ၸုမ်းၵေႃၵပ်းသၢၼ်ၵူၼ်းၼုမ်ႇတႆး သၼ်လွႆမိူင်းတႆး SYN ၸႄႈဝဵင်းသီႇပေႃႉ ၸတ်းႁဵတ်းပၢင်ပွႆးလူင်းပၢင်သွၼ် ပူၵ်းပွင်ၼမ်ႉၵတ်ႉၵူၼ်းၼုမ်ႇ ၸုပ်ႈတီႈ 9 ။
ဝၼ်းတီႈ 21/07/2018 ၸုမ်းၵပ်းသၢၼ်ၵူၼ်းၼုမ်ႇတႆး သၼ်လွႆမိူင်းတႆး SYN ၸႄႈဝဵင်းသီႇပေႃႉ ၸတ်းႁဵတ်းပၢင်ပွႆးတူင်ႉတၵ်ႉသူင်ႇသင်ႇလုၵ်ႈႁဵၼ်းပၢင်သွၼ်ၸုပ်ႈ (9) တီႈဝၢၼ်ႈၼမ်ႉႁူးၼွႆႉ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ။
ၼႂ်းပၢင်ၼၼ်ႉတွၼ်ႈၽိုၼ်ယွင်ႈယေႃးလုၵ်ႈႁဵၼ်းၵတ်ႉၶႅၼ်ႇ၊ ၽူႈယႂ်ႇၵူၼ်းလူင်မွၵ်ႇလၢတ်ႈၶေႃႈၵႂၢမ်း၊ မီးတၢင်း ၵႃႈၾိင်ႈငႄႈလႄႈ ပၢင်မူၼ်ႈသိူဝ်းၸိူဝ်းၼႆႉ ၽူႈယႂ်ႇၵူၼ်းလူင်၊ ၶူးသွၼ်၊ လုၵ်ႈႁဵၼ်းလႄႈ ပေႃႈမႄႈပီႈၼွင်ႉၶဝ်ႈႁူမ်ႈ 700 ပၢႆ ၸုမ်းပီႈၼွင်ႉထုင်ႉမၢဝ်း ဢဝ်ပုၼ်ႈၽွၼ်းပဵၼ်ၸဝ်ႈတႃႇၼလဵင်ႉလူ။
ၸဝ်ႈၶူးၺႃႇၼေႃး ဝတ်ႉၼမ်ႉႁူးၼွႆႉ လၢတ်ႈဝႃႈ – “ ယိူင်းဢၢၼ်းၸုမ်းၵေႃၵပ်းသၢၼ် SYN ဢၼ်လႆႈပိုတ်ႇပၢင်သွၼ်ၼႆႉ တႃႇႁႂ်ႈလုၵ်ႈႁဵၼ်းႁဝ်းတေပဵၼ်မႃးၼေႃႇတႅၼ်းၶိူဝ်းႁဝ်းမိူဝ်းၼႃႈ ” ဝႃႈၼႆ။
ပၢင်သွၼ်ၼႆႉပူင်သွၼ်ပၼ် ပိုၼ်ႉထၢၼ်လိၵ်ႈတႆး၊ လိၵ်ႈဢိင်းၵလဵတ်ႈ၊ မၢႆမီႈၸိုင်ႈမိူင်းလႄႈ ပိုၼ်ႉထၢၼ်လၢႆးတႆး (108) လၢႆးမိုဝ်း၊ လၢႆးတႅၼ်း၊ လၢႆးၶွၼ်ႉ၊ လၢႆးလႅဝ်း၊ တၢင်းၵႃႈၾိင်ႈငႄႈၾိင်ႈထုင်းၸိူဝ်းၼႆႉ တႄႇဝၼ်းတီႈ 07/06/2018 တေႃႇထိုင် 21/07/2018 ၶၢဝ်းတၢင်း 45 ဝၼ်း ။ လုၵ်ႈႁဵၼ်းမီး 293 ၵေႃႉ လုၵ်ႈႁဵၼ်းသင်ၶမီး 51 ၸဝ်ႈ ၸၢႆးမီး 118ၵေႃႉ ယိင်း 124 ၵေႃႉ ၶူးသွၼ်မီး 12 ၵေႃႉ မီးမေႃသွၼ်ၼွၵ်ႈမိူင်းထႅင်ႈ 2 ၵေႃႉ ။ ၼိုင်ႈပီလႂ်ပူင်သွၼ်ပၼ် 2 ပွၵ်ႈ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ