လုၵ်ႈဢွၼ်ႇ ပၢႆႈၽေးသိုၵ်း ၸႄႈဝဵင်းမိူင်းပၢႆး ၸိုင်ႈတႆးပွတ်းၸၢၼ်း ဢွၼ်ၵၼ်ၸပ်းတၢင်းပဵၼ်ၶူမ်းၵၢႆး၊ မၢင်ၸိူဝ်း ၸပ်းပႃးတၢင်းပဵၼ် ၼၢဝ်ၶူပ်းၶိုၼ်ႈ ယၢပ်ႇၽိုတ်ႇဝႆႉ တႃႇလွင်ႈယူတ်းယႃ ဝႃႈၼႆ။
တီႈသုၼ်ပၢႆႈၽေးသိုၵ်းၼၼ်ႉ ႁွင်ႈယႃၵေႃႈ ဢမ်ႇမီး၊ မီးမေႃလုမ်းလႃး ၵေႃႉၼိုင်ႈ တင်းပၢႆႈၽေးသိုၵ်းတင်း ၸွႆႈယႃပၼ်ဝႆႉၼႆ – ၵူၼ်းပိုၼ်ႉတီႈ ၵေႃႉၼိုင်ႈလၢတ်ႈ။
လုၵ်ႈဢွၼ်ႇ ၸိူဝ်းမီးဢႃယု ၼႂ်းၵႄႈ 5 ၶူပ်ႇ ထိုင် 17 ပီ ၵမ်ႈၼမ် ပဵၼ်ၼိူဝ်ႉၼင်ၶူမ်းၵၢႆး၊ ၼၢဝ်ၶူပ်းၶိုၼ်ႈ လႄႈ ပဵၼ်ဢႆ၊ ၵူၼ်းထဝ်ႈၵူၼ်းၵႄႇ မၢင်ၵေႃႉၵေႃႈ ၸပ်းတၢင်းပဵၼ် ဢွၵ်ႇတုမ်ႇၶူမ်း တီႈတိၼ်မိုဝ်းလႄႈ တီႈႁူဝ် ဝႃႈၼႆ။
တီႈသုၼ်ပၢႆႈၽေးသိုၵ်းၼၼ်ႉ မီးလင်ႁိူၼ်း 60 ပၢႆ ႁူဝ်ၵူၼ်း 340 ပၢႆ ၊ ၵမ်ႈၼမ် ပဵၼ်ၵူၼ်းမိူင်း ၸိူဝ်းယူႇသဝ်း တီႈၼႂ်း ၸႄႈဝဵင်းၾၢႆၶုၼ်၊ မိူင်းပၢႆး ပၢႆႈၵႂႃႇသွၼ်ႈယူႇဝႆႉ ၼႆယဝ်ႉ။
လိူဝ်ၼၼ်ႉ ၵူၼ်းထူပ်းၽေးၼမ်ႉ မွၵ်ႈ 3 မိုၼ်ႇ တီႈလႅၼ်လိၼ်တႆး – ယၢင်းလႅင် ဢိၵ်ႇပႃး ၼႂ်းမိူင်းယၢင်းလႅင် လူဝ်ႇတၢင်းၸွႆႈထႅမ်ဝႆႉ ႁၢဝ်ႈႁႅင်းၼႆ – ၸုမ်းၶွင်ႇသီႇၽွင်းငမ်းၸူဝ်ႈၵၢင် IEC ပိုၼ်ၽၢဝ်ႇဝႆႉၼင်ႇၼႆ။
ဢၢင်ႈဢိင် – Kantarawaddy Times
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ