ၾၢႆႇႁူမ်ႇလူမ်ႈပွင်လူင်ပွင်ၸိုင်ႈ ဢွၵ်ႇၶၢဝ်ႇဝႃႈလူတ်ႉတူႈ ၵႃးႁပ်ႉၸၢင်ႈတၢင်ႇၵူၼ်း(မၢၼ်ႇလူင်ႇ) တင်း ၵႃးတၢင်ႇၵုၼ်ႇ 22 လေႃႉ ၽႃႇ/တမ်ၵၼ် ၼႂ်းၸႄႈဝဵင်းလႃႈသဵဝ်ႈ မီးၵူၼ်းလႆႈမၢတ်ႇၸဵပ်းၸွမ်း 13 ၵေႃႉ ဝႃႈၼႆ။
ဝၼ်းတီႈ 01/07/2018 ယၢမ်းဝၢႆးဝၼ်းမွၵ်ႈ 4 မူင်း တီႈႁိမ်းဝၢၼ်ႈၼွင်လၢင်း ၼိူဝ်သဵၼ်ႈတၢင်းလူင် လႃႈသဵဝ်ႈ – ဝဵင်းလိူဝ်ႇ ၼႂ်းၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ၵႃးႁပ်ႉၸၢင်ႈတၢင်ႇၵူၼ်း ႁေႃႈပုင်ႈၶိုၼ်ႈၶၢမ်ႈတႅဝ်းၵႃးသေ ၵႂႃႇၽႃႇသႂ်ႇၵႃးလူင် 22 လေႃႉ ဝႃႈၼႆ။
ၵူၼ်းႁေႃႈၵႃးလူင် 22 လေႃႉ ပဵၼ်ဢူးၼေႇထႅၵ်ႉၼၢႆႇ၊ ၵူၼ်းႁေႃႈၵႃးမၢၼ်ႇလူင်ႇ ဢၼ်ႁပ်ႉၸၢင်ႈတၢင်ႇၵူၼ်းသမ်ႉ ဢူးၼၢႆႇၼၢႆႇ။ ၵူၺ်းၵႃႈ ၵူၼ်းႁေႃႈၵႃး မၢၼ်ႇလူင်ႇ ၼၢႆႇၼၢႆႇတင်း ၵူၼ်းႁေႃႈၵႃး 22 လေႃႉ ၼေႇထႅၵ်ႉၼၢႆႇ ၶႃသွင် ၵေႃႉတႄႉ လႆႈမၢတ်ႇၸဵပ်းႁၢဝ်ႈႁႅင်းၼင်ႇ ၵၼ် ဝႃႈၼႆ။
လိူဝ်ၼၼ်ႉ ၵူၼ်းဢၼ်ၶီႇမႃးၸွမ်းၵႃး 11 ၵေႃႉ မၢတ်ႇၸဵပ်းၼင်ႇၵၼ်မူတ်းသေတႃႉ ဢမ်ႇထိုင်သၢႆၸႂ် ဝႃႈၼႆ။