Tuesday, March 19, 2024

TYN ႁူပ်ႉထူပ်းၵူၼ်းၼုမ်ႇတႆး ၼႂ်းၸႄႈမိူင်းၶၢင် သၢင်ႈလွင်ႈမိုတ်ႈၵိုဝ်းၸမ်ၸႂ်

Must read

​​ၵေႃႁူမ်ႈသၢင်ႈ​​ၵူၼ်းၼုမ်ႇတႆး TYN လူင်းပိုၼ်ႉတီႈႁူပ်ႉထူပ်းၵူၼ်းၼုမ်ႇတႆး လၢႆလၢႆဝဵင်း ၼႂ်းၸႄႈမိူင်းၶၢင် ပိူဝ်ႈသၢင်ႈလွင်ႈ  မိုတ်ႈၵိုဝ်းၸမ်ၸႂ်ၵၼ် တႃႇႁူမ်ႈသၢင်ႈၵၢၼ်ငၢၼ်းမိူဝ်းၼႃႈ။

Photo by – Tzai Aide Bee/ TYN ႁူပ်ႉထူပ်းၵူၼ်းၼုမ်ႇတႆး ပွတ်းထုင်ႉႁူဝ်ၵဵဝ်

တႄႇဝၼ်းတီႈ 10/09/2018 မႃးၼႆႉ ​​ၵေႃႁူမ်ႈသၢင်ႈ​​ၵူၼ်းၼုမ်ႇတႆး TYN လူင်းပိုၼ်ႉတီႈ ႁူပ်ႉထူပ်းၵူၼ်းၼုမ်ႇလၢႆလၢႆဝဵင်းမိူၼ်ၼင်ႇ သၵွၼ်း၊ ၼွင်လူင်၊ မိူင်းၵွင်းဢၼ်မီးၼႂ်းၸႄႈတွၼ်ႈမိူင်းယၢင်း၊ ဝဵင်းၸႄႈၼႃး(မိတ်ႉၵျီးၼႃး) ဝဵင်းမႂ်ႇၸိူဝ်းၼႆႉ။

- Subscription -

ၸၢႆးပီး ၽူႈဢွၼ်ႁူဝ် တၢင်တူဝ် TYN ၸႄႈမိူင်းၶၢင်လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ယိူင်းဢၢၼ်း ဢၼ်ႁဝ်းၶႃႈ  လူင်းပိုၼ်ႉတီႈႁူပ်ႉထူပ်းၵၼ်ၼႆႉ ပိူဝ်ႈႁႂ်ႈၵူၼ်းၼုမ်ႇႁဝ်းတီႈၼိုင်ႈလႄႈ တီႈၼိုင်ႈလႆႈ ႁူပ်ႉထူပ်းၵၼ်ၸမ်ၸႂ်ၵၼ်၊ လႆႈၶဝ်ႈ ဢွၵ်ႇၵၼ်၊ ၸၢင်ႈႁူမ်ႈသၢင်ႈၼႃႈၵၢၼ်ၵႂႃႇၸွမ်းၵၼ်လႄႈ ၸၢင်ႈၸွႆႈထႅမ်ၵၼ်မိူဝ်ႈႁူပ်ႉထူပ်းတၢင်းယၢပ်ႇ ” ဝႃႈၼႆ။

ၾၢႆႇ TYN သပ်းလႅင်းၼႄၼႃႈၵၢၼ်ဢၼ်လႆႈတူင်ႉၼိုင်မႃး၊ ၵူၼ်းၼုမ်ႇၸႄႈဝဵင်းလႂ် ၸႄႈဝဵင်းၼၼ်ႉၵေႃႈ ဢုပ်ႇလၢတ်ႈၶႆႈၼႄငဝ်းလၢႆးၵူၼ်းၼုမ်ႇၼႂ်းပိုၼ်ႉတီႈ လွၵ်းဢူၼ်ႈလွၵ်းၶႅင်ၼႂ်းပိုၼ်ႉတီႈ။

ၼႂ်းၸႄႈမိူင်းၶၢင်ၼႆႉ မီး 4 ၸႄႈတွၼ်ႈ 1.ၸႄႈတွၼ်ႈ ၸႄႈၼႃး ဢၼ်ႁွင်ႉဝႃႈ ( မိတ်ႉၵျီးၼႃး) ၊ 2.ၸႄႈတွၼ်ႈ ဝၢၼ်ႈမေႃႇ (ပမေႃႇ)၊ 3.ၸႄႈတွၼ်ႈ မိူင်းယၢင်း (မူဝ်းၺိၼ်း)၊ 4. ၸႄႈတွၼ်ႈ ပူႇထဝ်ႈ (ပူႇတႃႇဢူဝ်ႇ) ။ ဝဵင်းၸိူဝ်းၼႆႉ ပဵၼ်တႆးၵေႃႇ တင်ႈၽွင်းငမ်းမႃး ၊ ပၢင်ၵုမ်လူင်တီႈဝဵင်းပၢင်လူင် ပၢၼ်လိၵ်ႈႁူမ်ႈမၢႆပၢင်လူင် 1947 ၼၼ်ႉ တႅပ်းတတ်းပၼ်လႄႈ တူၵ်းပဵၼ်ၸႄႈမိူင်းၶၢင်မႃးတေႃႇယၢမ်းလဵဝ်။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း