Friday, March 29, 2024

သင်ၶ ၵူၼ်းမိူင်းၵျွၵ်ႉမႄး တုၵ်းယွၼ်းႁႂ်ႈတပ်ႉသိုၵ်းတႆး ႁူမ်ႈၵၼ် ၵႄႈလိတ်ႈပၼ်ႁႃမိူင်းတႆး

Must read

သင်ၶၸဝ်ႈ တင်း ၵူၼ်းမိူင်း 200 ပၢႆ ၼႂ်းတူင်ႇဝဵင်းၵျွၵ်ႉမႄး ႁူမ်ႈၵၼ် ဢွၵ်ႇၶေႃႈပိုၼ်ၽၢဝ်ႇ တုၵ်းယွၼ်းတပ်ႉ သိုၵ်းတႆး သွင်ဢၼ် ၽွမ်ႉႁူမ်ႈၵၼ် သၢင်ႈလွင်ႈၽွမ်ႉႁူမ်ႈၸိုင်ႈတႆး ႁူမ်ႈမိုဝ်းၵႄႈလိတ်ႈပၼ်ႁႃဢၼ်ပဵၼ်ယူႇၼႂ်း ၸိုင်ႈတႆး။

Photo by – သင်ၶၸဝ်ႈ ဝဵင်းၵျွၵ့်မႄး /ၶေႃႈပိုၼ်ၽၢဝ်ႇ သင်ၶၸဝ်ႈ တင်း ၵူၼ်းမိူင်း ၵျွၵ့်မႄး

ဝၼ်းတီႈ 14/09/2018 ယၢမ်းဝၢႆးဝၼ်း 1 မူင်း ထိုင် 4 မူင်း ၸုမ်းသင်ၶတႆး၊ ၵူၼ်းမိူင်း၊ ပႃႇတီႇႁူဝ်သိူဝ် SNLD၊ ပႃႇတီႇသိူဝ်ၽိူၵ်ႇ SNDP၊ ၵေႃလိၵ်ႈလၢႆးလႄႈၾိင်ႈငႄႈတႆး၊ ၸုမ်းၶႅၵ်ႇလီပၢင်ၸႃႉၼမ်ႉၶူင်းလႄႈ ၸုမ်းဝူင်းမဵတ်ႉတႃႇ ၸိူဝ်းၼႆႉ ႁူပ်ႉထူပ်းဢုပ်ႇဢူဝ်းၵၼ် လွင်ႈပၼ်ႁႃ ၵၢၼ်ၽွမ်ႉႁူမ်ႈ ၸိုင်ႈတႆးမိူဝ်းၼႃႈ တီႈဝတ်ႉဝိႁၢရ်သွၼ်ထမ်း ၵျွင်း ယွတ်ႈ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇသေ တုၵ်းယွၼ်းႁႂ်ႈသိုၵ်းတႆး သွင်ၸုမ်း ႁူမ်ႈၵၼ်ၵႄႈလိတ်ႈ ဝႃႈၼႆ။

- Subscription -

ၽူႈမီးပုၼ်ႈၽွၼ်း တူၼ်ၼိုင်ႈ ၼႂ်းသင်ၶၸဝ်ႈ တူင်ႇဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ “ ပိူင်လူင်မၼ်းတႄႉ ၵေႃႈႁႂ်ႈၶဝ်ၸဵဝ်းၽွမ်ႉႁူမ်ႈၵၼ်၊ ယႃႇပေယိုဝ်းၵၼ်၊ ယႃႇပေၸႅၵ်ႇတွၼ်ႈၼႃႈတီႈၵၼ် မၼ်းပဵၼ်တပ်ႉသိုၵ်းတႆး ၼႂ်း ၸိုင်ႈတႆး SSA မိူၼ်ၵၼ်မူတ်းလႄႈ ႁႂ်ႈၶဝ်ၽွမ်ႉႁူမ်ႈၵၼ်။ သင်ဝႃႈ ၶဝ်ဢမ်ႇၽွမ်ႉႁူမ်ႈၵၼ်လႆႈၼႆၵေႃႈ ယႃႇပေႁႂ်ႈ ၶဝ်တိုၵ်းၵၼ် ယိုဝ်းၵၼ်ၶိုၼ်း တႆးတေႃႇတႆး။ သင်ၸိူဝ်ႉဝႃႈ ဢၼ်ႁဝ်းၸဝ်ႈၶဝ် ဢွၵ်ႇဝႆႉၼၼ်ႉ ၶဝ်ဢမ်ႇႁဵတ်း ၸွမ်းၼႆ တေမီးၽႅၼ်ၵၢၼ်မႃးတၢင်းလင်ထႅင်ႈ” ဝႃႈၼႆ။

ၼႂ်းပၢင်ၵုမ်ႁူပ်ႉထူပ်းၼၼ်ႉ သင်ၶၸဝ်ႈ တူင်ႇဝဵင်းၵျွၵ်ႉမႄးၶဝ်ႈႁူမ်ႈ တင်းမူတ်း 60 တူၼ်၊ ၵူၼ်းမိူင်းၶဝ်ႈႁူမ်ႈ တင်း မူတ်း 145 ၵေႃႉ ႁူမ်ႈၵၼ်တင်းမူတ်း 205 ၵေႃႉ ဝႃႈၼႆ။

ၼႂ်းၶေႃႈပိုၼ်ၽၢဝ်ႇၼၼ်ႉ သင်ၶၸဝ်ႈ တင်း ၵူၼ်းမိူင်း ပိုၼ်ၽၢဝ်ႇဢွၵ်ႇဝႆႉ 4 ၶေႃႈ ၼႂ်းၼၼ်ႉ –
1) သၢၼ်ၶတ်းလွင်ႈတပ်ႉသိုၵ်းၸိုင်ႈတႆး SSA ၼင်ႇၵၼ် တိုၵ်းတေႃးၵၼ်လႄႈ ထိုင်တီႈၽူႈႁၵ်ႉၸိူဝ်ႉၸၢတ်ႈ လႆႈလူႉသု မ်းသၢႆၸႂ်လၢႆလၢႆၵႂႃႇ။
2) သၢၼ်ၶတ်းလွင်ႈတပ်ႉသိုၵ်းၸိုင်ႈတႆး 2 ၸုမ်း သၢင်ႈပိုၼ်းႁၢႆႉၸႃႉၼႄလုၵ်ႈလၢၼ်မိူဝ်းၼႃႈလႄႈ ႁဵတ်းႁႂ်ႈ ၸိူဝ်ႉၶိူဝ်းတႆး လႆႈဢၢႆၵူၼ်းတင်းလုမ်ႈၾႃႉ။
3) တႃႇတပ်ႉသိုၵ်းၸိုင်ႈတႆး SSA 2 ၸုမ်း ပဵၼ်မႃးလွင်ႈၵိုတ်းတိုၵ်းၵၼ်ၼၼ်ႉ ၵူၼ်းလူင်တင်းသွင်ၾၢႆႇ ႁူပ်ႉ ထူပ်းဢုပ်ႇဢူဝ်းၵၼ်ဝႆးဝႆးသေ ႁႂ်ႈပိုၼ်ၽၢဝ်ႇပၼ်လွင်ႈၵိုတ်းတိုၵ်းၵၼ် ၶၼ်ၶၼ်ဝႆးဝႆး။
4) သင်ဝႃႈ တပ်ႉသိုၵ်းၸိုင်ႈတႆး ၸုမ်းလႂ် တိုၵ်ႉသိုပ်ႇၸႂ်ႉလႆႈတိုဝ်တၼ်လူၺ်ႈ ဢမ်ႇထွမ်ႇသဵင်ႁူဝ်ၸႂ် ၸဝ်ႈသင် ၶလႄႈ ပေႃႈမႄႈၵူၼ်းမိူင်းသေ ဢွၼ်ၸုမ်းယိပ်းၵွင်ႈၵၢင်ႇတၢင်ႇၸၢဝ်းၶိူဝ်း လမ်းတိုၵ်းတေႃး တပ်ႉသိုၵ်းတႆး ၼင်ႇၵၼ်ၸိုင် တေၼႄၵၢင်ၸႂ် ၶွမ်ႈသိပိတ်ႈတေႃႇ တပ်ႉသိုၵ်းၸိုင်ႈတႆး ၸုမ်းၼၼ်ႉ ၸဵမ်ၸိူဝ်းၼႆႉ ဝႃႈၼႆ။

သင်ၶၸဝ်ႈ တူင်ႇဝဵင်းၵျွၵ်ႉမႄး လၢတ်ႈဝႃႈ “ လိူဝ်ၼၼ်ႉ ၸွမ်းၼင်ႇဢၼ်လၢတ်ႈမႃးၼႆႉ သင်ဝႃႈတပ်ႉသိုၵ်းၸုမ်းလႂ် ၶတ်းၶႂၢင်ၵေႃႈ ပေႃႈမႄႈၵူၼ်းမိူင်းလႄႈသင်ၶၸဝ်ႈ တေမၵ်းမၼ်ႈပဵၼ်ၽူႈႁၵ်းလင်ၸိူဝ်ႉၸၢတ်ႈတႆးလႄႈ မိူင်းၸိုင်ႈ တႆးသေဢမ်ႇၵႃး တေမၵ်းမၼ်ႈပဵၼ်ၽူႈဢူၼ်ၵဝ်းသုၵ်ႉယုင်ႈလူၺ်ႈ ဢမ်ႇလူဝ်ႇလွင်ႈငမ်းယဵၼ် ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း