ထူပ်းႁၼ်တူဝ်တၢႆ ၽူႈၸၢႆး ဢႃယု 24 ပီ တီႈၼႂ်းမႄႈၼမ်ႉတူၼ် ယွၼ်ႉၵႂႃႇသျွတ်ႉပႃသေ လူႉတၢႆ ဝႃႈၼႆ။
ဝၼ်းတီႈ 21/11/2017 ယၢမ်းၵၢင်ၶမ်ႈ 6 မူင်း ထူပ်းႁၼ်တူဝ်တၢႆ ၸၢႆးတဵင်းထျၢႆႉ ဢႃယု 24 ပီ ယူႇပွၵ်ႉမျဵဝ်ႉမ ဝဵင်း မိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်းဢွၵ်ႇ မၼ်းၸၢႆးၵႂႃႇသျွတ်ႉပႃ တီႈၼႂ်းမႄႈၼမ်ႉတူၼ် တႄႇၶၢဝ်း ယၢမ်းၵၢင်ဝၼ်း ထိုင် ႁူဝ်ၶမ်ႈ 6 မူင်း ပႆႇႁၼ်ပွၵ်ႈၶိုၼ်းႁိူၼ်းလႄႈ ၸိူဝ်းပဵၼ်ပီႈၼွင်ႉဢွၼ်ၵၼ်မႆႈၸႂ်သေ ၵႂႃႇ သွၵ်ႈႁႃ ၸၢႆးတဵင်းထျၢႆႉ ထူပ်းႁၼ်မၼ်းၸၢႆးၼွၼ်းတၢႆဝႆႉၼႂ်းၵႄးၼမ်ႉတူၼ် ၾၢႆႇတႂ်ႈၶူဝ် ယၢၼ်ၵႆမွၵ်ႈ 50 ထတ်း ဝႃႈၼႆ။
ၵဵဝ်ႇၵပ်းလွင်ႈၼႆႉ မၼ်းၸၢႆးၵႂႃႇသျွတ်ႉပႃၼႆသေ ပႃးၸၢၵ်ႈၾႆးၾႃႉၵႂႃႇၶိူင်ႈၼိုင်ႈလႄႈ ၶႄတႃၶႅင်းသွင်ဢၼ် ဝႃႈၼႆ။
တေႃႈလဵဝ် ယူႇတီႈၾၢႆႇၸဝ်ႈၼႃႈတီႈပလိၵ်ႈ တီႈဝဵင်းမိူင်းတူၼ် တိုၵ်ႉၵူတ်ႇထတ်းတူၺ်း လွင်ႈပိူင်ပဵၼ်ၵၢၼ်တၢႆ ၸၢႆးတဵင်းထျၢႆႉဝႆႉယူႇ- ဝႃႈၼႆ။
Photo: စိုင်းအောင်ထွေး (မိုင်းတုံ)
ၶေႃႈမုလ်း www.tachileik.net
