆႈဝႃႈ ၵူၼ်းမႃးတွတ်ႈၶႅပ်းၵၢင်ၸႂ်ဢေႇတီႈသုတ်း ။ ၸႄႈဝဵင်းဢၼ်ၵူၼ်းမိူင်း တွတ်ႈပၼ် ၼမ်တီႈသုတ်းသမ်ႉ ပဵၼ် ၸႄႈဝဵင်းၵၢၼ်ႇပႅတ်ႉလႅတ်ႉ၊ မတူႈပီႇလႄႈ သဵၵ်ႉၵၼ်း ပေႃးဢဝ် ပိူဝ်ႊသႅၼ်ႊဝႃႈၸိုင် 60 ပိူဝ်ႊသႅၼ်ႊ။
ယူႇတီႈၶွမ်ႊမသျိၼ်ႊပၢင်လိူၵ်ႈတင်ႈမိူင်းႁူမ်ႈတုမ် ဢွၵ်ႇၶေႃႈပိုၼ်ၽၢဝ်ႇသဵၼ်ႈမၢႆ ၵူၼ်းတွတ်ႈၶႅပ်းၵၢင်ၸႂ်သမ်ႉ ၵူၼ်း ဢၼ်တွတ်ႈၶႅပ်းၵၢင်ၸႂ်လူင်ႈၼႃႈ မီး 24,766 ၶႅပ်း၊ ၶႅပ်းၵၢင်ၸႂ်ဢၼ်ထုၵ်ႇပၢၵ်ႈပႅတ်ႈသမ်ႉ 8,724 ၶႅပ်း လႄႈ ၶႅပ်းၵၢင် ၸႂ်ဢၼ်ႁၢႆ 75 ၶႅပ်း။
မိူဝ်ႈပၢင်လိူၵ်ႈတင်ႈ မိူင်းႁူမ်ႈတုမ် ပတ်းပိုၼ်ႉ မိူဝ်ႈဝၼ်းတီႈ 8 လိူၼ်ၼူဝ်ႊဝႅမ်ႊၿိူဝ်ႊ 2015 ၼၼ်ႉ ၵူၼ်းမိူင်းမီးသုၼ်ႇ တွတ်ႈၶႅပ်းၵၢင်ၸႂ် 34 လၢၼ်ႉပၢႆ။ ၼႂ်းၼၼ်ႉ ဢၼ်မႃးတွတ်ႈၶႅပ်းၵၢင်ၸႂ်ပၼ်သမ်ႉ မီးႁိမ်း 24 လၢၼ်ႉ။ ပေႃးဢဝ် ပိူဝ်ႊ သႅၼ်ႊ မၼ်းဝႃႈၸိုင် 69.82 ပိူဝ်ႊသႅၼ်ႊ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ