Thursday, March 28, 2024

ၸဝ်ႈၶူးဝႃးဝုၼ်းၸုမ်ႉ ယေႃးတူဝ်ၵႂႃႇ မဵတ်ႉတႃႇတြႃး တီႈႁူင်းပွႆႇငဝ်းႁၢင်ႈသဵင်ၶျွင်ႊ 3 မိူင်းၵွၵ်ႇ

Must read

ၸဝ်ႈၶူးဝႃးသိလ်ထမ်း ၸဝ်ႈဝုၼ်းၸုမ်ႉ မဵတ်ႉတႃႇတြႃးတီႈႁွင်ႈၵၢၼ် TV ၶျွင်ႉသၢမ် မိူင်းၵွၵ်ႇၸိုင်ႈထႆး ၸဝ်ႈၼႃႈတီႈ ၵူၼ်းႁဵတ်းၵၢၼ်ဢွၼ်ၵၼ်ၶဝ်ႈႁူမ်ႈ ထွမ်ႇၼပ်ႉႁူဝ်ပၢၵ်ႇ ပီႈၼွင်ႉတႆးၼႂ်းမိူင်းၵွၵ်ႇ ၵေႃႈၶဝ်ႈႁူမ်ႈတင်းၼမ်။

- Subscription -

ဝၼ်းတီႈ 17/07/2018 ၶၢဝ်းယၢမ်းတၢမ်းၶမ်ႈ 5:00 ထိုင် 7:30 မူင်း ၸဝ်ႈၶူးဝႃးဝုၼ်းၸုမ်ႉ ယေႃးတူဝ်မဵတ်ႉတႃတြႃးပၼ် ၸဝ်ႈၼႃႈတီႈဢိၵ်ႇတၵ်ႉၵႃႇသတ်ႉထႃးလႄႈ ပီႈၼွင်ႉတႆး တီႈႁွင်ႈၵၢၼ်လူင်ထီႊဝီႊၶျွင်ႊ 3 ဢၼ်မီးၼိူဝ်သဵၼ်ႈတၢင်း ၽရႃႊရၢမ်ႊ 4 ၶဵတ်ႇၶွင်ႊတိူၺ်ႊ မိူင်းၵွၵ်ႇၸိုင်ႈထႆး။

ၼၢင်းၼုမ်ႇမၢဝ်း ပီႈၼွင်ႉတႆးၼႂ်းမိူင်းၵွၵ်ႇ လၢတ်ႈဝႃႈ- ပၢင်တြႃးပွၵ်ႈၼႆႉ မၼ်းပဵၼ်ၸဝ်ႈၼႃႈတီႈၶျွင်ႊ 3 ၶဝ်ၸတ်းပၼ်ႁႂ်ႈၵူၼ်းႁဵတ်းၵၢၼ်ၶဝ်လႆႈထွမ်ႇတြႃး။ မိူဝ်ႈၽွင်းၸဝ်ႈပေႃႈသိလ်ထမ်းမႃးထိုင်ၼၼ်ႉ မီးၸဝ်ႈၼႃႈတီႈၾၢႆႇသိုၵ်း၊ ၾၢႆႇပလိၵ်ႈ ဢဝ်ႁူမ်ႇလူမ်ႈၼမ်တႄႉတႄႉဢေႃႈ ႁဝ်းၶႃႈဢမ်ႇလႆႈၶဝ်ႈဝႆႈၸမ်ၸမ်ၶႃႈ ၵူၺ်းၵႃႈပဵၼ်ဢၼ်မီးတၢင်းၸူမ်းသိူဝ်းတႄႉတႄႉၶႃႈဢေႃႈ ဢၼ်လႆႈမႃးဝႆႈသႃလႆႈမႃးထွမ်ႇၶေႃႈသင်ႇသွၼ် – လႆႈႁူႉဝႃႈ
“ႁဝ်းလူဝ်ႇမီးမဵတ်ႉတႃႇတေႃႇၵၼ် ယႃႇထၢင်ႇလဵၵ်ႉပိူၼ်ႈ ၊ ယႃႇထၢင်ႇယႂ်ႇပိူၼ်ႈ၊ ယႃႇလေႃးၽၼႃႇပူၼ်ႉတီႈၸဵမ်ၸိူဝ်း ၼႆႉ ” ဝႃႈၼႆ။

ၸိူင်ႉၼၼ်ၼင်ႇၵဝ်ႇ မိူဝ်ႈဝၼ်းတီႈ 17/07/2018 ၶၢဝ်းယၢမ်းဝၢႆးဝၼ်းမွၵ်ႈ 2 မူင်း ၸဝ်ႈသိလ်ထမ်း ၸဝ်ႈၶူးဝႃႈဝုၼ်းၸုမ်ႉလႄႈ ၸဝ်ႈတူၼ်ၶူးလူင် Dr. ၶမ်းမၢႆထမ်မသႃမိ ယေႃးတူဝ်ၵႂႃႇၵရႃႊဝၵၼ်ႇတေႃး ၸဝ်ႈတူၼ်ၶူးလူင်   သင်ၶရႃၸႃ (သူမ်ၻဵတ်ႇၽရႃႉဢရိယဝူင်းသႃၶတယၢၼ်း) တီႈ ဝတ်ႉရၢတ်ႉၶျၿေႃႊၽိတ်ႊသထိတ်ႊမႁႃႊသီႊမႃႊရၢမ်ႊ မိူင်းၵွၵ်ႇ ၸိုင်ႈထႆး။

မိူဝ်ႈဝၼ်းတီႈ 11 -12/07/2018 ၼၼ်ႉၵေႃ ၸဝ်ႈၶူးဝႃးပေႃႈသိလ်ထမ်းဝုၼ်းၸုမ်ႉ ယေႃးတူဝ်မဵတ်ႉတႃႇတြႃးတီႈ  မိူင်းသိင်ႇၵပူဝ်ႊ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း