Friday, March 29, 2024

လုမ်းတြႃးၵဵင်းတုင် ပၼ်တၢမ်ႇတၢႆ ၽူႈၸၢႆး 2 ၵေႃႉ ဢၼ်ၵၼ်ႉၸၼ် လုၵ်ႈႁဵၼ်းၸၼ်ႉသိပ်း

Must read

လုမ်းတြႃးၵဵင်းတုင် ပၼ်တၢမ်ႇတၢႆ ၸၢႆးသႅင်(ႁွင်ႉ) ဢၢႆႈပီး တင်း မွင်ႇသူဝ်းလုၼ်ႇ ဢၼ်ၵၼ်ႉၸၼ် ဢွၼ်ႇယိင်း ၸၼ်ႉသိပ်းယဝ်ႉ ႁႅမ်တၢႆ ၽဝ်မွတ်ႇငိူၼ်ႈပႅတ်ႈ ဝႃႈၼႆ။

Photo by – မြန်မာနိုင်ငံရဲတပ်ဖွဲ့ / ၸၢႆးသႅင်(ႁွင့်) ၸၢႆးပီး တင်း မွင်ႇသူဝ်းလုၼ်ႇ

ဝၼ်းတီႈ 17/09/2018 ၵႅမ်ၽူႈတတ်းသိၼ်ြတႃး ၸႄႈတွၼ်ႈၵဵင်းတုင် ပၼ်တၢမ်ႇတၢႆ ၸၢႆးသႅင်(ႁွင်ႉ) ၸၢႆးပီး တင်း ဢၢႆႈသူဝ်းလုၼ်ႇ ၶဝ်သွင်ၵေႃႉ တီႈလုမ်းတြႃးဝဵင်းၵဵင်းတုင် ယွၼ်ႉၶဝ်သွင်ၵေႃႉ ၵၼ်ႉၸၼ်ဢွၼ်ႇ ယိင်းဢေႇပီႇ လႃႉ(မအေပီလ) ယဝ်ႉ ၶႃႈႁႅမ်တၢႆသေ ဢမ်ႇၵႃးဢဝ်တူဝ်ၼၢင်းၼၼ်ႉ ၽဝ်မွတ်ႇငိူၼ်ႈပႅတ်ႈ ဝႃႈၼႆ။

- Subscription -

တၢၼ်းထုၼ်းဢွင်ႇ ၵႅမ်ပလိၵ်ႈ လၢတ်ႈတီႈသိုဝ်ႇၶၢဝ်ႇ ဢေႊရႃႊဝႃႊတီႊဝႃႈ “ ဢၼ်ပၼ်တၢမ်ႇၶဝ်ၼၼ်ႉ ၸွမ်းၼင်ႇ ပိူင်တြႃးမီးႁႂ်ႈၵိုင်ႇငၢမ်ႇ ဢၼ်ၶဝ်လႆႈႁဵတ်းသၢင်ႈမႃး။ တေႃႈလဵဝ် ၶဝ်မီးတီႈၶွၵ်ႈၵဵင်းတုင်။ တေသိုပ်ႇၸတ်းၵၢၼ်ၵႂႃႇ ၸွမ်းၼင်ႇတႅပ်းတတ်းဝႆႉၵူၺ်း” ဝႃႈၼႆ။

မိူဝ်ႈပီ 2017 လိူၼ်ၻီႊသႅမ်ႊၿိူဝ်ႊ ဝၼ်းတီႈ 20 ၼၼ်ႉ ၸိုဝ်ႈႁွင်ႉ သူဝ်းလုၼ်ႇ မၼ်းၶႂ်ႈၵိၼ်ပႃၽဝ် ၼႆသေ ၸႂ်ႉမေးမၼ်းသိုဝ်ႉ။ ယူႇတီႈမေးမၼ်းသမ်ႉ ၸႂ်ႉဢေႇပီႇလႃႉ(မအေပီလ) ဢဝ်ပႃၽဝ် ၵႂႃႇသူင်ႇပၼ်ၽူဝ် မၼ်းတီႈႁိူၼ်း မိူဝ်ႈၽွင်းၼၼ်ႉ သူဝ်းလုၼ်ႇ တင်း ၸၢႆးသႅင်(ႁွင်ႉ) ၸၢႆးပီးသမ်ႉ တိုၵ်ႉမီးၸွမ်းၵၼ်ဝႆႉလႄႈ ၶဝ် သွင်ၵေႃႉ ႁူမ်ႈၵၼ်သေ ၵၼ်ႉၸၼ်လုၵ်ႈႁဵၼ်းၸၼ်ႉသိပ်း ဢေႇပီႇလႃႉ ယဝ်ႉၵေႃႈ ၶႃႈႁႅမ်မၼ်းၼၢင်းတၢႆ ဝႃႈၼႆ။

ထိုင်မႃး ဝၼ်းတီႈ 22 လိူၼ်ၻီႊသႅမ်ႊၿိူဝ်ႊၼၼ်ႉ ၶဝ်ဢဝ်တူဝ်တၢႆဢေႇပီႇလႃႉၼႆႉ ၵႂႃႇၽဝ်ပႅတ်ႈ တၢင်းသဵၼ်ႈတၢင်း ၵဵင်းတုင် – လွႆမူၺ်။ မိူဝ်ႈၽွင်း ၼၼ်ႉ မီးၵူၼ်းၸမ်ၸႂ်ဢေႇပီႇလႃႉ ၵေႃႉၼိုင်ႈ လႆႈႁၼ်မူင်းၵူၺ်းမၼ်းၼၢင်းသေ ယိုၼ်ယၼ်ဝႃႈ ပဵၼ်တူဝ်တၢႆ ဢေႇပီႇလႃႉ ၼႆသေ ၸင်ႇဢဝ်လိူင်ႈၼႆႉ ၶဝ်ႈထိုင်လုမ်းတြႃးမႃး ဝႃႈၼႆ။

ၵဵဝ်ႇလူၺ်ႈလွင်ႈၼႆႉ ယူႇတီႈပလိၵ်ႈၸႄႈဝဵင်းၵဵင်းတုင် လႆႈလမ်းသွၵ်ႈတူဝ်ၵူၼ်းႁၢႆႉၼၼ်ႉသေ တီႉလႆႈတူဝ် သူဝ်းလုၼ်ႇ တီႈၵဵင်းတုင် မိူဝ်ႈဝၼ်းတီႈ 25 လိူၼ်ၻီႊသႅမ်ႊၿိူဝ်ႊ 2017 ။ ၸၢႆးသႅင်(ႁွင်ႉ) ၸၢႆးပီးသမ်ႉ တီႉလႆႈ တူဝ်တီႈၸႄႈဝဵင်းတႃႇၸီႇ/ တိူင်းမၼ်းတလေး (ဝဵင်းလိူဝ်ႇ) မိူဝ်ႈဝၼ်းတီႈ 26 လိူၼ်ၻီႊသႅမ်ႊၿိူဝ်ႊ 2017 ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း