Friday, March 29, 2024

ပႃႇတီႇႁူဝ်သိူဝ် ၸိုင်ႈတႆးပွတ်းဢွၵ်ႇၶူင်း ႁူပ်ႉထူပ်းၵၼ်

Must read

တူဝ်တႅၼ်းပႃႇတီႇႁူဝ်သိူဝ် SNLD ၸိုင်ႈတႆးပွတ်းဢွၵ်ႇၶူင်း ႁူပ်ႉထူပ်းဢုပ်ႇဢူဝ်းၵၼ် တီႈတႃႈၶီႈလဵၵ်း မီးတူဝ်တႅၼ်း ၵူႈၸႄႈဝဵင်း ၶဝ်ႈႁူမ်ႈ 30 ပၢႆ ဝႃႈၼႆ။

- Subscription -

ဝၼ်းတီႈ 05/07/2018 ယၢမ်းၵၢင်ၼႂ် 9 မူင်း ထိုင် 5 မူင်း ႁူဝ်ၶမ်ႈ တူဝ်တႅၼ်းပႃႇတီႇႁူဝ်သိူဝ် SNLD ၸိုင်ႈတႆးပွတ်း ဢွၵ်ႇၶူင်း ၸတ်းႁဵတ်းပၢင်ၵုမ်ႁူပ်ႉထူပ်းဢုပ်ႇဢူဝ်း တၢင်ႇၼႄၶေႃႈမုလ်းၸႄႈဝဵင်းၽႂ်မၼ်း ပၢင်ၵုမ်ၼႆႉ ၸတ်းႁဵတ်း တီႈလုမ်းပႃႇတီႇႁူဝ်သိူဝ် SNLD ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ဝႃႈၼႆ။

ၸၢႆးၼုမ်ႇတုၺ်ႈ ႁူဝ်ပဝ်ႈပႃႇတီႇႁူဝ်သိူဝ် SNLD ၸႄႈဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ “ ၼႂ်းပၢင်ၵုမ်ႁူပ်ႉ ထူပ်း ၽူႈတၢင်တူဝ်ပႃႇတီႇ ၵူႈၸႄႈဝဵင်းၼႂ်းမိူင်းတႆး ပွတ်းဢွၵ်ႇၼႆႉ ႁဝ်းၶႃႈမႃးဢုပ်ႇဢူဝ်း ပၼ်ၶေႃႈမုလ်းလႄႈ တၢင်းႁၼ်ထိုင်ၵၼ် လွင်ႈသုၼ်ႇလႆႈၸၢႆးယိင်းၽဵင်ႇပဵင်းၵၼ် တႃႇတေတႅမ်ႈသႂ်ႇၼႂ်းမူႇပိူင်ၼၼ်ႉ။ တီႈၼႂ်းပၢင်ၵုမ်ၼႆႉ ႁဝ်းၶႃႈ ဢမ်ႇမီးၶေႃႈတႅပ်းတတ်းသင် ႁဝ်းၶႃႈမႃးၵဵပ်းၶေႃႈမုလ်း ဢၼ်ၽူႈတၢင်တူဝ်ၶဝ် ပၼ်တၢင်းႁၼ် ထိုင်မႃးၼၼ်ႉ သေ ႁဝ်းၶႃႈၵဵပ်းၶေႃႈမုလ်းၸိူဝ်းၼၼ်ႉ သူင်ႇပၼ်ၵႂႃႇတီႈငဝ်ႈငုၼ်းပႃႇတီႇႁဝ်းၶႃႈ” ဝႃႈၼႆ။

ၽူႈတၢင်တူဝ် ပႃႇတီႇႁူဝ်သိူဝ် ၵူႈၸႄႈဝဵင်း ဢၼ်မႃးၶဝ်ႈႁူမ်ႈပၼ်ၶေႃႈမုလ်းလႄႈ တၢင်းႁၼ်ထိုင်သမ်ႉ မိူၼ်ၼင်ႇ မိူင်းတူၼ်၊ မိူင်းသၢတ်ႇ၊ မိူင်းပဵင်း၊ မိူင်းယွင်း၊ မိူင်းၽျၢၵ်ႈ၊ ၵဵင်းတုင်၊ တႃႈလိူဝ်ႇလႄႈ တႃႈၶီႈလဵၵ်း ၸိူဝ်းၼႆႉ ဝႃႈၼႆ။

Photo FB – Sai Noom Twe Tachileik

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း