ၶွမ်ႊမတီႊပၢင်လိူၵ်ႈတင်ႈမိူင်းႁူမ်ႈတုမ် ပိုၼ်ၽၢဝ်ႇ သဵၼ်ႈၸိုဝ်ႈၽူႈတႅၼ်းသၽႃး ဢၼ်ပေႉပၢင်လိူၵ်ႈသွမ်ႈ ဢၼ် ၸတ်းႁဵတ်းၼႂ်းလိူၼ်ၼူဝ်ႊဝႅမ်ႊၿိူဝ်ႊၼႆႉ တင်းမူတ်း မီး 13 ဢွင်ႈတီႈ ၼႂ်းၼၼ်ႉ ပႃးမိူင်းတႆး ၸႄႈဝဵင်းလၢႆးၶႃႈ ၼိုင်ႈ တီႈၼင်ႈ။
ဝၼ်းတီႈ 03/11/2018 ယူႇတီႈၶွမ်ႊမသျိၼ်ႊပၢင်လိူၵ်ႈတင်ႈသွမ်ႈ မိူင်းႁူမ်ႈတုမ် ၸတ်းႁဵတ်းပၢင်လိူၵ်ႈတင်ႈသွမ်ႈၼႂ်း တိူင်းလႄႈ ၸႄႈမိူင်း တႃႇ 13 တီႈၼင်ႈ။ ၼႂ်းၼၼ်ႉ ၸႄႈမိူင်းတႆး၊ ၸႄႈမိူင်းၶျၢင်း၊ ၸႄႈမိူင်းရၶႅင်ႇ၊ ၸႄႈမိူင်းၶၢင်၊ တိူင်း တႃႈၵုင်ႈ၊ တိူင်းဝဵင်းလိူဝ်ႇ၊ တိူင်းၸႄႈၵႅင်း၊ တိူင်းပႃႇၵိူဝ်လႄႈ တိူင်းမၵူၺ်း ၸိူဝ်းၼႆႉ။
ယူႇတီႈၶွမ်ႊမသျိၼ်ႊပၢင်လိူၵ်ႈတင်ႈသွမ်ႈ မိူင်းႁူမ်ႈတုမ် ပိုၼ်ၽၢဝ်ႇ သဵၼ်ႈၸိုဝ်ႈၽူႈတႅၼ်းသၽႃးၸႄႈမိူင်း ဢၼ်ပေ့ ပၢင်လိူၵ်ႈတင်ႈ ၸႄႈမိူင်းၶဵတ်ႇလိူၵ်ႈတင်ႈ မၢႆ 1 တင်း မၢႆ 2 တင်းမူတ်း 7 ၵေႃ့၊ ၽူႈတႅၼ်းသၽႃးၵူၼ်းမိူင်း 3 ၵေႃ့၊ ၽူႈ တႅၼ်းသၽႃးၸိူဝ့်ၸၢတ်ႈ 1 ၵေႃ့လႄႈ ၽွင်းလူင်ၾၢႆႇၸၢဝ်းၶိူဝ်းတႆး 1 ၵေႃႉ။
ၽူႈတႅၼ်းသၽႃးၸႄႈမိူင်းလႄႈတိူင်း ၶဵတ်ႇလိူၵ်ႈတင်ႈ မၢႆ 1 တင်း မၢႆ 2 သမ်ႉ ၽူႈပေႉပၢင်လိူၵ်ႈတင်ႈ ၼႂ်းၸႄႈမိူင်း ၶျၢင်း ၸႄႈဝဵင်းမတူႇပီ ၶဵတ်ႇ လိူၵ်ႈတင်ႈ မၢႆ 1 ပဵၼ် ဢူးဢွင်ႇလၢၼ်ႇ ပႃႇတီႇၶျၢင်း၊ ၼႂ်းတိူင်းၸႄႈၵႅင်း ၶဵတ်ႇလိူၵ်ႈတင်ႈ မၢႆ 2 ၸႄႈဝဵင်းတမူးသမ်ႉ ပဵၼ်ဢူးလူဝ်ႇထၢၼ်းပီႊယိူဝ်ႊ ပႃႇတီႇသၢင်ႇသီႈ၊ တိူင်းပႃႇၵိူဝ် ၶဵတ်ႇလိူၵ်ႈတင်ႈ မၢႆ 1 ၸႄႈဝဵင်း ဢုၵ့်တုၼ်း ပဵၼ်ဢူးၵျေႃႇၸေႇယ ပႃႇတီႇ ၼူၵ့်ယုင်း၊ တိူင်းမ ၵူၺ်း ၶဵတ်ႇလိူၵ်ႈတင်ႈမၢႆ 2 ၸႄႈဝဵင်းမိၼ်းပူး ဢူးၵျေႃႇ ငူၺ်ႇ ပႃႇတီႇၼူၵ့်ယုင်း၊ တိူင်းမၼ်းတလေး ၶဵတ်ႇလိူၵ်ႈတင်ႈ မၢႆ 1 ၸႄႈဝဵင်းတပိၵ့်ၵျိၼ်း ဢူးသူဝ်းလုၼ်ႇ ပႃႇတီႇၼူၵ့် ယုင်း၊ ၸႄႈမိူင်းရၶႅင်ႇ ၶဵတ်ႇလိူၵ်ႈတင်ႈ မၢႆ 2 ၸႄႈဝဵင်းရတႄ့တွင်ႇ ဢူးတိၼ်ႇမွင်ႇဝိၼ်း သုၼ်ႇလဵဝ်(သုၼ်ႇတူဝ်)၊ တိူင်း တႃႈၵုင်ႈ ၶဵတ်ႇလိူၵ်ႈတင်ႈ မၢႆ 2 ၸႄႈဝဵင်းသဵၵ့် ၵၼ်း ဢူးၼေႇမဵဝ်း ဢွင်ႇ ပႃႇတီႇသၢင်ႇသီႈ ၸဵမ်ၸိူဝ်းၼႆ့။
ၽူႈတႅၼ်းသၽႃးၵူၼ်းမိူင်းသမ့် ၸႄႈဝဵင်းမိၼ်းၶျၢၼ်ႇ တိူင်းမၼ်းတလေး ဢူးၸဵင်ႇမိၼ့် ပႃႇတီႇၼူၵ့်ယုင်း၊ ၸႄႈဝဵင်း တႃႈမူၺ်း ဢူးတူဝ်းဝိၼ်း ပႃႇတီႇၼူၵ့်ယုင်းလႄႈ ၸႄႈမိူင်းတႆး ၸႄႈဝဵင်းလၢႆးၶႃႈ ၸၢႆးဢူၵ့်ၵႃႇ ပႃႇတီႇႁူဝ်သိူဝ် ၸိူဝ်းၼႆ့။
ၽူႈတႅၼ်းသၽႃးၸိူဝ်ႉၸၢတ်ႈသမ်ႉ ၸႄႈမိူင်းၶၢင် ၶဵတ်ႇလိူၵ်ႈတင်ႈမၢႆ 2 ဢူးသီႇႁူးတူၺ်ႇပႃႇတီႇသၢင်ႇသီႈလႄႈ ၽွင်းလူင်ၾၢႆႇၸၢဝ်းၶိူဝ်းတႆး တိူင်းတႃႈလိူဝ်ႇသမ်ႉ ပဵၼ်ၸၢႆးပၢၼ်းသႅင် ပႃႇတီႇၼူၵ်ႉယုင်း ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ