Thursday, March 28, 2024

SSPP တင်း NDAA တေၶဝ်ႈႁူမ်ႈပၢင်ၵုမ်ဢုပ်ႇဢူဝ်း ယူင်ႉၶၢပ်ႈၵၢၼ်မိူင်း

Must read

UPDJC တေၸတ်းႁဵတ်းပၢင်ဢုပ်ႇဢူဝ်း ယူင်ႉၶၢပ်ႈၵၢၼ်မိူင်း တီႈလုမ်း NRPC တႃႈၵုင်ႈ၊ မွၵ်ႇထိုင်ၸုမ်းယိပ်းၵွင်ႈ ၵၢင်ႇၸၢဝ်းၶိူဝ်း ဢၼ်ပႆႇလူင်းလၢႆးမိုဝ်း NCA 5 ၸုမ်း ၶဝ်ႈႁူမ်ႈ။ ၼႂ်းၼၼ်ႉ တေဢမ်ႇၶဝ်ႈႁူမ်ႈတင်းမူတ်း ဢၼ်တေ ၶဝ်ႈႁူမ်ႈ ဢုပ်ႇဢူဝ်းၸွမ်းသမ်ႉ ၸုမ်းဝၢၼ်ႈႁႆး SSPP တင်း ၸုမ်းမိူင်းလႃး NDAA 2 ၸုမ်းၵူၺ်း ဝႃႈၼႆ။

Photo by – RFA/ ပၢင်ၵုမ် UPDJC တီႈၼေႇပျီႇတေႃႇ မိူဝ်ႈဝၼ်းတီႈ 30 လိူၼ်ဢွၵ်ႊထူဝ်ႊပိူဝ်ႊ 2017

ဢူးသေႃႇထေး ၽူႈၶၢၼ်ပၢၵ်ႇ လုမ်းၵိူဝ်းၵုမ်ၸိုင်ႈမိူင်းႁူမ်ႈတုမ် သပ်းၸႅင်ႈၶၢဝ်ႇဝႃႈ “ ၼႂ်းပၢင်ဢုပ်ႇဢူဝ်းယူင်ႉၶၢပ်ႈ ၵၢၼ်မိူင်းၼႆႉ ဢၼ်ပွင်ႇမႃးၸူး တွၼ်ႈတႃႇတေၶဝ်ႈႁူမ်ႈဢုပ်ႇဢူဝ်းၸွမ်းတႄႉ တေပဵၼ် SSPP တင်း NDAA 2 ၸုမ်း” ဝႃႈၼႆ။

- Subscription -

ယူႇတီႈလူင်ပွင်ၸိုင်ႈ မွၵ်ႇထိုင် ၸုမ်းၸၢဝ်းၶိူဝ်းယိပ်းၵွင်ႈၵၢင်ႇ ၸိူဝ်းပႆႇလူင်းလၢႆးမိုဝ်း NCA တင်းမူတ်း 5 ၸုမ်း။ ၸုမ်းဝႃႉ UWSA၊ ၸုမ်းမိူင်းလႃး NDAA၊ ၸုမ်းၶၢင် KIA၊ ၸုမ်းဝၢၼ်ႈႁႆး SSPP လႄႈၸုမ်းယၢင်း KNPP ၸိူဝ်းၼႆႉ။

မိူဝ်ႈၼႆႉ ဝၼ်းတီႈ 31/10/2018 ယူႇတီႈၶွမ်ႊမသျိၼ်ႊလွင်ႈငမ်းယဵၼ်မၢၼ်ႈ တင်း ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း 3 ၸုမ်း AA(ရၶႅင်ႇ)၊ TNLA (တဢၢင်း) လႄႈ MNDAA (ၵဝ်ႈၵၢင်ႉ) ႁူပ်ႉဢုပ်ႇၵၼ် တီႈမိူင်းယုၼ်ၼၢၼ် ၸိုင်ႈမိူင်းၶႄႇ။ တွၼ်ႈတႃႇ တေပဵၼ်ႁူ ပဵၼ်တႃၸွမ်းၼၼ်ႉ မွၵ်ႇထိုင် ၸုမ်းဝႃႉ UWSA တင်း ၸုမ်းၶၢင် KIA ၶဝ်ႈႁူမ်ႈၸွမ်း ဝႃႈၼႆ။

ပၢင်ဢုပ်ႇဢူဝ်းယူင်ႉၶၢပ်ႈၵၢၼ်မိူင်းၼႆႉ တေၸတ်းႁဵတ်း ၼႂ်းဝၼ်းတီႈ 1 ထိုင် 3 လိူၼ်ၼူဝ်ႊဝႅမ်ႊၿိူဝ်ႊ 2018 ဝႃႈၼႆ။

ၶေႃႈမုလ်း – RFA

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း