Friday, March 29, 2024

ပႃႇတီႇႁူဝ်သိူဝ် တေၸတ်းဝၼ်းၵိူတ်ႇၶွပ်ႈၶူပ်ႇ ႓႐ ပီ ၶိုၵ်ႉယႂ်ႇတီႈတူၼ်ႈတီး

Must read

ပႃႇတီႇႁူဝ်သိူဝ် SNLD တေၸတ်းႁဵတ်းဝၼ်းၵိူတ်ႇပႃႇတီႇ ၶွပ်ႈတဵမ် ႓႐ ပီ ၸတ်းပႃးပၢင်ၵၢတ်ႇတႆးလႄႈ ယုၵ်ႉယွင်ႈ ၵူၼ်းၼုမ်ႇၽူႈမီးတၢင်းၶတ်းၸႂ်ဢႃယု ႓႐ ပီလူင်းတႂ်ႈ။

Photo by SNLD

ဝၼ်းတီႈ ႒႕ – ႒႖ /႑႐/႒႐႑႘ တေမႃးၼႆႉ ငဝ်ႈငုၼ်းတီႇမူဝ်ႇၶရေႇၸီႇ ၸိူဝ်ႉၶိူဝ်းတႆး ႁိုဝ် ပႃႇတီႇႁူဝ်သိူဝ် SNLD တေၸတ်းႁဵတ်းပၢင်ပွႆးၶွပ်ႈၶူပ်ႇ ႓႐ ပီ တီႈႁူင်းႁေႃၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းလူင်တူၼ်ႈတီႈ ၸိုင်ႈတႆးပွတ်း ၸၢၼ်း။

- Subscription -

ၸဝ်ႈၶမ်းပိူင်ႇၾႃႉ ႁူဝ်ပဝ်ႈပႃႇတီႇႁူဝ်သိူဝ်ၸိုင်ႈတႆးပွတ်းၸၢၼ်း လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ- “ ၼႂ်းပီၼႆႉ ႁဝ်းၶႃႈတေမႃးႁူမ်ႈၵၼ်သေ ၸတ်းႁဵတ်းတီႈလဵဝ် တေၸတ်းႁဵတ်းပၢင်တွၼ်ႈသူးၵူၼ်းၼုမ်ႇယႃယု 30 ပီလူင်းတႂ်ႈ ပိူဝ်ႈႁႂ်ႈၸိူဝ်းၶဝ်မီးႁႅင်းၸႂ် သိုပ်ႇပုတ်ႈႁၢပ်ႇႁၢမ်ပုၼ်ႈၽွၼ်းၵႂႃႇမိူဝ်းၼႃႈ ၊ ႁႂ်ႈၵိူတ်ႇဢွၵ်ႇမႃးၼေႃႇတႅၼ်းၶိူဝ်းၼမ်ၼမ် ၼႂ်းဝၼ်းၼၼ်ႉလုၵ်ႈၸုမ်း ပႃႇတီႇႁူဝ်သိူဝ်ႁဝ်း ၵူႈၸႄႈဝဵင်းၼႂ်းမိူင်းတႆး ပႃးၸဵမ်ၼႂ်းၸႄႈမိူင်းၶၢင်၊ ၸႄႈမိူင်းယၢင်းလႅင်ၸိူဝ်းၼႆႉတေမႃးၶဝ်ႈႁူမ်ႈ ” ဝႃႈၼႆ။

ၼႂ်းဝၼ်းတီႈ 25 ၼၼ်ႉတေမီးပၢင်ၵုမ်လွင်ႈတႃႇတေႁူမ်ႈၵၼ်ပူၵ်းပွင်ပႃႇတီႇၵႂႃမိူဝ်းၼႃႈ၊ ဝၼ်းတီႈ 26 မီးပၢင်ၵႅဝ်ႈဝၼ်းၵိူတ်ႇပႃႇတီႇ ၊ လိူဝ်ၼၼ်ႉတေမီးပႃးပၢင်ၵၢတ်ႇတႆးဢၼ်ၶၢႆၶူဝ်းၶွင်ၶိူင်ႈၸႂ်ႉတႆး ၸိူဝ်းၼႆႉ။

ငဝ်ႈငုၼ်းတီႇမူဝ်ႇၶရေႇၸီႇၸိူဝ်ႉၶိူဝ်းတႆး SNLD Shan Nationalities League for Democracy ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) ၼႆႉ ၶွတ်ႇၽွတ်ႈမႃးမိူဝ်ႈဝၼ်းတီႈ 26/10/1988 ႁူဝ်ပဝ်ႈပဵၼ်ၸဝ်ႈၶုၼ်ထုၼ်းဢူး ၊ ၵႅမ်ႁူဝ်ပဝ်ႈ 1 ၸၢႆးၸေႃးဢွင်ႇ(လုသဵင်)၊ ၵႅမ်ႁူဝ်ပဝ်ႈမၢႆ 2 ၸဝ်ႈၶမ်း ပိူင်ႇၾႃႉ၊ ၽူႈၼမ်းၼႂ်းၵူႈလွင်ႈလွင်ႈၸၢႆးၺုၼ်ႉလုၼ်ႇ( ၸၢႆးၼုတ်း) ၊ ၽူႈၼမ်းၼႂ်း 1 ၸၢႆးလဵၵ်ႉ၊ ၽူႈၼမ်းၼႂ်း2 ၸၢႆးၵျေႃႇၺုၼ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း