Friday, March 29, 2024

ၵူၼ်းၼုမ်ႇတႆး ၵေႃႉၼိုင်ႈ ၸူမ်ၼမ်ႉတၢႆ ၼႂ်းၵႄႈၼမ်ႉဝၼ်း လႅၼ်လိၼ်တႆး – ၶၢင်

Must read

ၵူၼ်းၼုမ်ႇမၢၼ်ႈပၢင်ႇၶမ်း ၸူမ်ၼမ်ႉတၢႆ ၼႂ်းမႄႈၼမ်ႉဝၼ်း မိူဝ်ႈၽွင်းလူင်းဢဝ် တုမ်မႆႉဢၼ်လႆလွင်ႈၸွမ်းၼမ်ႉ မႃးၸိူဝ်းၼၼ်ႉ ဝႃႈၼႆ။

- Subscription -

ဝၼ်းတီႈ 24/07/2018 ယၢမ်းဝၢႆးဝၼ်း မွၵ်ႈ 1 မူင်း ၸၢႆးဢွင်ႇထုၼ်း ဢႃယု မွၵ်ႈ 20 ပီ ၵႂႃႇၵဵပ်းဢဝ်ၽိုၼ်း/တုမ်မႆႉ ဢၼ်လႆလွင်ႈမႃးၸွမ်းၼမ်ႉဝၼ်းၼၼ်ႉသေ လႆႈပဵၼ်ၽေးဢုပၢတ်ႈၸူမ်ၼမ်ႉတၢႆၵႂႃႇ တေႃႇထိုင်ယၢမ်းလဵဝ် ဢမ်ႇပႆႇ ႁၼ်တူဝ်တၢႆမၼ်းၸၢႆး ဝႃႈၼႆ။

ၸၢႆးဢွင်ႇ ၵူၼ်းပိုၼ်ႉတီႈ မၢၼ်ႈပၢင်ႇၶမ်း လၢတ်ႈတီႈၽူႈတွႆႇႁွၵ်ႈဝႃႈ “ မၼ်းၸၢႆးၵႂႃႇဢဝ်မႆႉ/ တုမ်မႆႉ ဢၼ်လႆလွင်ႈ မႃးၸွမ်းၼမ်ႉမႃးၼၼ်ႉ။ မိူဝ်ႈၽွင်းၼၼ်ႉ ၼမ်ႉသမ်ႉၼွင်းႁႅင်း တေႃႈလဵဝ် ၵူၼ်းဝၢၼ်ႈတိုၵ်ႉဢွၼ်ၵၼ်ၸွမ်းႁႃတူဝ် မၼ်းၸၢႆးယူႇ” ဝႃႈၼႆ။

ၸၢႆးဢွင်ႇထုၼ်းၼႆႉ ပဵၼ်လုၵ်ႈၸၢႆး ၶိင်းသၢမ်မၢၼ်ႇၶမ်း လႄႈ ၼၢႆးၶွင်ႇ ၸႃတိမၢၼ်ႈပၢင်ႇၶမ်း ထုင်ႉလွႆႁူဝ်သိူဝ် ၸႄႈဝဵင်းမၢၼ်ႈၸေႊ ၸႄႈမိူင်းၶၢင်။ ၸၢႆးဢွင်ႇထုၼ်းၼႆႉ မီးပီႈၼွင်ႉ 3 ၵေႃႉ မၼ်းၸၢႆးပဵၼ်ၵေႃႉလိုၼ်းသုတ်း ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း