Monday, June 17, 2024

ပလိၵ်ႈမၢၼ်ႈတီႉလႆႈ ယႃႈမဝ်းၵမ် ၵႃႈၶၼ် 8 ႁဵင်သႅၼ်ပျႃးပၢႆ ၼႂ်းၸႄႈဝဵင်းၵၢတ်ႇလေႃႉ

Must read

ၾၢႆႇႁူမ်ႇလူမ်ႈ လူင်ပွင်ၸိုင်ႈ ပိုၼ်ၽၢဝ်ႇဝႃႈ တီႉလႆႈယႃႈမႃႉတင်း ယႃႈၾိၼ်ႇၽိူၵ်ႇ ၼႂ်းၸႄႈဝဵင်း ၵၢတ်ႇလေႃႉ (ၵလေႃး) ၸိုင်ႈတႆးပွတ်းၸၢၼ်း တင်းမူတ်း ၵႃႈၶၼ်ငိုၼ်း 8 ႁဵင်သႅၼ်ပျႃးပၢႆ ဝႃႈၼႆ။

- Subscription -

ဝၼ်းတီႈ 29/06/2018 ယၢမ်းႁူဝ်ၶမ်ႈ မွၵ်ႈ 5 မူင်းၼၼ်ႉ ပလိၵ်ႈမၢၼ်ႈ လၢႆၾၢႆႇႁူမ်ႈၵၼ်သေ ၵူတ်ႇထတ်း တီႉလႆႈ ယႃႈမဝ်းၵမ် ၼႂ်းလူတ်ႉၵႃး ဢၼ်ၸၢႆးပၢၼ်း (ဢၢႆႈပၢၼ်း) ဢႃယု 26 ပီ ႁေႃႈမႃး။ သၢင်ႇၵေႃး(လုင်းၵေႃး) ဢႃယု 58 ပီ ပဵၼ်ၵူၼ်း ၸွမ်းၵႃး တီႉလႆႈတီႈႁိမ်းဝၢၼ်ႈယေးယႂႃႇ ၼိူဝ်သဵၼ်ႈတၢင်းၵႃး ၵၢတ်ႇလေႃႉ- တႃႇသီႇ ၸႄႈဝဵင်းၵၢတ်ႇလေႃႉ ၸိုင်ႈတႆးပွတ်းၸၢၼ်း။

ၼႂ်းလူတ်ႉၵႃးၼၼ်ႉ တီႉလႆႈယႃႈမႃႉ 3 သႅၼ်မဵတ်ႉ မႅၼ်ႈငိုၼ်း မွၵ်ႈ 3 ႁဵင်သႅၼ်ပျႃး၊ ယႃႈၾိၼ်ႇၽိူၵ်ႇ 100 ၵွၼ်ႈ မႅၼ်ႈ ငိုၼ်း 5,250 သႅၼ်ပျႃးလႄႈ ၾူၼ်း 2 လုၵ်ႈ ဝႃႈၼႆ။

ၵဵဝ်ႇၵပ်းလွင်ႈၼႆႉ ယူႇတီႈပလိၵ်ႈမၢၼ်ႈ လႆႈၵုမ်းၶင်တူဝ် ပိုတ်ႇဢမူႉ/ၶၻီႊ ၸၢႆးပၢၼ်း တင်း လုင်းၵေႃး ၶႃ 2 ၵေႃႉ ဝႆႉတီႈ ႁူင်းပလိၵ်ႈၸႄႈဝဵင်းၵၢတ်ႇလေႃႉဝႆႉ ဝႃႈၼႆ။ ယႃႈမဝ်းၵမ်ၼၼ်ႉတႄႉ လုၵ်ႉတၢင်းလႂ်မႃးတေၵႂႃႇတၢင်းလႂ် ယင်းပႆႇႁူႉၸွမ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း