ပလိၵ်ႈမၢၼ်ႈ ၵူတ်ႉထတ်းတီႉလႆႈယႃႈမဝ်းၵမ် ၼႂ်းရူတ်ႉၵႃးလမ်းၼိုင်ႈ ၼႂ်းၸႄႈဝဵင်း တႃႈၶီႈလဵၵ်း တီႉလႆႈယႃႈမႃႉ 3,600 မဵတ်ႉလႄႈ မၢၵ်ႇၵွင်ႈ။
ဝၼ်းတီႈ 03/10/2018 ယၢမ်းၵၢင်ၶမ်ႈမွၵ်ႈ 6 မူင်း သိုဝ်ႇၶၢဝ်ႇမျၢၼ်ႇမႃႉဢလိၼ်း တႅမ်ႈဢွၵ်ႇဝႆႉၾၢင်ႇမိၼ်ႇဝႃႈ ပလိၵ်ႈမၢၼ်ႈလၢႆ လၢႆၾၢႆႇႁူမ်ႈၵၼ်သေ ပႂ်ႉၵူတ်ႇထတ်းၼိူဝ်သဵၼ်ႈတၢင်း တင်းဝၢၼ်ႈဢေႇတိၼ်ႇ ၼႂ်းဢိူင်ႇၾၢင်ႇမိၼ်ႇ ၸႄႈဝဵင်းတႃႈၶီႈ လဵၵ်း ၸိုင်ႈတႆးပွတ်းဢွၵ်ႇၶူင်း။ ၵူတ်ႇထတ်းၼႂ်းၵႃး သႅၼ်းတူဝ်ႊယူဝ်ႊတႃႊ (ႁၢႆႊလၵ်ႊ) လမ်းၼိုင်ႈ ဢၼ်လုၵ်ႉတၢင်း လွႆသထုင်ႇတေၵႂႃႇတင်းၾၢင်ႇမိၼ်ႇၼၼ်ႉ တီႉလႆႈယႃႈမႃႉ တင်း မၢၵ်ႇၵွင်ႈ ႁူမ်ႈတင်းမူတ်း တေ တူၵ်းၶၼ်ငိုၼ်း မွၵ်ႈ 35 သႅၼ်ပျႃး ဝႃႈၼႆ။
ၽူႈၸၢႆး 2 ၵေႃႉ ဢၼ်တီႉၺွပ်းလႆႈၼၼ်ႉ ၵေႃႉၼိုင်ႈ ၸိုဝ်ႈႁွင်ႉ ဢႃးႁူဝ်ႇ ဢႃယု 35 ပီ။ ထႅင်ႈၵေႃႉၼိုင်ႈ ၸိုဝ်ႈႁွင်ႉ ပီႈသႃႇ ဢႃယု 36 ပီ။ 2 ၵေႃႉၼႆႉ ပဵၼ်ၵူၼ်းမိူင်းၵူဝ်း တေႃႈလဵဝ် ယူႇတီႈပလိၵ်ႈၶဝ် လႆႈပိုတ်ႇဢမူႉ/ၶၻီႊ ဢဝ်လိူင်ႈ လၢဝ်း ၸွမ်းၼင်ႇပၵ်းပိူင် မၢႆမီႈဝၢၼ်ႈမိူင်းမီး ဝႆႉတီႈႁူင်းပလိၵ်ႈၸႄႈဝဵင်းတႃႈၶီႈလဵၵ်း ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ