ထႆး – မၢၼ်ႈ 2 ၽႅၼ်ႇလိၼ်ႁူပ်ႉဢုပ်ႇၵၼ် တႃႇႁူမ်ႈၵၼ် ၵႄႈလိတ်ႈပၼ်ႁႃ ၵၢၼ်ၵႃႉၶၢႆၵူၼ်းလႄႈ ပၼ်ႁႃလၢႆလၢႆလွင်ႈၸွမ်းလႅၼ်လိၼ်။

ဝၼ်းတီႈ 15/11/2018 သိုဝ်ႇၶၢဝ်ႇMGR ပိုၼ်ၽၢဝ်ႇဝႃႈ ၸဝ်ႈၼႃႈတီႈၾၢႆႇၵူတ်ႇထတ်းၵူၼ်းၶဝ်ႈမိူင်း (မိူင်းထႆး)လႄႈ ၾၢႆႇၵူတ်ႇထတ်း ၵူၼ်းၶဝ်ႈမိူင်းဝဵင်းတႃႈၶီႈလဵၵ်း ႁူပ်ႉထူပ်းၵၼ်တီႈႁွင်ႈပၢင်ၵုမ် ႁွင်ႈၵၢၼ်ၽဵဝ်ႈမူၺ်ႉၵၢၼ်ၵႃႉၶၢႆၵူၼ်း ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။

တီႈပၢင်ၵုမ်ၼၼ်ႉလႆႈဢုပ်ႇဢူဝ်းလႅၵ်ႈလၢႆႈၶေႃႈမုလ်း လွင်ႈၵၢၼ်ၽဵဝ်ႈမူၺ်ႉယႃႈမဝ်းၵမ်လႄႈ ႁူမ်ႈၵၼ်တႃႇႁႃလၢႆးတၢင်းၵႄႈလိတ်ႈပၼ်ႁႃယႃႈမဝ်းၵမ်၊ ၵူၼ်းလၵ်ႉၶဝ်ႈမိူင်း ၸိူဝ်းၼႆႉ။

တၢင်းၸဝ်ႈၼႃႈတီႈၾၢႆႇထႆး မီးၶေႃႈသင်ႇႁႂ်ႈမီးလွင်ႈၵူတ်ႇထတ်းၶဵင်ႈၶႅင်ၸွမ်းလႅၼ်လိၼ် ဢမ်ႇဝႃႈ တေပဵၼ်ၵူၼ်းၵႃႉၵူၼ်း၊ ၵူၼ်းလၵ်ႉၶဝ်ႈမိူင်း၊ ယႃႈမဝ်းၵမ်ၸိူဝ်းၼႆႉ ၼႆယဝ်ႉ။

ၼႂ်းၸႄႈတွၼ်ႈၵဵင်းႁၢႆး ၸိုင်ႈထႆးပွတ်းႁွင်ႇၼႆႉ မီးလႅၼ်လိၼ်တိတ်းၸပ်းၵၼ်တင်းမိူင်းတႆး 3 တီႈ မိူၼ်ၼင်ႇၶူဝ်မိုတ်ႈၵိုဝ်းမၢႆ 1 မႄႈသၢႆ – တႃႈၶီႈလဵၵ်း။ ၶူဝ်မိုတ်ႈၵိုဝ်းမၢႆ 2 လႄႈ တီႈသၢမ်ၸဵင်ႇၶမ်း ၸိူဝ်းၼႆႉ ။ လိူဝ်သေမႄႈသၢႆတႃႈၶီႈလဵၵ်းယဝ်ႉတၢင်းပွတ်းမႄႈသွတ်ႇ – မျဝၻီႇၵေႃႈ မီးလွင်ႈၵူတ်ႇထတ်းႁၢဝ်ႈႁႅင်းမိူၼ်ၵၼ်ၼႆယဝ်ႉ။