ၸဝ်ႈၶိုၼ်းသႂ် ၸႂ်ယဵၼ် ၽူႈၵွၼ်းႁွင်ႈၵၢၼ်လုမ်း PI ဢုပ်ႇၶႆႈပၼ်ပိုၼ်ႉႁူႉ ၵူၼ်းၼုမ်ႇလႄႈ ၸုမ်းတူင်ႉၼိုင်တူင်ႇဝူင်း တႆး တီႈဝဵင်းတူၼ်ႈတီး မီးၽူႈၶဝ်ႈႁူမ်ႈလဵပ်ႈႁဵၼ်းထွမ်ႇငိၼ်း 60 ပၢႆ ။
ဝၼ်းတီႈ 23/09/2018 ယၢမ်းဝၢႆးဝၼ်း 1 မူင်း ထိုင် 4 မူင်း ၸုမ်းၵူၼ်းၼုမ်ႇတႆး TYO ဢွၼ်ႁူဝ်ၸတ်းႁဵတ်း ပၢင် ဢုပ်ႇၶႆႈပိုၼ်ႉႁူႉပၢႆးႁၼ် တီႈလုမ်းၵူၼ်းၼုမ်ႇတႆး ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။
ၼၢင်းယိင်းၼွင်ႉ ႁူဝ်ပဝ်ႈ ၸုမ်းၵူၼ်းၼုမ်ႇတႆး TYO လၢတ်ႈတီႈၽူႈတွႆႇႁွၵ်ႈဝႃႈ “ ၼႂ်းပၢင်ဢုပ်ႇၶႆႈၼႆႉ ဢႃးၸၢၼ် ၶိုၼ်းသႂ် သပ်းလႅင်းလွင်ႈ ယွၼ်ႉသင်လႄႈ ၶႄႇသူၼ်ၸႂ်လွင်ႈငမ်းယဵၼ် ၼႂ်းမိူင်းမၢၼ်ႈ။ ယဝ်ႉၵေႃႈ ၵဵဝ်ႇလူၺ်ႈ ငဝ်း လၢႆးမိူင်းႁူမ်ႈတုမ် ဢၼ်ပဵၼ်ယူႇယၢမ်းလဵဝ် ၸဵမ်ၸိူဝ်းၼႆႉ” ဝႃႈၼႆ။
ပၢင်ဢုပ်ႇၶႆႈ ဢၼ်ၸတ်းႁဵတ်းတီႈ လုမ်းၵူၼ်းၼုမ်ႇတႆး TYO ၼႆႉ မီးၸုမ်းတူင်ႉၼိုင်တူင်ႇဝူင်းတႆး ၶဝ်ႈႁူမ်ႈထွမ်ႇ ငိၼ်း မိူၼ်ၼင်ႇ ၵေႃလိၵ်ႈလၢႆးလႄႈၾိင်ႈငႄႈတႆး ၸႄႈဝဵင်းတူၼ်ႈတီး၊ ၸုမ်းၵပ်းသၢၼ်လွင်ႈၼၢင်းယိင်းတႆး၊ ၸုမ်းပရႁိတ ၶႅၵ်ႇလီပၢင်ၸႃႉ ၼမ်ႉၶူင်း၊ ၸုမ်းၵူၼ်းၼုမ်ႇတႆးလႄႈ ၸုမ်းပႃႇတီႇၵၢၼ်မိူင်း ၸဵမ်ၸိူဝ်းၼႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ