ၼႂ်းၸႄႈဝဵင်းမိူင်းၽျၢၵ်ႈ ၸိုင်ႈတႆးပွတ်းဢွၵ်ႇ ၵေႃႉပဵၼ်ပေႃႈ ၵေႃႉၼိုင်ႈဢဝ်ယႃႈၶႃႈယိူဝ်ႈလဵင်ႉလုၵ်ႈလၢင်း 3 ၵေႃႉ ၵိၼ် သေ တူဝ်ၸဝ်ႈၵဝ်ႇသမ်ႉ ဢူမ်ၵွင်ႈသတ်ႉယၢမ်းလၼ်ႇယိုဝ်းၶႃႈတူဝ်ၵဝ်ႇၶိုၼ်း။

ဝၼ်းတီႈ 04/11/2018 ယၢမ်းၵၢင်ၼႂ် ၸိုဝ်ႈႁွင်ႉ လီပူဝ်း (ၽူႈၸၢႆး ဢႃယု 39 ပီ) ၵူၼ်းဝၢၼ်ႈၼမ်ႉႁူၺ်ႈယုင်း ၸႄႈဝဵင်း မိူင်းၽျၢၵ်ႈ ၸႄႈတွၼ်ႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇ။ မၼ်းၸၢႆး ဢဝ်ယႃႈၶႃႈယိူဝ်ႈ လဵင်ႉၵေႃႉပဵၼ်လုၵ်ႈၸၢႆး/ ယိင်း 3 ၵေႃႉ လိူဝ်ၼၼ်ႉ ဢဝ်ၵွင်ႈယိုဝ်းၶိုၼ်းတူဝ်ၸဝ်ႈၵဝ်ႇ။ ယွၼ်ႉမၼ်းၸၢႆး ၸႂ်ဢမ်ႇလီၸွမ်း ၵေႃႉပဵၼ်မေး ပၢႆႈလူင်းႁိူၼ်း ဝႃႈၼႆ။

ယူႇတီႁွင်ႈၵၢၼ်ၾၢႆႇႁူမ်ႇလူမ်ႈ ၼႂ်းမိူင်းဢွၵ်ႇၶၢဝ်ႇဝႆႉဝႃႈ “ ယွၼ်ႉမၼ်းၸၢႆး ၸႂ်ဢမ်ႇလီၸွမ်းၵေႃႉ ပဵၼ်မေးမၼ်းၸၢႆး ပၢႆႈ လူင်းႁိူၼ်းၵႂႃႇပႅတ်ႈ မၼ်းၸၢႆးဢဝ်ယႃႈၶႃႈယိူဝ်ႈ ဢၼ်ႁဵတ်းဢွၵ်ႇတၢင်းမိူင်းထႆးၼၼ်ႉ ႁႂ်ႈလုၵ်ႈ မၼ်းၸၢႆး ဢႃယု 2 ပီ ၵေႃႉၼိုင်ႈလႄႈ လုၵ်ႈၸၢႆးဢႃယု 6 ပီၵေႃႉၼိုင်ႈလိူဝ်ၼၼ်ႉ လုၵ်ႈယိင်းထႅင်ႈၵေႃႉၼိုင်ႈၵိၼ်။ မၼ်းၸၢႆးသမ်ႉ ဢူမ်ၵွင်ႈ သတ်ႉယၢမ်းလၼ်ႇယိုဝ်းၶိုင်ၶႃႈတူဝ်တၢႆ” ဝႃႈၼႆ။

ၸၢႆးလီပူဝ်း လႆႈမၢတ်ႇၸဵပ်းသေ လႆႈသူင်ႇယူတ်းယႃတူဝ် တီႈႁူင်းယႃၵူၼ်းမိူင်း ၸႄႈဝဵင်းမိူင်းၽျၢၵ်ႈ ထိုင်ယၢမ်းၵၢင် ၶမ်ႈ 8 မူင်း မၼ်းၸၢႆးလႆႈလူႉသဵင်ႈၵႂႃႇတီႈႁူင်းယႃ။ လုၵ်ႈဢွၼ်ႇ မၼ်းၸၢႆး 3 ၵေႃႉၼၼ်ႉတႄႉဢမ်ႇ တၼ်းတၢႆ တေႃႈ လဵဝ် ယူတ်းယႃတူဝ်ဝႆႉယူႇတီႈ ႁူင်းယႃ ဝဵင်းမိူင်းၽျၢၵ်ႈ ဝႃႈၼႆ။