ပူၼ်ႉမႃး ၶၢဝ်းတၢင်းလၢႆဝၼ်းၼႆႉ မီးၸုမ်းယိပ်းၵွင်ႈၵၢင်ႇၸုမ်းၼိုင်ႈ တီႉၺွပ်းၵူၼ်းမိူင်း ၼႂ်းဢိူင်ႇတႃႈမိူင်းငႅၼ်း ၸႄႈ ဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇၵႂႃႇ မွၵ်ႈ 40 ၵေႃႉ ဝႃႈၼႆ။
ၵဵဝ်ႇလူၺ်ႈလွင်ႈၼႆႉ ယူႇတီႈသိုဝ်ႇၶၢဝ်ႇ RFA ႁၢႆးငၢၼ်းဢွၵ်ႇဝႃႈ “ ႁူင်းပလိၵ်ႈၸႄႈဝဵင်းၵူတ်ႉၶၢႆဝႃႈ လႆႈႁူႉဝႃႈ ၸုမ်း ဢူၺ်းလီပွတ်းႁွင်ႇ ၸုမ်းၼိုင်ႈတီႉၺွပ်းၵူၼ်းဝၢၼ်ႈ ၽူႈၸၢႆး ၼႂ်းဢိူင်ႇတႃႈမိူင်းငႅၼ်း မွၵ်ႈ 40 ၵေႃႉ။ တီႉၺွပ်းႁွင်ႉၵႂႃႇ တႃႇတေႁဵတ်းသိုၵ်း” ဝႃႈၼႆ။
ၵူၼ်းမိူင်းမွၵ်ႈ 40 ၵေႃႉ ဢၼ်ထုၵ်ႇတီႉၺွပ်းၵႂႃႇၼၼ်ႉ ပဵၼ်ၽူႈၸၢႆး ၵူၼ်းၼုမ်ႇ ၵူၼ်းၶၢဝ်ႉ ၵမ်ႈၼမ် ဝႃႈၼႆ။
ၼႂ်းပိုၼ်ႉတီႈၸိူဝ်းၼၼ်ႉ မၼ်းပဵၼ်ပိုၼ်ႉတီႈၵႂႃႇမႃးႁႃၵၼ်ယၢပ်ႇဝႆႉ ဢၼ်ၼိုင်ႈလႄႈ တေႃႇထိုင်ယၢမ်းလဵဝ် လွင်ႈ ၵပ်းသိုပ်ႇ ၵွင်ႉႁႃၵူၼ်းမိူင်း ဢၼ်ၺႃးတီႉၺွပ်းၵႂႃႇၼၼ်ႉ ပႆႇၵပ်းသၢၼ်တိတ်းတေႃႇလႆႈ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ