ၼုမ်ႇၸၢႆး မိူင်းၼီႊပေႃႊ(Nepal) ၵေႃႉၼိုင်ႈ ၶိုၼ်ႈထိုင်ၼိူဝ်ၸိၵ်းလွႆ ဢၼ်မီးတၢင်းသုင် 26,000 ထတ်း တင်းမူတ်း 14 လွႆ ၼိူဝ်လုမ်ႈၾႃႉသေ ပဵၼ်မႃးၵူၼ်း ၵေႃႉဢၼ်ၶိုၼ်ႈထိုင်လႆႈ ၼိူဝ်ၸိၵ်းလွႆသုင် ဢႃယုလဵၵ်ႉလိူဝ်ပိူၼ်ႈသုတ်း – သိုဝ်ႇ ၶၢဝ်ႇ AFP ႁၢႆးငၢၼ်းဝႆႉၼင်ႇၼႆ။
ၼုမ်ႇၸၢႆးၵေႃႉၼႆႉ ၸိုဝ်ႈႁွင်ႉ သျီႊပႃႊ (Sherpa) ဢႃယု မီး 18 ပီ ပဵၼ်ၵူၼ်းမိူင်းၼီႊပေႃႊ။ မၼ်းၸၢႆး ၶိုၼ်ႈထိုင်တီႈ ၼိူဝ်ၸိၵ်းလွႆ ၵူႈလုၵ်ႈ ဢၼ်မီးၸွမ်း တူၼ်းႁူၺ်ႈႁၢဝ်းလွႆ (Karakoram) ဢၼ်တိတ်းၸပ်းဝႆႉၸွမ်းပိုၼ်ႉတီႈ မိူင်း ဢိၼ်ႊတီႊယိူဝ်ႊ(India) ၊ တီႉပႅၵ်ႉ(Tibet) ၼႂ်းမိူင်းၶႄႇ၊ ပႃႊၵိတ်ႊသတၢၼ်ႊ(Pakistan)၊ ၼီႊပေႃႊ (Nepal) လႄႈ ႁိမဝုၼ်ႊတႃႊ (Himalayas) ၸိူဝ်းၼႆႉ။
လွႆ Shisha ဢၼ်တၢင်းသုင်မီး 26,300 ထတ်းပၢႆ တီႈၼႂ်းမိူင်းတီႉပႅၵ်ႉ ၼၼ်ႉၵေႃႈ မၼ်းၸၢႆး တိုၵ်ႉၶိုၼ်ႈယဝ်ႉၵႂႃႇ ၼႂ်းဝၼ်းတီႈ 09/10/2024 ၼႆႉၵူၺ်း။ ဝၢႆးၶိုၼ်ႈလွႆယဝ်ႉသေ ပွၵ်ႈမိူဝ်းၵႂႃႇၼႂ်းမိူင်းၼီႊပေႃႊ မိူဝ်ႈဝၼ်းတီႈ 14 ၼႆႉ ၵူၼ်းမိူင်း ဢွၼ်ၵၼ်ပႂ်ႉႁပ်ႉတွၼ်ႈမၼ်းၸၢႆး သမ်ႉပေႃးၵိုၼ်းၶွၼ်ႈဝႆႉ – ဝႃႈၼႆ။
ၵူၼ်းၶိုၼ်ႈလွႆ ၸိုဝ်းသဵင်လိုဝ်းလင်ၶဝ် လၢႆၵေႃႉ ဢွၼ်ၵၼ်ၶတ်းၸႂ် ၶိုၼ်ႈထိုင်တီႈၼိူဝ်ၸိၵ်းလွႆ လၢႆလၢႆ လုၵ်ႈယူႇသေတႃႉ ၵမ်ႈၼမ် ဢမ်ႇမီးလွင်ႈဢွင်ႇမၢၼ်မႃး – သိုဝ်ႇၶၢဝ်ႇ RFA ဢွၵ်ႇဝႆႉၼင်ႇၼႆ။
 ၵေႃႉၼိုင်ႈ ၶိုၼ်ႈထိုင်ၼိူဝ်ၸိၵ်းလွႆ ဢၼ်မီးတၢင်းသုင် 26,000 ထတ်း တင်းမူတ်း 14 လွႆ ၼိူဝ်လုမ်ႈၾႃႉသေ ပဵၼ်မႃးၵူၼ်း ၵေႃႉဢၼ်ၶိုၼ်ႈထိုင်လႆႈ ၼိူဝ်ၸိၵ်းလွႆသုင် ဢႃယုလဵၵ်ႉလိူဝ်ပိူၼ်ႈသုတ်း - သိုဝ်ႇ ၶၢဝ်ႇ AFP ႁၢႆးငၢၼ်းဝႆႉၼင်ႇၼႆ။){kind=link}