Thursday, March 28, 2024

ၾူၼ်တူၵ်းႁႃႇယႂ်ႇတီႈၵေးသီး ၾႃႉၽႃႇၺႃးဝူဝ်းတၢႆထင်တီႈ 5 တူဝ်

Must read

ၾူၼ်လူင်တူၵ်းႁႅင်း တီႈဢိူင်ႇမိူင်းၼိမ် ၸႄႈဝဵင်းၵေးသီး ဝူဝ်းပၢႆႈသွၼ်ႈၾူၼ်တႂ်ႈတူၼ်ႈမႆႉ ၺႃးၾႃႉၽႃႇတၢႆထင်တီႈ 5 တူဝ်။

ဝၼ်းတီႈ 19/06/2018 ၶၢဝ်းယၢမ်းဝၢႆးဝၼ်း 3:30 – 4 :00 မူင်းၾူၼ်လူင် တူၵ်းႁႅင်းၾႃႉၽႅတ်ႇ ၾႃႉလင် ၾႃႉ ၽႃႇၺႃးဝူဝ်း 5 တူဝ်တၢႆထင်တီႈ တီႈဝၢၼ်ႈၼႃးၵေႃႈ ဢိူင်ႇမိူင်းၼိမ် ၾၢႆႇၸၢၼ်းဝဵင်းၵေးသီး ယၢၼ်ၵႆမွၵ်ႈ 3 လၵ်း။

- Subscription -

ဝူဝ်း 5 တူဝ်ၼၼ်ႉ ပဵၼ်ဝူဝ်းပေႃႈ 3 တူဝ် ဝူဝ်းမႄႈ 2 တူဝ်။ပဵၼ်ဝူဝ်း ၸၢႆးတၢၼ်းမွင်ႇ 1 တူဝ်၊ၸၢႆးတၢၼ်းၸိင်ႇ 2 တူဝ် ၊ လုင်းသူၺ်ႇ 2 တူဝ် ယူႇဝၢၼ်ႈၼႃးၵေႃႈ ဢိူင်ႇမိူင်းၼိမ်။

ၸၢႆးဢုတ်ႉ ၵူၼ်းပိုၼ်ႉတီႈၵေးသီး လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ဝူဝ်းၸိူဝ်းၼႆႉၽွင်းၾူၼ်လူင်တူၵ်းလူင်းမႃးၼၼ်ႉ ၶဝ်ပၢႆႈၾူၼ်ၵႂႃႇယူႇတႂ်ႈတူၼ်ႈမႆႉလႄႈ ၾႃႉၸင်ႇၽႃႇၺႃး။ ၸဝ်ႈဝူဝ်းတႄႉထူပ်းတၢင်းယၢပ်ႇဢေႃႈ ယွၼ်ႉမိူဝ်ႈလဵဝ်ၵႃႈၶၼ်ဝူဝ်းၵေႃႈ ၵႃႈယႂ်ႇၶႃႈလူး ” ဝႃႈၼႆ။

ၵႃႈၶၼ်ဝူဝ်းမိူဝ်ႈလဵဝ် ဝူဝ်းပေႃႈတူဝ်ယႂ်ႇ ၼိုင်ႈတူဝ်မီးမွၵ်ႈ 9-10 သႅၼ်ပျုး၊ ဝူဝ်းပေႃႈဢမ်ႇပေႃးယႂ်ႇသမ်ႉမွၵ်ႈ 7 – 8 သႅၼ်၊ ဝူဝ်းမႄႈသမ်ႉၼိုင်ႈတူဝ်လႂ် 5 -6 သႅၼ်ပျုးၼႆယဝ်ႉ။ မိူဝ်ႈပီၵၢႆ 2017 ၽွင်းၶၢဝ်းၾူၼ်ၼၼ်ႉၵေႃႈ တီႈဝဵင်း ၵေးသီး ဝူဝ်းပၢႆႈသွၼ်ႈၾူၼ်သေ ၵႂႃႇယူႇတႂ်ႈတူၼ်ႈမႆႉႁုင်း ၼၼ်ႉၵေႃႈ ၺႃးၾႃႉၽႃႇ 10 တူဝ်ပၢႆၼင်ႇၵဝ်ႇ ၼႆယဝ်ႉ။

Photo by- F Ying Tai Ke Hsi

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း