Friday, March 29, 2024

ၵူၼ်းမိူင်းၼႂ်းၸႄႈဝဵင်းၼမ်ႉသၼ်ႇၵေႃႉၼိုင်ႈ ယဵပ်ႇၺႃးမၢၵ်ႇတႅၵ်ႇ တိူဝ်ႉမၢတ်ႇၸဵပ်းႁၢဝ်ႈႁႅင်း

Must read

ၼႂ်းဝၼ်းဢွၵ်ႇဝႃႇသႃ လိူၼ် 11 မူၼ်းၼၼ်ႉ ၵူၼ်းမိူင်းၼမ်ႉသၼ်ႇ ၵေႃႉၼိုင်ႈ ယဵပ်ႇၺႃးမၢၵ်ႇၾင်လိၼ် လုၵ်ႈ ၼိုင်ႈ ဢၼ်ႁၢင်ႈၵၢင်ဝႆႉၼိူဝ်သဵၼ်ႈတၢင်းၵႂႃႇမႃး ၼႂ်းဢိူင်ႇမၢၼ်ႈၵၢင် တႅၵ်ႇၽူင်ႉသႂ်ႇ မၢတ်ႇၸဵပ်းႁၢဝ်ႈႁႅင်း ဝႃႈၼႆ။

Photo by – Ashin Uttama/ တေႃႇၶိၼ်ႇဢူင်းၵျီႇ ယဵပ်ႇၺႃးမၢၵ်ႇတီႈၼိူဝ်သဵၼ်ႈတၢင်း ၼႂ်းဢိူင်ႇမၢၼ်ႈၵၢင် ၸႄႈဝဵင်းၼမ့်သၼ်ႇ

ဝၼ်းတီႈ 24/10/2018 ယၢမ်းၵၢင်ၼႂ် မွၵ်ႈ 10:30 မူင်းၼၼ်ႉ ၸိုဝ်ႈႁွင်ႉ တေႃႇၶိၼ်ႇဢူင်းၵျီး ႁေႃႈလူတ်ႉၶိူင်ႈသေ တေၵႂႃႇၵၼ်ႇတေႃး ပီႈၼွင်ႉဝႃႈၼႆသေ ယဵပ်ႇၺႃးမၢၵ်ႇၾင်လိၼ် ဢၼ်ႁၢင်ႈၵၢင်ဝႆႉ ၼိူဝ်သဵၼ်ႈတၢင်း လုၵ်ႈၼိုင်ႈ ၼႂ်း ဢိူင်ႇမၢၼ်ႈၵၢင် ၸႄႈဝဵင်းၼမ်ႉသၼ်ႇ ၸိုင်ႈတႆးပွတ်းႁွင်ႇ တႅၵ်ႇၽူင်ႉသႂ်ႇတီႈၶႃမၼ်းၼၢင်းၾၢႆႇသၢႆႉ တႄႇဢဝ်တွင်ႇ ၼွင်ႈလူင်းတႂ်ႈ လႆႈမၢတ်ႇၸဵပ်းႁၢဝ်ႈႁႅင်း ဝႃႈၼႆ။

- Subscription -

ၸဝ်ႈၶူးဢုၵ်ႉတမ ၼႂ်းဢိူင်ႇမၢၼ်ႈၵၢင် လၢတ်ႈဝႃႈ “ မၢၵ်ႇၼၼ်ႉ တႅၵ်ႇၼႂ်းၵၢင်သဵၼ်ႈ တၢင်းၵမ်းလဵဝ်။ တေႃႇၶိၼ်ႇ ဢူင်းၵျီးၼၼ်ႉ လႆႈမၢတ်ႇၸဵပ်းတႄႇဢဝ်တွင်ႇၼွင်ႈလူင်းတႂ်ႈ။ မၢၵ်ႇၼႆႉ လႅပ်ႈ တေမႃးႁၢင်ႈၵၢင်ဝႆႉ မိူဝ်ႈဝၼ်းတီႈ 23 ၼၼ်ႉ။ ၵွၼ်ႇၼႃႈၼၼ်ႉ ၵူၼ်းမိူင်းၵႂႃႇမႃး ၵၼ်ယူႇသေႇသေႇ။ ထႅင်ႈၾၢႆႇ ၼိုင်ႈ ၵေႃႈ ၸမ်ဢွၵ်ႇဝႃႇယဝ်ႉလႄႈ ၵူၼ်းမိူင်းဢွၼ်ၵၼ်ၵႂႃႇသိုဝ်ႉၶူဝ်းၶွင် ထိုင်မႃး ဝၼ်းတီႈ 24 ၸင်ႇတႅၵ်ႇ” ဝႃႈၼႆ။

Photo by – Ashin Uttama/ ဢွင်ႈတီႈမၢၵ်ႇတႅၵ်ႇ ၼိူဝ်သဵၼ်ႈတၢင်း ၼႂ်းဢိူင်ႇမၢၼ်ႈၵၢင် ၸႄႈဝဵင်းၼမ့်သၼ်ႇ

ၵဵဝ်ႇလူၺ်ႈလွင်ႈၼႆႉ ယူႇတီႈၸုမ်းၸွႆႈထႅမ် ၽေးၵိုင်ႉၵၢင်ႉ ၼႂ်းၸႄႈဝဵင်းၼမ်ႉသၼ်ႇ လႆႈၼမ်းဢဝ်တူဝ် တေႃႇၶိၼ်ႇ ဢူင်းၵျီး သူင်ႇယူတ်းယႃတူဝ်တီႈႁူင်းယႃၵူၼ်းမိူင်း ၼမ်ႉသၼ်ႇယဝ်ႉ ဝႃႈၼႆ။

Photo by – Ashin Uttama/ မၢၵ်ႇတႅၵ်ႇတိူဝ့်သႂ်ႇ လူတ့်ၶိူင်ႈ တေႃႇၶိၼ်ႇဢူင်းၵျီး တီႈၼိူဝ်သဵၼ်ႈတၢင်း ၼႂ်းဢိူင်ႇမၢၼ်ႈၵၢင် ၸႄႈဝဵင်းၼမ့်သၼ်ႇ

တၢင်းပွတ်းတွၼ်ႈၼၼ်ႉ မီးသိုၵ်းယိပ်းၵွင်ႈၵၢင်ႇတူင်ႉၼိုင်ၵႂႃႇမႃး မိူၼ်ၼင်ႇ တပ်ႉသိုၵ်းလူင်ပွင်ၸိုင်ႈမၢၼ်ႈ၊ သိုၵ်းတ ဢၢင်း TNLA တင်း သိုၵ်း RCSS ၸိူဝ်းၼႆႉ ဝႃႈၼႆ။

ၶေႃႈမုလ်း – Marnagar News Journal

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း