Thursday, March 28, 2024

သင်ၶၾၢႆႇမိူင်း ထုင်ႉမိူင်းၼုင်း (မိူင်းၶၢၵ်ႇ) ၸတ်းပၢင်တိုဝ်းၵမ် ၶၢဝ်းတၢင်း 10 ဝၼ်း

Must read

သင်ၶၸဝ်ႈၾၢႆႇမိူင်း/ ယူၼ်း(တႆးၶိုၼ်) ၸိုင်ႈတႆးပွတ်းဢွၵ်ႇ ဢွၼ်ႁူဝ်သေ တေၸတ်းႁဵတ်းပၢင်ၶဝ်ႈတိုၵ်းၵမ် ၵမ်မ ထၢၼ်းတြႃး တႃႇၶၢဝ်းတၢင်း 10 ဝၼ်း တီႈဢိူင်ႇမိူင်းၼုင်း ၸႄႈဝဵင်းမိူင်းၶၢၵ်ႇ ဝႃႈၼႆ။

- Subscription -

ပၢင်ၶဝ်ႈတိုဝ်းၵမ် ၵမ်မထၢၼ်းတြႃး တႃႇၶၢဝ်းတၢင်း 10 ဝၼ်းၼႆႉ တေၶဝ်ႈတိုဝ်းၵမ် တီႈဝတ်ႉၽၸဝ်ႈတိပ်ႉဢိၼ်း သၢၼ် ဢိူင်ႇမိူင်းၼုင်း ၸႄႈဝဵင်းမိူင်းၶၢၵ်ႇ ၸႄႈတွၼ်ႈၵဵင်းတုင် ၸိုင်ႈတႆးပွတ်းဢွၵ်ႇၶူင်း။ ပၢင်ၶဝ်ႈတိုဝ်းၵမ်ၼႆႉ တေ ၸတ်းႁဵတ်း တင်ႈတႄႇ ဝၼ်းတီႈ 20-30/08/2018 ဢၼ်တေထိုင်ၼႆႉ ဝႃႈၼႆ။

တူႉယီႈ(ၸဝ်ႈၸၢင်းယီႈ)ၾၢႆႇၵေႃၵမ်ၵၢၼ် ပၢင်တိုဝ်းၵမ်တြႃး တီႈဝတ်ႉၽၸဝ်ႈတိပ်ႉဢိၼ်းသၢၼ် တီႈဢိူင်ႇမိူင်း ၼုင်း လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ ၼင်ႇႁိုဝ် ၸၢဝ်းပုတ်ႉႁဝ်း ပေႃးတေႁူႉ ၵၢၼ်တိုဝ်းၵမ် ၵမ်မထၢၼ်းဝိပသ်သၼႃ ၼႆႉ ႁႂ်ႈၵူၼ်းႁဝ်း ပႆၸွမ်းသဵၼ်ႈတၢင်းၽြႃးပဵၼ်ၸဝ်ႈႁႂ်ႈထုၵ်ႇမႅၼ်ႈ။ သင်ဝႃႈ လႆႈၶဝ်ႈတိုဝ်းၵမ်ယဝ်ႉ မိူဝ်းၼႃႈမႃး ႁႂ်ႈလႆႈမေႃတိုဝ်းၵမ်ႁင်းၵွႆးၵႂႃႇ ႁႂ်ႈမေႃပႆသဵၼ်ႈတၢင်းႁႂ်ႈမၼ်းမၢၼ်ႇမႅၼ်ႈ။ ထႅင်ႈလွင်ႈၼိုင်ႈၵေႃႈ ၸၢဝ်း ပုတ်ႉထႁဝ်း တီႈၼိုင်ႈလႄႈ တီႈၼိုင်ႈ ႁႂ်ႈလႆႈၶဝ်ႈတိုဝ်းၵမ်မိူၼ်ၵၼ်။ ၵွပ်ႈပိူဝ်ႈဝႃႈ တီႈတၢင်း မိူင်းၼုင်း ႁဝ်းၶႃႈၼႆႉ မီးဝၢၼ်ႈဢွၼ်ႇၼမ် တွၼ်ႈတႃႇတေမႃးၶဝ်ႈတိုဝ်းၵမ်ၼႂ်းၶူးၼႂ်းဝဵင်းၵေႃႈ ဢမ်ႇငၢႆႈငၢႆႈ ၼင်ႇႁိုဝ် ၵူၼ်း ပွတ်း မိူင်းၼုင်းႁဝ်းၶႃႈ ပေႃးတေလႆႈၶဝ်ႈႁူမ်ႈတိုဝ်းၵမ်တြႃးၼႆႉၸင်ႇမႃးပိုတ်ႇပၢင်တိုဝ်းၵမ်တြႃး တႃႇ 10 ဝၼ်း ဝႃႈၼႆ။

ပၢင်တိုဝ်းၵမ် ၵမ်မထၢၼ်းတြႃး တႃႇ 10 ဝၼ်း တီႈဝတ်ႉၽၸဝ်ႈတိပ်ႉဢိၼ်းသၢၼ် ဢိူင်ႇမိူင်းၼုင်းၼႆႉ တေႁပ်ႉ သဵၼ်ႈၸိုဝ်ႈ ၽူႈတေၶဝ်ႈတိုဝ်းၵမ် ၼႂ်းဝၼ်းတီႈ 18 ပဵၼ်ဝၼ်းလိုၼ်းသုတ်း။ ၼွၵ်ႈလိူဝ်ၼၼ်ႉ ပၢင်တိုဝ်းၵမ် ၵမ်မ ထၢၼ်းတြႃးၼႆႉ တွၼ်ႇတႃႇၵူၼ်းႁိူၼ်းလႄႈ သင်ၶၸဝ်ႈ မႃးတိုဝ်းၵမ်ၼၼ်ႉ တေလႆႈ ဢွၼ်ၵၼ်မႃး ၵိၼ်ၼွၼ်းတီႈ ဝတ်ႉ တင်းမူတ်း ဝႃႈၼႆ။

လိူဝ်ၼၼ်ႉ ၵူၼ်းႁိူၼ်းဢၼ်မႃးၶဝ်ႈတိုဝ်းၵမ်သမ်ႉ ၸဵမ်ၸၢႆး/ ယိင်း ႁႂ်ႈသႂ်ႇၶူဝ်းၶၢဝ် မိူၼ်ၵၼ်သေ တိုဝ်းၵမ်(ၵျၢင်ႉၵမ်) ႁဵတ်းၵၢၼ်ဝိပသ်သၼႃ ႁႂ်ႈမီးပၵ်းပိူင်မိူၼ်ၵၼ်ၵႂႃႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း