ၵေႃႁူမ်ႈသၢင်ႈၸိုင်ႈတႆး SSJAC / ပႃႇတီႇသိူဝ်ၽိူၵ်ႇ SNDP/ ၶွင်ႇသီႇဢဝ်ၶိုၼ်းၸိုင်ႈတႆး RCSS/SSA -ပႃးၸဵမ်တပ်ႉသိုၵ်းတဢၢင်း TNLA ၸိူဝ်းၼႆႉ ဢွၵ်ႇလိၵ်ႈပိုၼ်ၽၢဝ်ႇ သၢၼ်ၶတ်းလွင်ႈႁဵတ်းသၢင်ႈ ၵူၼ်း2ၵေႃႉဢၼ်ၶဝ်ႈယိုဝ်း ၸဝ်ႈတူၼ်ၶူး ၵလျႃႇၼ ဝမ်သ ၽူႈၵွၼ်းဝတ်ႉၵျွင်းယွတ်ႈ(သူၺ်ႇၵျိၼ်ႇ) ဝဵင်းၵျွၵ်ႉမႄး လူႉလွၼ်ႇထင်တီႈ မိူဝ်ႈဝၼ်းတီႈ 05/10/2018 ၶၢဝ်းယၢမ်းၵၢင်ၶမ်ႈ 6:30 မူင်း။
ပူၼ်ႉမႃးမိူဝ်ႈဝၼ်းတီႈ 05/10/2018 ယၢမ်းႁူဝ်ၶမ်ႈ မွၵ်ႈ 6:30 မူင်းၼၼ်ႉ ၸဝ်ႈတူၼ်ၶူးၵလျႃႇၼ ဝမ်သ ၽူႈၵွၼ်းဝတ်ႉ ၵျွင်းယွတ်ႈ (သူၺ်ႇၵျိၼ်ႇ) ပွၵ်ႉ 7 ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၺႃးၵူၼ်း ယိပ်းၵွင်ႈ 2 ၵေႃႉၶီႇလူတ်ႉၶိူင်ႈၶဝ်ႈမႃးၼႂ်းဝၢင်းၵျွင်းသေ ယိုဝ်းသႂ်ႇ။ မၢၵ်ႇၵွင်ႈတိူဝ်ႉၸွမ်းဢူၵ်း ၸွမ်းၶႅၼ် ၸွမ်းၶႃ ၸဝ်ႈတူၼ်ၶူး 7 တီႈ ။
