Friday, March 29, 2024

ပႃႇတီႇႁူဝ်သိူဝ် ပိုတ်ႇလုမ်းမႂ်ႇ တီႈဝဵင်းလိူဝ်ႇလႄႈ ၶွတ်ႇၽွတ်ႈၽူႈပွင်ၵၢၼ်မႂ်ႇ

Must read

ငဝ်ႈငုၼ်းတီႇမူဝ်ႇၶရေႇၸီႇၸိူဝ်ႉၶိူဝ်းတႆး ႁိုဝ် ပႃႇတီႇႁူဝ်သိူဝ် SNLD ပိုတ်ႇလုမ်းၽႄမႂ်ႇ တီႈဝဵင်းလိူဝ်ႇ ၽူႈၶဝ်ႈႁူမ်ႈမီးမွၵ်ႈ 200 ၵေႃႉ ။

- Subscription -

ဝၼ်းတီႈ 28/08/2018 ၶၢဝ်းယၢမ်း 9:00 – 10:00 ငဝ်ႈငုၼ်းတီႇမူဝ်ႇၶရေႇၸီႇၸိူဝ်ႉၶိူဝ်းတႆး ႁိုဝ် ပႃႇတီႇႁူဝ်သိူဝ် SNLD ပိုတ်ႇလုမ်းၽႄမႂ်ႇ တီႈဝဵင်းလိူဝ်ႇလႄႈ ၶွတ်ႇၽွတ်ႈၸုမ်းပွင်ၵၢၼ်မႂ်ႇ မီးပႃႇတီႇတႆးလႅင် SNSP၊ ပႃႇတီႇၼူၵ်ႉယုင်း NLD ၊ ပႃႇတီႇသၢင်ႇသီႈ USDP ၊ ပႃႇတီႇတဢၢင်း TNP ဢိၵ်ႇလုၵ်ႈၸုမ်းပႃႇတီႇ ၊ ၵေႃလိၵ်ႈလၢႆးလႄႈၾိင်ႈငႄႈတႆး ၵူၼ်းဝၢၼ်ႈၵူၼ်းမိူင်းၶဝ်ႈႁူမ်ႈ 200 ပၢႆ။

ၸၢႆးၵျေႃႇသီႇႁႃႉ ၽူႈၼမ်းၼႂ်း 1 လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ လုမ်းပႃႇတီႇႁူဝ်သိူဝ် ႁဝ်းၶႃႈၼႆႉပိုတ်ႇႁပ်ႉလုၵ်ႈၸုမ်းၽူႈသူၼ်ၸႂ်ယူႇတႃႇသေႇ ယွၼ်းႁႂ်ႈၵူၼ်းၼုမ်ႇသႅၼ်းႁုၼ်ႈမႂ်ႇႁဝ်း မီးၸႂ်ႁၵ်ႉၼိူဝ်ၵၢၼ်ၸိူဝ်ႉၸၢတ်ႈသေ ၶဝ်ႈပႃးႁူမ်ႈၸွႆႈၵၢၼ်ၸိူဝ်ႉၶိူဝ်းၵႂႃႇမိူဝ်းၼႃႈသေၵမ်း၊ ၼႂ်းဝၼ်းပိုတ်ႇပၢႆႉၼၼ်ႉ ဝၢႆးဝၼ်း ႁဝ်းၶႃႈၸတ်းႁဵတ်းပႃးပၢင် ဢုပ်ႇဢူဝ်း တႃႇႁၢင်ႈႁႅၼ်းလူင်းႁႃ သဵင်တႃႇပၢင်လိူၵ်ႈတင်ႈသွမ်ႈဢၼ်တေထိုင်မႃးၼႆႉလႄႈ တမ်းဝၢင်းၽႅၼ်ၵၢၼ်တႃႇမိူဝ်းၼႃႈ ၸိူဝ်းၼႆႉၶႃႈဢေႃႈ ” ဝႃႈၼႆ။

ၸၢႆးလွႆၶမ်းပၢင်ႇ ၽူႈၶဝ်ႈႁူမ်ႈပၢင် လၢတ်ႈဝႃႈ – “ ယိူင်းဢၢၼ်းဢၼ်လႆႈပိုတ်ႇလုမ်းၽႄငဝ်ႈငုၼ်းတႄႉ တႃႇႁႂ်ႈၵွင်ႉသၢၼ်လႆႈပီႈၼွင်ႉတႆး တိူင်းၸႄႈၵႅင်း ၸႄႈမိူင်းၶၢင်(ထုင်ႉႁူဝ်ၵဵဝ်)တိူင်းဝဵင်းလိူဝ်သေ ႁူၺ်းသူၼ်းပဵၼ်ဢဵၼ်ႁႅင်းၽွမ်ႉ ႁူမ်ႈၵႂႃႇၶၢဝ်းယၢဝ်း ” ဝႃႈၼႆ။

ဝၢႆးပၢင်ပိုတ်ႇပၢႆႉလုမ်းမႂ်ႇယဝ်ႉ ၸတ်းပၢင်ဢုပ်ဢူဝ်း တူၵ်းလူင်းလႆႈၸႂ် ၶွတ်ႇၽွတ်ႈ ၸုမ်းပွင် ၵၢၼ်လုမ်းငဝ်ႈငုၼ်း ၽႄ ဢၼ်မီးတိူင်းဝဵင်းလိူဝ်ႇ၊ ၸႄႈမိူင်းၶၢင်လႄႈတိူင်းၸႄႈၵႅင်း ႁူဝ်ပဝ်ႈပဵၼ် ၸၢႆးၶျိတ်ႉတဵင်း ၵႅမ်ႁူဝ်ပဝ်ႈပဵၼ်ၸၢႆးလႃႉၵျေႃႇ၊ ၽူႈၼမ်းၼႂ်းပဵၼ်ၸၢႆးတဵင်းမွင်ႇ၊ၽူႈၼမ်းၼႂ်းမၢႆ1 ပဵၼ်ၸၢႆးၵျေႃႇသီႇႁႃႉ ၊ၽူႈၼမ်းၼႂ်းမၢႆ2 ပဵၼ် ၼၢင်းပၢၼ်းဢိၽိဝ်ႇ လုၵ်ႈၸုမ်းမီး 20 ပၢႆ။

Photo by – Sai Hsai Leng

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း