ၵူၼ်းဝၢၼ်ႈၵူၼ်းမိူင်းလၢႆလၢႆဝၢၼ်ႈ ၼႂ်းၸႄႈဝဵင်းၵူတ်ႉၶၢႆ ဢဵၼ်ႁႅင်း 100 ပၢႆ ႁူမ်ႈၵၼ်ၼႄမိၵ်ႈမၢႆ သၢၼ်ၶတ်းပၢင်တေႃႇ လွင်းဢွၼ်ၵၼ်ၵႂႃႇယႃႉႁႅမ်လႅဝ်ပႅတ်ႈၶိူင်ႈလဵၼ်ႈၵဵမ်းသ်တူႈပႃ။
ဝၼ်းတီႈ 16/09/2018 ၵူၼ်းဝၢၼ်ႈ ၵူၼ်းမိူင်းလၢႆဝၢၼ်ႈဢဵၼ်ႁႅင်း 100 ပၢႆ ဢွၼ်ၵၼ်ၵႂႃႇယႃႉပႅတ်ႈ ပၢင်တေႃႇပၢင်လွင်း တူႈၵဵမ်းသ်ပႃ ဢၼ်မီးၼႂ်းဝဵင်းၵူတ်ႉၶၢႆလၢႆလၢႆတီႈ ဢၼ်မီးၼႂ်းၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။
ၸၢႆးလႅဝ်းၸတ်ႉ ႁူဝ်ၼႃႈၵူၼ်းၼုမ်ႇမိူင်းယူႉ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ႁဝ်းၶႃႈလႆႈၵႂႃႇ တၢင်ႇထိုင်ၽူႈမီးပုၼ်ႈၽွၼ်းၶဝ်မႃးလၢႆပွၵ်ႈလၢႆၵမ်းယဝ်ႉ ၵူၺ်းၵႃႈၶဝ်ဢမ်ႇမႃးၵႄႈလိတ်ႈပၼ်လႄႈ ႁဝ်းၶႃႈၵူၼ်းမိူင်းၸင်ႇႁူမ်ႈၵၼ်မႃးယႃႉလူႉပႅတ်ႈၶႃႈဢေႃႈ ။ မိူဝ်ႈလဵဝ်ၼႆႉ ၼႂ်းဢိူင်ႇဝၢၼ်ႈႁဝ်း ယႃႈမဝ်းၵမ်၊ ပၢင်တေႃႇပၢင်လွင်းလိူင်ႇၼမ်ၼႃႇယဝ်ႉလႄႈ ၵူၼ်းၼုမ်ႇဢၼ်တၢင်း ယၢမ်ႈလူႉၵႂႃႇ ၵေႃႈမီးၼမ်၊ ၵူၼ်းလၵ်ႉၵူၼ်းၸူၼ်ၵေႃႈလိူင်ႇ ၊ ၼႃႈႁိူၼ်းၵေႃႈသုၵ်ႉ ၊ ၽူဝ်မေးၽိတ်းၵၼ် ၵူၼ်းဝၢၼ်ႈၵူၼ်းမိူင်းတႄႉတုၵ်ႉၶယၢပ်ႇၸႂ်တႄႉတႄႉဢေႃႈ” ဝႃႈၼႆ။
ၼင်ႇႁိုဝ်တေၵႄႈလိတ်ႈလႆႈပၼ်ႁႃၼႆႉသေ မိူဝ်ႈဝၼ်းတီႈ 08/03/2018 ၸုမ်းၵူၼ်းၼုမ်ႇလႄႈ ၽူႈယႂ်ႇၵူၼ်းလူင် ၸုမ်းပွင် ၵၢၼ်ဢိူင်ႇ၊ ဝၢၼ်ႈ ဢိၵ်ႇၵူၼ်းဝၢၼ်ႈ ဢဵၼ်ႁႅင်း 470 ၵေႃႉ ႁူပ်ႉထူပ်း ဢုပ်ႇဢူဝ်းၵၼ် တႃႇသၢၼ်ၶတ်း ယႃႈမဝ်းၵမ်လႄႈပၢင်တေႃႇပၢင်လွင်း ၸတ်းႁဵတ်းတီႈၵၢတ်ႇလူင် မိူင်းယူႉ ၸႄႈဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။ မီးၵူၼ်းလူင်ဝၢၼ်ႈ 9 ဝၢၼ်ႈ ၶဝ်ႈႁူမ်ႈမွၵ်ႇလၢတ်ႈၶေႃႈၵႂၢမ်း။ဝၢင်းၽႅၼ်ႁူမ်ႈၵၼ်ၵႂႃႇယႃႉပႅတ်ႈပၢင်လွင်းၸိူဝ်းၼၼ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ