ၶွမ်ႊမတီႊပၢင်လိူၵ်ႈတင်ႈမိူင်းႁူမ်ႈတုမ် ပိုၼ်ၽၢဝ်ႇဢွၵ်ႇဝႆႉ ပၢႆႉႁႃသဵင် ၼေႃႇၽူႈတႅၼ်းသၽႃးဢၼ်တိတ်းပၢႆႉ ပူၵ်းႁႃသဵင်ဝႆႉၸိူဝ်းၼၼ်ႉ ႁႂ်ႈပူတ်းလူင်းၼႂ်းဝၼ်းတီႈ 1 တဵင်ႈၶိုၼ်းလိူၼ်ၼူဝ်ႊဝႅမ်ႊၿိူဝ်ႊ ႁႂ်ႈယဝ်ႉ။
ဝၼ်းတီႈ 03/11/2018 ၶွမ်ႊမတီႊပၢင်လိူၵ်ႈတင်ႈမိူင်းႁူမ်ႈတုမ် တေၸတ်းႁဵတ်းပၢင်လိူၵ်ႈတင်ႈသွမ်ႈ၊ ၼေႃႇၽူႈ တႅၼ်းၸိူဝ်းႁႃသဵင်တေလႆႈပူတ်းပၢႆႉႁႃသဵင်လူင်းမူတ်းမူတ်းၼႂ်းတဵင်ႈၶိုၼ်းဝၼ်းတီႈ 1 (12 PM/ 01/11/2018)။ တႃႇၶၢဝ်းတၢင်း 60 ဝၼ်း တႄႇယဝ်ႉတူဝ်ႈ ဝၼ်းတီႈ 2/11/2018။
ဝၼ်းတီႈ 01/11/2018 ယၢမ်းၵၢင်ၶိုၼ်း 12 မူင်း သင်ဢမ်ႇပူတ်းလူင်းၸိုင် ၶွမ်ႊမတီႊၾၢႆႇလိူမ်ႈလႆႇ တေပူတ်း လူင်းပၼ်၊ ၵူၺ်းၵႃႈ ၼေႃႇၽူႈတႅၼ်းတေလႆႈၸၢႆႇၵႃႈပူတ်းလူင်းပၼ် ဝႃႈၼႆ။
ၼႂ်းပၢၼ်လူင်ပွင်ၸိုင်ႈ ၸုပ်ႈၼႆႉ ၸတ်းႁဵတ်းပၢင်လိူၵ်ႈတင်ႈသွမ်ႈမႃး မီး 2 ပွၵ်ႈ လိူၼ် April 1 , 2017 ၸတ်းယဝ်ႉ ၵမ်းၼိုင်ႈ။ တီႈဝၢင်ႉပဝ်ႇ 8 တီႈ ၼႂ်းမိူင်းတႆးၼၼ်ႉ ပႃႇတီႇႁူဝ်သိူဝ်လႆႈ 6 တီႈၼင်ႈ။ ပၢင်လိူၵ်ႈတင်ႈသွမ်ႈၵမ်းၼႆႉ တွၼ်ႈတႃႇၶိူဝ်းတႆးပဝ်ႇ 2 တီႈၼင်ႈ။ တီႈၼင်ႈၽူႈတႅၼ်းသၽႃး ၵူၼ်းမိူင်းၸႄႈဝဵင်းလၢႆးၶႃႈ ၼိုင်ႈတီႈ၊ ၼႂ်းတိူင်းဝဵင်း လိူဝ်ႇသမ်ႉ တီႈၼင်ႈၽွင်းလူင်ၾၢႆႇၸၢဝ်းၶိူဝ်းတႆး ၼိုင်ႈတီႈ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ