ၸဝ်ႈၼႃႈတီႈပလိၵ်ႈမၢၼ်ႈ ႁႄႉရူတ်ႉၵႃး ၵူတ်ႇထတ်း တီႈၵဵတ်ႉလၢၼ်ႇ တၢင်းၶဝ်ႈဝဵင်းၵျွၵ်ႉမႄး တီႉၺွပ်းလႆႈ သႅင်ၶဵဝ် တႃႇရူတ်ႉ 1 လမ်း ဢၼ်လုၵ်ႉတၢင်းဝဵင်းလိူဝ်ႇ တေၶိုၼ်ႈလႅၼ်လိၼ်ၶႄႇ။
ဝၼ်းတီႈ 09/10/2018 ယၢမ်းၵၢင်ၼႂ် ပလိၵ်ႈမၢၼ်ႈ ဢၼ်ပႂ်ႉတီႈၵဵတ်ႉ ဢူဝ်ႊရီႊယၼ်ႊႁၢႆႊဝေႊ တၢင်းၶဝ်ႈဢွၵ်ႇ ၸႄႈ ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၵူတ်ႇထတ်း မွင်ႇတူဝ်းၼၼ်ႇတႃႇဢွင်ႇ(ႁွင်ႉ) ဢီႇတူဝ်း ရူတ်ႉၵႃး 12 လေႃႉ ႁၼ် မႅၼ်ႈ ၼႂ်းရူတ်ႉၵႃး လၵ်ႉတၢင်ႇႁိၼ်ၶဵဝ်မႃး တဵမ်လမ်း။
ပလိၵ်ႈၵျွၵ်ႉမႄး ၵေႃႉၼိုင်ႈလၢတ်ႈတီႈသိုဝ်ႇဢေႊရႃႊဝႃႊတီႊဝႃႈ “ ဢၼ်လႆႈတီႉဝႆႉၼၼ်ႉ မႅၼ်ႈယဝ်ႉ။ တေႃႈလဵဝ် တိုၵ်ႉ ၵူတ်ႇထတ်း ၶူဝ်းၶွင်ယူႇ။ ၵူၺ်းၵႃႈ လွင်ႈဢဝ်လိူင်ႈလၢဝ်းတႄႉ ပႆႇႁဵတ်း/ ပႆႇပၼ်” ဝႃႈၼႆ။
ဢၼ်တီႉလႆႈၼၼ်ႉ တင်းမူတ်း တေမႅၼ်ႈၶၼ်ငိုၼ်းၵႃႈႁိုဝ် ဢၼ်ဝႃႈၼၼ်ႉ ယူႇတီႈၽူႈမီးပုၼ်ႈၽွၼ်းၶဝ် တိုၵ်ႉၵူတ်ႇ ထတ်းယူႇ။ ရူတ်ႉၵႃး တၢင်ႇႁိၼ်ၶဵဝ်ၼႆႉ လုၵ်ႉတၢင်း ဝဵင်းလိူဝ်ႇမႃး တေၵႂႃႇတၢင်း မူႇၸေႊ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ