ႁွင်ႈၵၢၼ်ၾၢႆႇႁူမ်ႇလူမ်ႈ ၸႄႈမိူင်းတႆး ပိုၼ်ၽၢဝ်ႇဢွၵ်ႇဝႆႉဝႃႈ တီႉလႆႈယႃႈမႃႉ 3,970 မဵတ်ႉ ၼႂ်းၸႄႈဝဵင်းတူၼ်ႈတီး ဝႃႈၼႆ။
ဝၼ်းတီႈ 17/10/2018 သိုဝ်ႇၶၢဝ်ႇ The ladies News ဢွၵ်ႇဝႆႉ ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၼႂ်းၸႄႈဝဵင်း တူၼ်ႈတီး ၵူတ်ႇထတ်းတီႉၺွပ်းလႆႈယႃႈမႃႉၼႂ်းရူတ်ႉၵႃး လမ်းၼိုင်ႈ တီႈဝၢၼ်ႈသႃႇၶႄႉ ဢိူင်ႇလွႆတေႃႇ ၸႄႈဝဵင်း တူၼ်ႈတီး ၸိုင်ႈတႆးပွတ်းၸၢၼ်း။
ၵႃးၼၼ်ႉ ပဵၼ်ၵႃး ဢၼ်မွင်ႇႁၢၼ်ႇသေႃႇဢူး ပဵၼ်ၵေႃႉႁေႃႈမႃး။ ပလိၵ်ႈမၢၼ်ႈ ၵူတ်ႇထတ်းတီႉလႆႈ ၼႂ်းထူင်ပႃး ၼၢင်းၶမ်း တင်းမူတ်း ယႃႈမႃႉ 3,970 မဵတ်ႉ။ လိူဝ်ၼၼ်ႉ တီႉၺွပ်းၵုမ်းၶင်ပႃး ၸဝ်ႈရူတ်ႉလႄႈ ၵူၼ်းမႃးၸွမ်းထႅင်ႈ 2 ၵေႃႉ။
ၼႂ်းၵႃးၼၼ်ႉ ၵူၼ်းၶီႇမႃးၸွမ်းၵၼ် 4 ၵေႃႉ မွင်ႇႁၢၼ်ႇသေႃႇဢူး ဢႃယု 34 ပီ၊ မွင်ႇၼေႃႇသၢၼ်း ဢႃယု 19 ပီ၊ ၼၢင်းၶမ်း ဢႃယု 41 ပီ လႄႈ ၼၢင်းမျႃႉ ဢႃယု 46 ပီ ၸိူဝ်းၼႆႉ။ တေႃႈလဵဝ် ယူႇတီႈပလိၵ်ႈလႆႈပိုတ်ႇဢမူႉ/ၶၻီႊ ဢဝ်လိူင်ႈလၢဝ်းၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းမီးၼၼ်ႉ ဝႃႈၼႆ။
