တပ်ႉသိုၵ်းတဢၢင်း TNLA ဢွၵ်ႇၶေႃႈပိုၼ်ၽၢဝ်ႇဝႃႈ ယူႇတီႈတပ်ႉသိုၵ်း RCSS ၽိူမ်ႉႁႅင်းသိုၵ်း ၶဝ်ႈၼႂ်းၼႃႈတီႈတပ်ႉ ဢူၺ်းလီပွတ်းႁွင်ႇလႄႈ သွင်ၾၢႆႇလႆႈပဵၼ်ပၢင်တိုၵ်းၵၼ်ၼႂ်းၸႄႈဝဵင်းသီႇပေႃႉ ဝႃႈၼႆ။
ဝၼ်းတီႈ 23/10/2018 ယၢမ်းၵၢင်ၶမ်ႈ ၸုမ်းဢူၺ်းလီပွတ်းႁွင်ႇ တင်း တပ်ႉသိုၵ်း RCSS ပဵၼ်ပၢင်တိုၵ်းၵၼ် တီႈႁိမ်း လွႆလမ် ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၵူၼ်းဝၢၼ်ႈၵူၼ်းသူၼ်ဢမ်ႇၸၢင်ႈလူင်းႁႆႈလူင်းၼႃး ဝႃႈၼႆ။
မိူဝ်ႈပူၼ်ႉမႃး ဝၼ်းတီႈ 21/10/2018 ၸုမ်းဢူၺ်းလီပွတ်းႁွင်ႇ တင်း RCSS ပဵၼ်ပၢင်တိုၵ်းၵၼ်ၼႂ်းၸႄႈဝဵင်းၼမ်ႉ တူႈ မႃးယဝ်ႉၵမ်းၼိုင်ႈ။ တေႃႈလဵဝ် ပၢင်တိုၵ်းၵေႃႈ တိုၵ်ႇသိုပ်ႇပဵၼ်ထႅင်ႈယူႇ ဝႃႈၼႆ။
တပ်ႉသိုၵ်း RCSS ၼႆႉပဵၼ်ၸုမ်းဢၼ်လူင်းလၢႆးမိုဝ်း NCA ၸုမ်းၼိုင်ႈသေတႃႉ တင်း သိုၵ်းလူင်ပွင်ၸိုင်ႈမၢၼ်ႈ တင်း RCSS ၵေႃႈ ၵႆႉလႆႈပဵၼ်ပၢင်တိုၵ်းၵၼ်။
ၼႂ်းၸုမ်းဢူၺ်းလီပွတ်းႁွင်ႇ မီးၸုမ်းသိုၵ်းရၶႅင်ႇ AA၊ သိုၵ်းၶၢင် KIA၊ ၵဝ်ႈၵၢင်ႉ MNDAA၊ လွႆ TNLA၊ ဝႃႉUWSA တင်းမိူင်းလႃး NDAA သေတႃႉ ဢၼ်ႁူမ်ႈၵၼ်ယိုဝ်း RCSS တႄႉ ပဵၼ်သိုၵ်း TNLA တင်း SSPP။
ၶေႃႈမုလ်း – mizzimaburmese
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ