ၸၢတ်ႈၸိုင်ႈယူႊရူပ်ႊ Europe ပိုၼ်ၽၢဝ်ႇတေၶႂမ်ႈသပိတ်ႈတၢင်းၵၢၼ်ၵႃႉၶၢႆ တေႃႇမိူင်းမၢၼ်ႈလႄႈ မိူင်းၵမ်ႊပူႊၶျႃႊသင်သွင် ၸိုင်ႈမိူင်း ဢမ်ႇၵႄႈလိတ်ႈလႆႈ ပၼ်ႁႃၵၢၼ်ပူၼ်ႉပႅၼ်သုၼ်ႇလႆႈၵူၼ်း။
ႁူဝ်လိူၼ်ဢွၵ်ႊထူဝ်ႊၿိူဝ်ႊ 2018 ၼႆႉသိုဝ်ႇၶၢဝ်ႇ Posttoday ပိုၼ်ၽၢဝ်ႇဝႃႈ ၾၢႆႇၵၢၼ်ၵႃႉၶၢႆမိူင်းယူႊရူပ်ႊ တူၵ်ႇလၢတ်ႈၵဵဝ်ႇလူၺ်ႈလွင်ႈၵၢၼ်ၵႃႉ 28 မိူင်းဝႃႈ တွၼ်ႈတႃႇ 2 မိူင်းၼႂ်း 28 မိူင်း မိူၼ်ၼင်ႇမိူင်းမၢၼ်ႈလႄႈ မိူင်းၵမ်ႊပူႊၶျႃႊၼၼ်ႉ သင်ဢမ်ႇ ၵႄႈလိတ်ႈလႆႈပၼ်ႁႃ ၵၢၼ်ပူၼ်ႉပႅၼ်သုၼ်ႇလႆႈၵူၼ်းၼႆၸိုင် တေၶႂမ်ႈသပိတ်ႈ ႁႅတ်ႉႁႄႉၵၢၼ်ၵႃႉၶၢႆ ၼႆယဝ်ႉ။
ၸၢႆးႁေႃသႅင် ၽူႈၶၢၼ်ပၢၵ်ႇ ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး လၢတ်ႈတီႈၽူႈတွႆႇႁွၵ်ႈဝႃႈ “ ပေႃးဝႃႈ ႁဝ်းမႃးတူၺ်းငဝ်းလၢႆးၼႂ်းမိူင်းတႆးႁဝ်းယၢမ်းမိူဝ်ႈလဵဝ်ၸိုင် လွင်ႈပူၼ်ႉပႅၼ်သုၼ်ႇလႆႈၵူၼ်းၼႆႉ တေလႆႈဝႃႈ ၼႃႇမႃးလိူဝ်ပီၵၢႆၶႃႈဢေႃႈ ။ ၵူၼ်းမိူင်းၵေႃႈဢမ်ႇမီးလွင်ႈ ႁူမ်ႇလူမ်ႈ၊ၾၢႆႇလူင်ပွင်ၸိုင်ႈ ၵေႃႈ ဢမ်ႇဢဝ်ၸႂ်သႂ်ႇၵႄႈလိတ်ႈပၼ်သင်၊ ၵၢၼ်ဢုပ်ႉပိူင်ႇၽွင်းငမ်း၊ ဢႃႇၼႃႇၼႆႉ ၵမ်ႈၼမ်သိုၵ်းတိုၵ်ႉၵုမ်းၵမ်ယူႇ” ဝႃႈၼႆ ။
သွင်ၸိုင်ႈမိူင်းဢၼ် EU တေၶႂ်ႈၶႂမ်ႈသပိတ်ႈၼႆႉ ပဵၼ်ယွၼ်ႉဝႃႈ မီးလွင်ႈသင်ႇပူတ်း ပႅတ်ႈပႃႇတီႇ ၵၢၼ်မိူင်းဢၼ်ပဵၼ်ၵူႈၶႅင်ႇ ၵၼ်၊ ၽဵဝ်ႈလၢင်ႉႁႄႉႁၢမ်ႈသိုဝ်ႇလႄႈ ၸုမ်းတူင်ႉၼိုင် လွတ်ႈလႅဝ်း ဢၼ်တူင်ႉၼိုင်ၼႂ်းတူင်ႇဝူင်းၵူၼ်း တီႈမိူင်းၵမ်ႊပူႊၶျႃႊသေ ႁဵတ်းႁႂ်ႈၸွမ်ၽွင်းလူင်ႁုၼ်ႊသဵၼ်ႊ ဢုပ်ႉပိူင်ႇၽွင်းငမ်းဝၢၼ်ႈမိူင်းမႃးၶၢဝ်းတၢင်း 30 ပီ။ တွၼ်ႈတႃႇမိူင်းမၢၼ်ႈ သမ်ႉမီးလွင်ႈပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်းၼႂ်းမိူင်းရၶႅင်ႇ၊မိူင်းၶၢင်လႄႈ မိူင်းတႆး ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ