ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၼႂ်းၸႄႈဝဵင်းၼွင်ၶဵဝ် ၵူတ်ႇထတ်း ၵႃးလမ်းၼိုင်ႈ ထူပ်းႁၼ် ယႃႈၾိၼ်ႇၽိူၵ်ႇ ၼမ်ႉၼၵ်း 484 ၵရမ်ႊလႄႈ ယႃႈမႃႉ 3,900 မဵတ်ႉ ဝႃႈၼႆ။
ဝၼ်းတီႈ 12/07/2018 ယၢမ်းၵၢင်ၼႂ် 6 မူင်း ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် မၢႆ24 ၸႄႈဝဵင်းၼွင်ၶဵဝ် တင်း ၸဝ်ႈ ၼႃႈတီႈလၢႆႁွင်ႈၵၢၼ် ႁူမ်ႈၵၼ်သေ ပႂ်ႉၵူတ်ႇထတ်းယႃႈမဝ်းၵမ်ၸွမ်းလူတ်ႉၵႃး။ ထတ်းၺႃးယႃႈမဝ်းၵမ်ၼႂ်းၵႃး ဢွင်ႇမိၼ်ႉ ဢႃယု 37 ပီ ၵူၼ်း ၸႄႈဝဵင်းၵူတ်ႉၶၢႆ ထူပ်းႁၼ်ယႃႈၽိူၵ်ႇတင်း ယႃႈမႃႉ တီႈလၢၼ်ႇဢူဝ်ႊရီႊယၼ်တိူဝ်ႊ တၢင်းၶဝ်ႈဝဵင်း ၼွင်ၶဵဝ် ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။
ၼႂ်းၵႃး ဢူးဢွင်ႇမိၼ်ႉၼၼ်ႉ ထူပ်းႁၼ် ယႃႈၽိူၵ်ႇ ဢၼ်ပဵၼ်ၽွင် သႂ်ႇၵွၵ်းသပျႃႇဝႆႉ 22 ၵွၵ်း ။ ယဝ်ႉၵေႃႈ ယႃႈမႃႉ 3,900 မဵတ်ႉ တင်းမူတ်း ၼမ်ႉၼၵ်း 351 ၵရမ်ႊ ဝႃႈၼႆ။
