Thursday, March 28, 2024

ပၢင်ပွႆးယုၵ်ႉယွင်ႈၵုင်ႇမုၼ် ၸဝ်ႈၶူးမေႃတႆး ၶွပ်ႈတဵမ် 25 ပီ တီႈၸႄႈဝဵင်းမိူင်းတူၼ်

Must read

ပီႈၼွင်ႉၵူၼ်းမိူင်းတူၼ် ၸတ်းႁဵတ်းပၢင်ပွႆးလူဢၢၼ်ႇလွတ်ႈႁေႃးထမ်းတြႃးလင်ႇၵႃႇလူင်လႄႈ ယုၵ်ႉယွင်ႈၵုင်ႇမုၼ် ၸဝ်ႈၶူးမေႃတႆး ၶွပ်ႈတဵမ် 25 ပီ ပီၵွၼ်းငိုၼ်း။

Photo by – ၵူၼ်းမိူင်းတူၼ်/ ပၢင်ပွႆး ပီၵွၼ်းငိုၼ်း ၶွပ်ႈတဵမ် 25 ပီ တီႈမိူင်းတူၼ်

တႄႇဢဝ် ဝၼ်းတီႈ 10-12/10/2018 သင်ၶၸဝ်ႈလႄႈ တၵ်ႉၵႃႇသတ်ႉထႃး ပွၵ်ႉၼွင်ပႃယဵၼ်ႇႁူမ်ႈၵၼ် ၸတ်းႁဵတ်း ပၢင်ပွႆးယုၵ်ႉယွင်ႈၵုင်ႇမုၼ် ၸဝ်ႈၶူးမေႃလိၵ်ႈတႆး ၶွပ်ႈတဵမ် 25 ပီ ပီၵွၼ်းငိုၼ်း တီႈဝတ်ႉၼွင်ပႃယဵၼ်ႇၸႄႈဝဵင်းမိူင်း တူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း။

- Subscription -

လုင်းဢိင်ႇတ ၵေႃႇမတီႇပွင်ပဵၼ်ပၢင်ပွႆး ၶူးမေႃတႆး လၢတ်ႈတီႈၽူႈတွႆႇႁွၵ်ႈဝႃႈ “ ယိူင်းဢၢၼ်း ဢၼ်ႁဝ်းၶႃႈ ႁဵတ်းမႃး ၵူႈပီပီ လွင်ႈလိၵ်ႈလင်ႇၵႃႇလူင်ႁဝ်းၶႃႈ မိူၼ်ၼင်ႇ ၶူးမေႃလိၵ်ႈတႆးႁဝ်း 9 ၸဝ်ႈ 9 တူၼ် ဢၼ်ဢွၼ်ႁဵတ်းဢွၼ် သၢင်ႈမႃး ၸိူဝ်းၼၼ်ႉ ၼင်ႇႁိုဝ် ပေႃးတေဢမ်ႇႁၢႆ၊ ၼင်ႇႁိုဝ် ၸရေးပေႃးတေၼမ်တိူဝ်းတွၼ်းမႃး ၵူၼ်းလုၼ်ႈမႂ်ႇ ၸရေးမႂ်ႇ တေတိူဝ်းတွၼ်းမႃးၼၼ်ႉ ၸင်ႇၶတ်းၸႂ်ႁဵတ်းမႃးၵူႈပီပီ။ ပီၼႆႉ တေလႆႈဝႃႈ ၶွပ်ႈတဵမ် 25 ပီ ယဝ်ႉလႄႈ ၸင်ႇၸတ်း ႁဵတ်းပွႆးပီၵွၼ်းငိုၼ်း။ ၵွပ်ႈၼၼ်လႄႈ ပီၼႆႉ ဢၼ်လၢၵ်ႇလၢႆးမၼ်းတႄႉ ၸရေးတိူဝ်းၼမ်မႃးလႄႈ လႆႈၶွတ်ႇၽွတ်ႈၸုမ်းၸရေးၶိုၼ်ႈမႃးထႅင်ႈလူးၵွၼ်ႇ” ဝႃႈၼႆ။

ၼႂ်းပၢင်ပွႆးယုၵ်ႉယွင်ႈၵုင်ႇမုၼ် ၸဝ်ႈၶူးမေႃတႆး ၶွပ်ႈတဵမ် 25 ပီ ၼႆႉ ၼႂ်းဝၼ်းတီႈ 10-11 သမ်ႉ တေလူလိၵ်ႈ ထွမ်ႇလိၵ်ႈထမ်းတြႃး လင်ႇၵႃႇလူင်ၾၢႆႇတႆး။ ဝၼ်းတီႈ 12 ယၢမ်းၵၢင်ၼႂ် 6 မူင်း ထိုင် 9 မူင်းသမ်ႉ လဵင်ႉလူပီႈၼွင်ႉတီႈ ၸမ်/ၵႆ။ ယၢမ်းၵၢင်ၼႂ် 7 မူင်းၼၼ်ႉ ထွမ်ႇတြႃးလူႇတၢၼ်းယၢတ်ႇၼမ်ႉ။ လိူဝ်ၼၼ်ႉ ယၢမ်းၵၢင်ၶမ်ႈသမ်ႉ တေမီး ပၢင်ႁွင်ႉၽဵင်းၵႂၢမ်းလႄႈ တၢင်းၵႃႈ ၵူႈပိူင် ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း