ဝၼ်းတီႈ 16/11/2017 ယၢမ်းၵၢင်ၶမ်ႈ ႁိမ်းဝၢၼ်ႈတိၼ်ထၢတ်ႈ ဢိူင်ႇၵၢတ်ႇထၢႆႈ ယၢၼ်ႇၵႆဝၢၼ်ႈ မွၵ်ႈ 2 လၵ်း ၼႂ်းၸႄႈဝဵင်းၵဵင်းတုင် ထူပ်းႁၼ်တူဝ်တၢႆ မုၼ်ၸဝ်ႈတူၼ်ၼိုင်ႈ ၼႂ်းၼမ်ႉႁွင်ႈ ဝႃႈၼႆ။
ႁူဝ်ၼႃႈ ၸုမ်းၸွႆႈထႅမ်ၵူၼ်းထူပ်းၽေး ၸႄႈဝဵင်းၵဵင်းတုင် လၢတ်ႈဝႃႈ “ ယၢမ်းၵၢင်ၶမ်ႈ 8 မူင်း လႆႈႁပ်ႉၾူၼ်း ၵူၼ်းထူဝ်းၶဝ်ႈမႃးလၢတ်ႈဝႃႈ ၸဝ်ႈမုၼ် တူၼ်ၼိုင်ႈလွၼ်ႇတၢႆဝႆႉၼႂ်းၼမ်ႉႁွင်ႈ။ ႁဝ်းၶႃႈၵႂႃႇဢဝ်တူဝ်တၢႆၼၼ်ႉ မႃးသူင်ႇတီႈႁူင်းယႃ။ ပဵၼ်မုၼ်ၸဝ်ႈ ဝတ်ႉလႂ် ဢၼ်ဝႃႈၼၼ်ႉ ဢမ်ႇလႆႈႁူႉ။
လွင်ႈၵၢၼ်တၢႆၼႆႉ ၸူမ်ၼမ်ႉသေ တၢႆဢၼ်ဝႃႈၼၼ်ႉ လႅပ်ႈတေဢမ်ႇ ပဵၼ် လႆႈ ယွၼ်ႉဝႃႈ တီႈၶၢပ်ႈတူဝ်မုၼ်ၸဝ်ႈၼၼ်ႉ ၾၢင်ႁၢင်ႈတူဝ်ၶိင်းယင်း တိုၵ်ႉလီယူႇ။ ၼိူဝ်ႉ ဢမ်ႇၼဝ်ႈ လႅဝ်ၵႃႈႁိုဝ်” ဝႃႈၼႆ။
တေႃႈလဵဝ် ၶၢပ်ႈတူဝ်တၢႆ မုၼ်ၸဝ်ႈတူၼ်ၼႆႉ လႆႈသူင်ႇဝႆႉတီႈႁူင်းယႃ ၸႄႈဝဵင်းၵဵင်းတုင်သေ တိုၵ်ႉၵူတ်ႇထတ်း တူၺ်းယူႇ ဝႃႈလွင်ႈၵၢၼ်တၢႆၼႆႉ ပဵၼ်ဝႆႉၸိူင်ႉႁိုဝ် ဝႃႈၼႆ။
ၶေႃႈမုလ်း http://www.tachileik.net/2017/11/bk.html
Photo: နှလုံးလှပိုင်ရှင်များ
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ