ၸုမ်းၵူၼ်းၼုမ်ႇတႆး ၸဵင်ၼုမ်ႇ တေႁူမ်ႈၵၼ်ၸတ်းႁဵတ်းပၢင်ယုၵ်ႉယွင်ႈ ၸဝ်ႈၶူးမေႃတႆး ဝၼ်းၶူးတႆးၶွပ်ႈတဵမ် 50 ပီ (ပီၵွၼ်းၶမ်း)လႄႈ ယွင်ႈယေႃးမေႃသွၼ်လိၵ်ႈတႆး ။
ဝၼ်းတီႈ 08/11/2018 ၸုမ်းၵူၼ်းၼုမ်ႇတႆး ၸဵင်ၼုမ်ႇဝဵင်းလႃႈသဵဝ်ႈ တေႁူမ်ႈၵၼ်ၸတ်းႁဵတ်းပၢင်ယုၵ်ႉယွင်ႈၸဝ်ႈၶူးမေႃတႆးလႄႈ ယုၵ်ႉယွင်ႈၼမ်ႉၸႂ်မေႃသွၼ်လိၵ်ႈတႆး တီႈႁူင်းႁေႃမွၵ်ႇၵွၼ် ဢၼ်မီးၾၢႆႇၸၢၼ်း ဝိႁၢရ်ၵၢင်မိူင်း ပွၵ်ႉ 12 ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၶၢဝ်းယၢမ်း 5:00 ၵၢင်ၼႂ်ၵၢပ်ႈသွမ်း သင်ၶၸဝ်ႈ၊ ၶၢဝ်းယၢမ်း 09:00မူင်းတႄႇပၢင်ယွင်ႈယေႃးၵႂႃႇ ဝႃႈၼႆ ။
ၸၢႆးသိူဝ် ၽူႈမီးပုၼ်ႈၽွၼ်းၼႂ်းၸုမ်းၸဵင်ၼုမ်ႇ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ယိူင်းဢၢၼ်းဢၼ်ႁဝ်းၶႃႈတေၸတ်းႁဵတ်းၼႆႉ ပိူဝ်ႈႁႂ်ႈၶုၵ်းထူပ်းၸဝ်ႈၶူးမေႃတႆးႁဝ်း ဢၼ်လႆႈမၵ်းမၼ်ႈၵၼ်မိူဝ်ႈလိူၼ် 12 မႂ်ႇ1 ၶမ်ႈ ပီ 1968 တီႈဝဵင်းလူင်တူၼ်ႈတီးၼၼ်ႉ လိူဝ်ၼၼ်ႉၵေႃႈ ယုၵ်ႉယွင်ႈမေႃသွၼ်လိၵ်ႈတႆး ဢၼ်ႁၢပ်ႇၵိုတ်ႉၵၢၼ်ယူႇယၢမ်းလဵဝ် ၽႂ်တူဝ်ႈတၼ်းၵေႃႈ ၶႅၼ်းတေႃႈဢွၼ်ၵၼ်မႃးၶဝ်ႈႁူမ်ႈၵၼ် သေၵမ်း” ဝႃႈၼႆ။
မိူဝ်ႈလိူၼ် 12 မႂ်ႇ 1 ၶမ်ႈ ပီ 1968 ၼၼ်ႉ လႆႈဢွၼ်ၵၼ်မၵ်းမၼ်ႈ ဝၼ်းၸဝ်ႈၶူးမေႃတႆး တီႈဝဵင်းလူင် တူၼ်ႈတီး ၼႂ်းပီ 2018 ၼႆႉ ၶွပ်ႈတဵမ် 50 ပီ ယူႇတီႈၸုမ်းၸဵင်ၼုမ်ႇသေ တေၶတ်းၸႂ် ၸတ်းႁဵတ်း ပၢင်ယုၵ်ႉယွင်ႈၵႂႃႇၸိူင်ႉၼႆၵူႈပီပီၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ