ဝၼ်းတီႈ 16/07/2018 ယၢမ်းၵၢင်ၼႂ်မွၵ်ႈ 9 မူင်း သိုၵ်းမၢၼ်ႈ တပ်ႉမ 11 တင်း သိုၵ်းၶၢင် တပ်ႉၵွင် 9 လႆႈပဵၼ်ပၢင် တိုၵ်းၵၼ် ၼႂ်းၵႄႈဝၢၼ်ႈၼမ်ႉဢုမ် တင်း ဝၢၼ်ႈတီႉမႃႉ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ ဝႃႈၼႆ။
Kachinnews ႁၢႆးငၢၼ်းဝႃႈ “ ယွၼ်ႉသိုၵ်းမၢၼ်ႈ ထူဝ်းႁႅင်းသိုၵ်းၶဝ်ႈမႃးလႄႈ တုမ်ႉလေႃႇၺႃး တပ်ႉၸုမ်း 4 တပ်ႉ ၵွင် 9 ။ ပၢင်တိုၵ်းၼၼ်ႉ ပဵၼ်ႁိမ်းဝၢၼ်ႈႁဝ်း တင်းႁိုင် မွၵ်ႈ ၶိုင်ႈၸူဝ်ႈမူင်း။ ၵူၺ်းၵႃႈ ၼႂ်းဝၢၼ်ႈႁဝ်းတႄႉ ဢမ်ႇပဵၼ် သင်ၼင်ႇၵဝ်ႇ” ဝႃႈၼႆ။
မိူဝ်ႈပူၼ်ႉမႃး ဝၼ်းတီႈ 14/07/2018 ၼၼ်ႉၵေႃႈ သိုၵ်းမၢၼ်ႈတင်း သိုၵ်းၶၢင် ပဵၼ်ပၢင်တိုၵ်းၵၼ် တၢင်းၵႂႃႇၽႃၵၢၼ်ႉ မေႃႇသႅင်ၶဵဝ် ၸႄႈမိူင်းၶၢင် ဝႃႈၼႆ။
