ၸဝ်ႈၸၢင်းၵဝိသႃႇရ ဝတ်ႉပျွင်ႇၶွင်း ဝဵင်းၵျွၵ်ႉမႄး တိုၵ်ႉပွၼ်ႈထမ်းႁေႃးတပႃးသေ ပိၼ်ႈလူမ်ႉ – လႆႈသူင်ႇယႃတူဝ်ၵႂႃႇလူႉလွၼ်ႇသုတ်းမုၼ်တီႈႁူင်းယႃဝဵင်းပၢင်ႇဢူႈ ၽွင်းဢႃယုၸဝ်ႈ 36 ပီ။
ဝၼ်းတီႈ 25/09/2018 ၸဝ်ႈၸၢင်းၵဝိသႃႇရ ဢႃယု 36 ပီ ဝတ်ႉပျွင်ႇၶွင်း သၶၢၼ်းတႃႇ ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ လိူတ်ႈၶိုၼ်ႈသေပိၼ်ႈလူမ်ႉၵႂႃႇ ၽွင်းတိုၵ်ႉပၼ်သိလ်ႁေႃးတြႃးတီႈဝတ်ႉပျွင်ႇၶွင်း သင်ၶၸဝ်ႈလႄႈ တၵ်ႉၵႃႇသတ်ႉထႃး ၼႅတ်ႈ ဢဝ်သူင်ႇႁူင်းယႃ ဝဵင်းပၢင်ႇဢူႈလူင် ၵူၺ်းၵႃႈယူတ်းယႃဢမ်ႇတၼ်းလႄႈ လႆႈသဵင်ႈမုၼ်ၵႂႃႇမိူဝ်ႈၼႆႉ 25/09/2018 ၶၢဝ်းယၢမ်း ၵၢင်ၼႂ် 02:30 မူင်း ၼႆယဝ်ႉ။
ၼၢင်းၶိၼ်ႇမႃႇဢေး ၵူၼ်းၵျွၵ်ႉမႄး လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – မိူဝ်ႈဢွၼ်တၢင်းဢမ်ႇလႆႈငိၼ်းဝႃႈ မၼ်းၸဝ်ႈမီးတၢင်းပဵၼ်သင် ၵူၺ်းၵႃႈမိူဝ်ႈၼႆႉသမ်ႉၵိုင်ႉၵၢင်ႉလႆႈပဵၼ်ၵႂႃႇၸိူင်ႉၼႆ၊ ဢၼ်လႆႈငိၼ်းၶၢဝ်ႇ ၸိူင်ႉၼႆၼႆႉ ပဵၼ်ဢၼ်မွင်ၸႂ်သေလၢႆတႄႉ ၊ ယွၼ်ႉမၼ်းၸဝ်ႈၼႆႉ ပဵၼ်သင်ၶၸဝ်ႈ ဢၼ်မီးၼမ်ႉၵတ်ႉ တၢင်းၶႅၼ်ႇႁေႃးတြႃးၵေႃႈလီထွမ်ႇ” ဝႃႈၼႆ ။
ၸဝ်ႈၸၢင်းၵဝိသႃႇရၼႆႉ ပဵၼ်လုၵ်ႈၸၢႆး လုင်းမုၼ်သူႉပၺ်ၺႃ လႄႈ ပႃႈမုၼ်ၸိင်ႇ ၵူၼ်းၵျွၵ်ႉမႄး မီးပီႈၼွင်ႉႁူမ်ႈတွင်ႉ 7 ၵေႃႉ မၼ်းၸဝ်ႈပဵၼ်ၵေႃႉလိုၼ်းသုတ်း ၊ ၶဝ်ႈႁၢပ်ႇထၢမ်းၵၢၼ်သႃသၼႃပဵၼ်သၢင်ႇ ၸဵမ်မိူဝ်ႈဢႃ ယုၸဝ်ႈ လႆႈ 12 ပီ။ ဝၼ်းပူၼ်ႉၶၢပ်ႈတူဝ်တေပဵၼ် ဝၼ်းလႂ်ဢၼ်ဝႃႈၼၼ်ႉ ယူႇတီႈသင်ၶ ၸဝ်ႈလႄႈ တၵ်ႉၵႃႇသတ်ႉ ထႃးတေဢုပ်ႇဢူဝ်းၵၼ်ထႅင်ႈၵမ်း ၼိုင်ႈၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ