ၾူၼ်သိုပ်ႇတူၵ်းႁႅင်း ၼမ်ႉသၢႆၵေႃႈမီးငဝ်းလၢႆးၸၢင်ႈထူမ်ႈထႅင်ႈလႄႈ ၸဝ်ႈၼႃႈတီႈသွင်ႇၾင်ႇ ၸိုင်ႈမိူင်း ၾၢႆႇတၢင်းဝဵင်းမႄႈသၢႆမိူင်းထႆး လႄႈၾၢႆႇတၢင်းတႃႈၶီႈလဵၵ်း ၾၢင်ႉတိူၼ်ၵူၼ်းယူႇၾင်ႇၼမ်ႉသၢပ်ႇၼမ်ႉ ၾင်ႇႁိုၵ်းႁႂ်ႈၶၢႆႉၶူဝ်းၶိုၼ်ႈတီႈသုင်။
ဝၼ်းတီႈ 18/09/2018 ၾူၼ်လူင်တူၵ်းႁႅင်းလၢႆပိုၼ်ႉတီႈ ႁဵတ်းႁႂ်ႈၼမ်ႉသၢႆၼွင်းလူၼ်ႉၾင်ႇ လႆၶဝ်ႈထူမ်ႈဢိူင်ႇဝၢၼ်ႈသွင် ၾင်ႇ တႆး – ထႆး ။ ၾၢႆႇၸဝ်ႈၼႃႈတီႈထႆးလႄႈ ၾၢႆႇၵဵဝ်ႇၶွင်ႈႁူမ်ႈပၵ်းတႃႇပႂ်ႉတူၺ်းလႄႈ ၾၢင်ႉၵူၼ်းဝၢၼ်ႈၵူၼ်းမိူင်းပေႃႈၵႃႉမႄႈၵႃႉၾၢႆႇမႄႈသၢႆ/ ၾၢႆႇတႃႈလေႃႉ တႃႈၶီႈလဵၵ်း ႁႂ်ႈဝႆႉၾၢင်ႉသတိ တေႃႉၶူဝ်းၶိုၼ်ႈတီႈသုင်။
ပေႃးထိုင်မႃး ၶၢဝ်းၾူၼ်ၸိုင် ၸွမ်းၵၢတ်ႇတႃႈလေႃႉ၊ ပွၵ်ႉပုင်းထုၼ်၊ ပွၵ်ႉမၢၵ်ႇၵႃႇႁူဝ်ၶမ်းလႄႈ ဢိၵ်ႇထႅင်ႈလၢႆလၢႆတီႈ ဢၼ်ပဵၼ်တီႈၶူင်ႈယၢၼ်း ၼႂ်းၸႄႈဝဵင်းတႃႈၶီႈလဵၵ်း ၵႆႉထူပ်းၽေး ၼမ်ႉသၢႆၼွင်း ၸိူင်ႉၼႆၵူႈပီ ဝႃႈၼႆ။
