ၸဝ်ႈၼႃႈတီႈ ပလိၵ်ႈထႆး ႁူမ်ႈပလိၵ်ႈၾၢႆႇၵူတ်ႇထတ် းၵူၼ်းၶဝ်ႈမိူင်း ႁူမ်ႈၵၼ်ၵူတ်ႇထတ်း ၼႂ်းၵဵင်းမႆႇ လၢႆလၢႆတီႈ။
ဝၼ်းတီႈ 25/09/2018 ယၢမ်းဝၢႆးဝၼ်း ပလိၵ်ႈထႆးလႄႈ ၾၢႆႇၵူတ်ႇထတ်းၵူၼ်းၶဝ်ႈမိူင်း ႁူမ်ႈၵၼ်ပႂ်ႉၵူတ်ႇထတ်းႁႅင်းၵၢၼ်ယၢၼ်မိူင်း ၼႂ်းပွၵ်ႉၼႂ်းယွမ်ႇလၢႆလၢႆတီႈလိူဝ်ၼၼ်ႉ တီႉၺွပ်းၵူၼ်းတႅင်ႇရူတ်ႉၶိူင်ႈဢမ်ႇၸွမ်းပၵ်းပိူင် ပႃးၸဵမ်ၵူၼ်းၶီႇရူတ်ႉၶိူင်ႈ ဢၼ်သဵင်လင် ဢူၼ်မေႃးၸိူဝ်းၼႆႉသေ ၺွပ်းၵူၼ်းၸိူဝ်းဢမ်ႇၸွမ်းမၢႆမီႈ။
ၸဝ်ႈၼႃႈတီႈ တီႉၺွပ်းလႆႈ ၸၢႆးဢၢႆႈပဝ်း ဢႃယု 42 ပီ ႁႅင်းၵၢၼ်ယၢၼ်မိူင်း မိူင်းမၢၼ်ႈ လူၺ်ႈတၢင်းၽိတ်း မီးဝတ်းဝႂ်သေဢမ်ႇဢဝ်ၼႄၸဝ်ႈၼႃႈတီႈလႆႈၵမ်းသိုဝ်ႈ၊ သိုပ်ႇၼၼ်ႉယိုတ်းလႆႈရူတ်ႉၶိူင်ႈ Honda MSX ဢမ်ႇတိတ်းပၢႆႉဢမ်ႇမီးဝႂ်ရူတ်ႉၸႂ်ႉတေႃႈၽူႇၵႂၼ်းသဵင်လင် ။
ၸၢႆးပိူင်း ၸဝ်ႈၼႃႈတီႈ ၾၢႆႇမၢႆမီႈႁႅင်းၵၢၼ် HRDF ယၢမ်ႈလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ဝႂ်ၵပ်းတူဝ်ဢၼ်ဝႃႈ ၼၼ်ႉ ဢမ်ႇဝႃႈဝႂ် Passport ၊ ဝႂ်ႁဵတ်းၵၢၼ်၊ ဝႂ်ၶပ်းၶီႇ (လၢႆႇသိၼ်ႇ) လူတ်ႉ- ၵႃး ၸိူဝ်းၼႆႉ ႁဝ်းလူဝ်ႇ ဢဝ်ၸပ်းတူဝ်ႁဝ်းယူႇတႃႇသေႇ ပေႃးၸဝ်ႈၼႃႈတီႈၶဝ်ယွၼ်း တူၺ်းၼႆ တေၸၢင်ႈၼႄပိူၼ်ႈလႆႈ ” ဝႃႈၼႆ။
ၼႂ်းၸႄႈတွၼ်ႈၵဵင်းမႆႇၼႆႉ ၸၢဝ်းတႆးႁႅင်းၵၢၼ်ယၢၼ်မိူင်း ၶဝ်ႈႁဵတ်းၵၢၼ်ၼမ်လိူဝ်ပိူၼ်ႈ၊ ၸိူဝ်းပၢႆႈသိုၵ်း ၼႂ်းထုင်ႉမိူင်းတႆးပွတ်း ႁွင်ႇသေ ၶဝ်ႈမႃးထႅင်ႈမႂ်ႇမႂ်ႇၵေႃႈမီး ၵွပ်ႈၼၼ်ၸိူဝ်းမီးဝႂ်ၵေႃႈမီး၊ ၸိူဝ်းဢမ်ႇမီးၵေႃႈၼမ်၊ ၼင်ႇႁိုဝ်ၵူၼ်းၸႃႇတိ ၵူၼ်းမႃးႁဵတ်း ၵၢၼ်ႁႂ်ႈပေႃးလႆႈယူႇၵတ်းယဵၼ်၊ ၸွမ်းၶွပ်ႇပိူင်မၢႆမီႈ ဝၢၼ်ႈမိူင်းထႆးၼႆလႄႈ ၸဝ်ႈၼႃႈတီႈလူင်းၵူတ်ႇထတ်းၶိူဝ်းယႂ်း။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ