ဝၼ်းတီႈ 27/10/2024 ရူတ်ႉၵႃးထရႅၵ်ႉ(Truck ) လမ်းၼိုင်ႈ ၽႃႇသႂ်ႇၵူၼ်းၶၢင်ႈတၢင်း တီႈတႃႈရူတ်ႉၵႃး ဢၼ်မီးႁိမ်းလုမ်းငဝ်ႈငုၼ်းၾၢႆႇသွပ်ႇၶၢဝ်ႇ Mossad ဝဵင်း Tel Aviv မိူင်းဢိတ်ႉသ်ရေႊ (Israel) မီးၵူၼ်းမၢတ်ႇၸဵပ်း 35 ၵေႃႉ။
လွင်ႈၼႆႉ ပဵၼ်ၵႂႃႇတီႈ သဵၼ်ႈတၢင်းၶွႆႈ ဢၼ်ၵပ်းသိုပ်ႇဝႆႉ သဵၼ်ႈတၢင်းလူင်။ ရူတ်ႉၵႃးထရႅၵ်ႉ လမ်းၼိုင်ႈ ၽႃႇသႂ်ႇၵႃးပၢတ်ႉသ်လမ်းၼိုင်ႈတင်း ၵူၼ်းၸိူဝ်းပႂ်ႉၶီႇရူတ်ႉၵႃး ႁိမ်းႁွမ်းၼၼ်ႉ ပလိၵ်ႈဢိတ်ႉသ်ရေႊ လၢတ်ႈၼင်ႇၼႆ။
မိူင်းဢိတ်ႉသ်ရေႊၼႆႉ မိူဝ်ႈဢွၼ်တၢင်းၵေႃႈ ယၢမ်ႈၺႃးၸုမ်းပႃႊလႅတ်ႊသတၢႆႊၶဝ် ဢဝ်မိတ်ႈတႅင်း၊ ဢဝ်ၵွင်ႈယိုဝ်းလႄႈ ဢဝ်ရူတ်ႉၵႃး ၶဝ်ႈၽႃႇသႂ်ႇ ၸိူဝ်းၼႆႉ။
ၾၢႆႇၼိုင်ႈၵေႃႈ ယွတ်ႉဢိတ်ႉသ်ရေႊ ပွႆႇမၢၵ်ႇၼူၾႆး တိုၵ်းတေႃး ၼႂ်းထုင်ႉၵႃႊသႃႊပွတ်းႁွင်ႇလႄႈ ၼၢင်းယိင်းတင်း လုၵ်ႈဢွၼ်ႇ လူႉတၢႆ 22 ၵေႃႉၼႆ ၾၢႆႇပႃႊလႅတ်ႊသတၢႆႊ လၢတ်ႈၵႂႃႇ ၼႂ်းဝၼ်းတီႈ 27/10/2024 ၼႆႉၼင်ႇၼႆ။
ဢၢင်ႈဢိင် – VOA
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ