ၸဝ်ႈၶူးဢိၼ်းတႃး ႁူမ်ႈလူၺ်ႈတၵ်ႉၵႃႇသတ်ႉထႃးၼႂ်းဝဵင်းၵဵင်းမႆႇ ႁူမ်ႈၵၼ်ၽိတ်ႈပၢင်းဢဝ် ၸဝ်ႈတူၼ်ၶူးသုၶမ်း ၸဝ်ႈၽူႈ ပိုၼ်ၽႄႈသႃသၼႃမိူင်းသၼ်လွႆ မဵတ်ႉတႃႇတြႃး တီႈဝတ်ႉပႃႇပဝ်ႈ ဝဵင်းၵဵင်းမႆႇ ၸိုင်ႈထႆး။
ဝၼ်းတီႈ 23/11/2018 ၶၢဝ်းယၢမ်း 19:00 – 21:00 ၸဝ်ႈၶူးဢိၼ်းတႃး ၸဝ်ႈၵွၼ်းဝတ်ႉပႃႇပဝ်ႈလႄႈ တၵ်ႉၵႃႇသတ်ႉထႃးတေႁူမ်ႈၵၼ် ၸတ်းႁဵတ်းပၢင်တြႃးတီႈဝတ်ႉပႃႇပဝ်ႈ ဝဵင်းၵဵင်းမႆႇ ၸိုင်ႈထႆး တေမီးၸဝ်ႈၶူးသုၶမိၼ်တ (ၸဝ်ႈသုၶမ်း) တၵ်ၵသီလမႁႃထမ်မၸရိယ M.A (Buddhism) M.A (Sri Langha) မဵတ်ႉတႃႇတြႃးၼႆယဝ်ႉ။
ၸဝ်ႈၶူးသုဝၼ်း ဝတ်ႉပႃႇပဝ်ႈ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ တႃႇတေမီးတိုဝ်ႉတၢင်းၸိူင်ႉၼႆ ၼႆႉဢမ်ႇငၢႆႈလႄႈ ယွၼ်းႁႂ်ႈပီႈၼွင်ႉႁဝ်း ဢွၼ်ၵၼ်မႃးထွမ်ႇတြႃးၼမ်ၼမ် ၼင်ႇႁိုဝ်တေမီးသတိတြႃး ၼႂ်းၵၢၼ်ၸႂ်ႉၸၢတ်ႈပၢၼ်မိူဝ်းၼႃႈႁႂ်ႈပေႃးထုၵ်ႇမႅၼ်ႈၸိုဝ်ႈၸႂ်ႈၶိုၼ်ႈယႂ်ႇမႂ်ႇသုင်ၵႂႃႇ သင်ၽူႈမီးၼမ်ႉၸႂ် လီၵေႃႉလႂ်ၶႂ်ႈၸႃႇၵၼမ်ႉၵတ်းၼမ်ႉယဵၼ် တၢင်းၵိၼ်တၢင်းယႅမ်ႉ ၼႆၵေႃႈလႆႈယူႇ” ဝႃႈၼႆ။
ၶပ်ႉမၢႆၶၢဝ်းတၢင်းပၢင်ႁေႃးတြႃး ၸဝ်ႈၶူးသုၶမိၼ်တ ၸဝ်ႈသုၶမ်း တၢင်ႉယၢၼ်းၼႆႉ ဝၼ်းတီႈ 21/ 11/2018 ၶၢဝ်းယၢမ်း 7:00 – 9:00 PM တီႈဝတ်ႉပဵင်းလူင် ၸႄႈဝဵင်းဝဵင်းႁႅင် ၸႄႈတွၼ်ႈၵဵင်းမႆႇ။ ဝၼ်းတီႈ 22/11/ 2018 ၶၢဝ်းယၢမ်းၵၢင်ၼႂ် 9:00 – 11:00 တီႈဝတ်ႉၾႃႉဝဵင်းဢိၼ်း ၸႄႈဝဵင်းဝဵင်းႁႅင် ၸႄႈတွၼ်ႈၵဵင်းမႆႇ၊ ၶၢဝ်းယၢမ်း7:00 – 9:00 PM တီႈဝတ်ႉမႄႈဢိတ်ႇ ၸႄႈဝဵင်းၵဵင်းလၢဝ် ၸႄႈတွၼ်ႈၵဵင်းမႆႇ။ ဝၼ်းတီႈ 24/11/2018 ၶၢဝ်းယၢမ်း 9:00 – 11:00 AM ဝတ်ႉသူဝ်ၽူၼ်း ၸႄႈဝဵင်းရယွင်း၊ ဝၼ်းတီႈ 25/11/2018 ၶၢဝ်းယၢမ်း 1:00 – 2:00 PM ဝတ်ႉမႂ်ႇ ဝဵင်းမိူင်းၵွၵ်ႇ ၸိုင်ႈထႆး။
ၸိူင်ႉၼၼ်ၼင်ႇၵဝ်ႇ ၼႂ်းဝၼ်းတီႈ 19/11/2018ၵေႃႈ ၶၢဝ်းယၢမ်းတႄႇၵၢင်ၶမ်ႈ 7 မူင်း Dr.ၸဝ်ႈပၺ်ၺႃ ၼၼ်တ ထၢတ်ႈတေႃႇလွႆလႅမ် တေယေႃးမုၼ်မဵတ်ႉတႃႇတြႃးပၼ် တီႈဝတ်ႉၵူႇတဝ်ႈ ဢိူင်ႇသီၽုမ်း ၸႄႈဝဵင်းမိူင်း ၸႄႈတွၼ်ႈၵဵင်းမႆႇ ၸိုင်ႈထႆး။
