ႁွင်ႈၵၢၼ်လုမ်းၸွမ်ၸိုင်ႈ မိူင်းႁူမ်ႈတုမ် ပိုၼ်ၽၢဝ်ႇဝႃႈ ၵူတ်ႇထတ်း တီႉၺွပ်းလႆႈၵူၼ်းၵႃႉယႃႈ ၼေႇပျီႇတေႃႇ၊ ၸႄႈမိူင်းတႆး၊ ၸႄႈမိူင်းရၶႅင်ႇ၊ ၸႄႈမိူင်းယၢင်းလႄႈ တိူင်းၸႄႈၵႅင်း။
တႄႇဢဝ် ဝၼ်းတီႈ 19-25/08/2018 ၼႆႉမႃး တီႉလႆႈယႃႈမဝ်းၵမ် လႄႈ ၵူၼ်းလၵ်ႉတေႃႉသူင်ႇၵႃႉၶၢႆယႃႈလႆႈ ပိုတ်ႇဢမူႉ/ၶၻီႊဢဝ်လိူင်ႈလၢဝ်း 335 ၶၻီႊ၊ တီႉလႆႈ ၽူႈၸၢႆး 428 ၵေႃႉလႄႈ ၽူႈယိင်း 48 ၵေႃႉ ႁူမ်ႈၵၼ် တင်းမူတ်း 476 ၵေႃႉ ဝႃႈၼႆ။
ယႃႈမဝ်းၵမ် ဢၼ်တီႉလႆႈသမ်ႉ ပဵၼ်ယႃႈၾိၼ်ႇၽိူၵ်ႇ 4976.19 ၵရမ်ႊ(4.9 ၵီႊလူဝ်ႊၵရမ်ႊ) ၊ ယႃႈဢႆႊသ် 3566.33 ၵရမ်ႊ၊ ယႃႈ ၾိၼ်ႇလမ် 311.65 ၵရမ်ႊ၊ ၶႃႉၶူး 127.04 ၵရမ်ႊ၊ ယႃႈမႃႉ 1,692,177 မဵတ်ႉလႄႈ ယႃႈထႅင်ႈ တင်း ၼမ် လၢႆ ။ လိူဝ်ၼၼ်ႉ တီႉလႆႈပႃးထႅင်ႈ ၶိူင်ႈတူမ်ႈႁုင်ယႃႈမဝ်းၵမ်၊ ၵွင်ႈ 13 သႅၼ်းလႄႈ မၢၵ်ႇၵွင်ႈထႅင်ႈ တင်းၼမ်လၢႆ ဝႃႈၼႆ။
ၼႂ်းမိူင်းတႆးသမ်ႉ ၵူတ်ႇထတ်းတီႉၺွပ်းလႆႈတီႈ မၢၼ်ႈပဵင်း၊ မိူင်းမိတ်ႈ၊ ၼမ်ႉၶမ်း၊ ၵူတ်ႉၶၢႆလႄႈ တႃႈၶီႈလဵၵ်း ၸိူဝ်းၼႆႉ ဝႃႈၼႆ။
ႁွင်ႈၵၢၼ်ၶိုၵ်ႉတွၼ်း ၾၢႆႇယႃႈမဝ်းၵမ်ၼႆႉ ပိုတ်ႇဝႆႉတီႈလုမ်းၸွမ်ၸိုင်ႈၼေႇပျီႇတေႃႇ မိူဝ်ႈပူၼ်ႉမႃး လိူၼ်ၵျုၼ်ႊ ဝၼ်းတီႈ 26 ၼၼ်ႉ ဝႃႈၼႆ။
ၶေႃႈမုလ်း – DVB
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ