ၼၢင်းသီႇတႃႇ ၸိုၼ်ႈသႂ် ဢၼ်လႆႈႁပ်ႉသူး (ၼၢင်းငၢမ်း Miss Tourism Queen of the world La shio 2018 ) ၼၼ်ႉတေတၢင်တူဝ်မိူင်းႁူမ်ႈတုမ်သေ ၵႂႃႇၶႅင်ႇၼၢင်းငၢမ်းထႅင်ႈတီႈမိူင်းမလေႊသျိူဝ်ႊ ။
ၼၢင်းသီႇတႃႇ ၸိုၼ်ႈသႂ် သၢဝ်တႆးဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း ဢၼ်လႆႈႁပ်ႉသူးရၢင်းဝလ်း (ၼၢင်းငၢမ်း Miss Tourism Queen of the world Lashio 2018 ) တၢင်တူဝ်ဝဵင်းလႃႈသဵဝ်ႈမိူဝ်ႈလိူၼ် မေႊ 2018 ပူၼ်ႉမႃးၼၼ်ႉ တေတၢင်တူဝ်မိူင်းႁူမ်ႈတုမ်သေ ၵႂႃႇၶႅင်ႇထႅင်ႈတီႈမိူင်းမလေႊသျိူဝ်ႊ ႁၢင်ပီ 2018 ၼႆႉ။
ၼၢင်းသီႇတႃႇ ၸိုၼ်ႈသႂ် လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၼၢင်းငၢမ်းဢၼ်ဝႃႈၼႆႉ ဢမ်ႇၸႂ်ႈတူၺ်း တီႈၼႃႈတႃၵူၺ်း တေလႆႈမီးၼမ်ႉၵတ်ႉတၢင်းၶႅၼ်ႇလၢႆလွင်ႈ မိူၼ်ၼင်ႇပိုၼ်းၶိူဝ်းၸဝ်ႈၵဝ်ႇ၊ ၾိင်ႈႁိတ်ႈႁွႆး ၶူဝ်းၼုင်ႈတၢင်းဝႆ၊ လွင်ႈမီးတၢင်းယဵၼ်ႇငႄႈလိူဝ်ၼၼ်ႉ တေလႆႈမီးပႃးၼမ်ႉၵတ်ႉဢၼ်ႁူႉၶိုတ်းတၼ်းၵၢပ်ႈဝၢၼ်ႈပၢၼ်မိူင်း ဢၢၼ်ႇဢွၵ်ႇတႅမ်ႈလႆႈၽႃသႃလၢႆလၢႆဢၼ်ၸိူဝ်းၼႆႉၶႃႈ ယဝ်ႉၵေႃႈတေလႆႈႁဵတ်းပၼ်ၽွၼ်းလီတူင်ႇဝူင်းၵူၼ်းပဵၼ်တူဝ်ယၢင်ႇလီၸိူဝ်းၼႆႉဢေႃႈ ” ဝႃႈၼႆ။
ၼၢင်းသီႇတႃႇ ၸိုၼ်ႈသႂ်ၼႆႉ ၵိူတ်ႇမိူဝ်ႈပီ 1992 တီႈဝဵင်းၼမ်ႉၸၢင် ၸိုင်ႈတႆး ပွတ်းၸၢၼ်း ပဵၼ်လုၵ်ႈယိင်း ၸၢႆး သၢၼ်းေသႃးလႄႈ ၼၢင်းတၢၼ်းဢေး မီးပီႈၼွင်ႉႁူမ်ႈတွင်ႉ 4 ၵေႃႉ ၸၢႆးဝုၼ်း၊ ၼၢင်းၸိုၼ်ႈ လႅင်းသႂ်၊ၸၢႆးၵွၼ်းၶိူဝ်း မၼ်းၼၢင်းပဵၼ်ၵေႃႉလဵၵ်ႉသုတ်း ။ မၼ်းၼၢင်း ႁဵၼ်းယဝ်ႉၸၼ်ႉ B.A English တီႈၸၼ်ႉၸွမ်ဝဵင်းလႃႈသဵဝ်ႈ လႄႈ ၾၢႆႇပၢႆးမေႃယႃလုမ်းလႃးၵူၼ်းပဵၼ် Nurs တီႈဝဵင်းလႃႈသဵဝ်ႈၼႆယဝ်ႉ။
