ၶွမ်ႊပၼီႊ 431 ဢၼ် တီႈမိူင်းၵျပၼ်ႊ ယိုၼ်ႈၵႂၢမ်းမႃး တႃႇတေႁွင်ႉႁႅင်းၵၢၼ် မိူင်းမၢၼ်ႈမွၵ်ႈ 1,400 ၵေႃႉၼႆ လုမ်းၽွင်းတၢင်မိူင်းမၢၼ်ႈ တီႈဝဵင်းတူဝ်ႊၵဵဝ်ႊ မိူင်းၵျပၼ်ႊ ပိုၼ်ၽၢဝ်ႇဢွၵ်ႇမႃး ၼႂ်းဝၼ်းတီႈ 31 လိူၼ်ဢွၵ်ႊထူဝ်ႊပိူဝ်ႊပူၼ်ႉမႃးၼႆႉ ၼင်ႇၼႆ။
ၼႂ်းႁႅင်းၵၢၼ်မိူင်းမၢၼ်ႈ မွၵ်ႈ 1,400 ဢၼ်မိူင်းၵျပၼ်ႊ တေႁွင်ႉဢဝ်ၼၼ်ႉ ပဵၼ်ႁႅင်းၵၢၼ် ၼၢင်းယိင်း 1,000 ပၢႆ လႄႈ ႁႅင်းၵၢၼ်ၵူၼ်းၸၢႆး 300 ပၢႆ။ ပဵၼ်တႃႇႁွင်ႈၵၢၼ် ၾၢႆႇၵေႃႇသၢင်ႈ၊ ၾၢႆႇလုမ်းလႃးတူၺ်းထိုင် ၵူၼ်းထဝ်ႈၵူၼ်းၵႄႇလႄႈ ၾၢႆႇႁဵတ်းဢွၵ်ႇၶွင်ၵိၼ်ယႅမ်ႉ ဝႃႈၼႆ။
ၶွမ်ႊပၼီႊ ဢၼ်ယိုၼ်ႈၵႂၢမ်းမႃးၼၼ်ႉ ၸွင်ႇၸႂ်ႈ ၶွမ်ႊပၼီႊပဵၼ်တၢင်းၵၢၼ်တႄႉတႄႉႁိုဝ်၊ မီးဝႆႉၽိုၼ်လိၵ်ႈၽိုၼ်လၢႆး တဵမ်ထူၼ်ႈယူႇႁိုဝ် ၸိူဝ်းၼၼ်ႉ ယူႇတီႈ ႁွင်ႈၵၢၼ်ၽွင်းလူင် ၾၢႆႇၵူၼ်းႁဵတ်းၵၢၼ် တိုၵ်ႉထတ်းဝႆႉယူႇၼႆ လုမ်းၽွင်းတၢင် ပိုၼ်ၽၢဝ်ႇဝႆႉၼင်ႇၼႆ။
ဢၢင်ႈဢိင် – BBC
