ၼႂ်း 2-3 လိူၼ်မႃးၼႆႉ ငိုၼ်းၶဝ်ႈတီႈ ၶွမ်ႊပၼီႊ Meta ၼမ်၊ ၶၼ်ႁုၼ်ႈပုင်ႈၶိုၼ်ႈလႄႈ Mark Zuckerberg မၢၵ်ႊၶ် သူႊၵပၵ်ႉ ၸဝ်ႈၶွင်ၶွမ်ႊပၼီႊ Meta ၶိုၼ်ႈမႃးပဵၼ် ၽူႈမၢၵ်ႈမီးသုတ်းထီႉ 3 ၼႂ်းလုမ်ႈၾႃႉၼႆ – မႅၵ်ႉ ၵၸိၼ်း Forbes တႅမ်ႈဢွၵ်ႇပိုၼ်ၽၢဝ်ႇၼင်ႇၼႆ။
ၼႂ်းဝူင်ႈၼႆႉ ၶွမ်ႊပၼီႊ LVMH (ၶွမ်ႊပၼီႊ ႁဵတ်ႊဢွၵ်ႇသိူဝ်ႈၶူဝ်း Brand ) ၶွင် Bernard Arnault (ဢႃႊၼေႃႉလ်) ဢၼ်ယၢမ်ႈပဵၼ် ၽူႈမၢၵ်ႈမီးသုတ်းထီႉ 3 ၼၼ်ႉသမ်ႉ ငိုၼ်းၶဝ်ႈယွမ်း ၊ ၶၼ်ႁုၼ်ႈၶဝ်တူၵ်းလႄႈ ႁဵတ်းႁႂ်ႈ Meta (ၶွမ်ႊပၼီႊ Social ) ၶွင်မၢၵ်ႊၶ် သူႊၵပၵ်ႉ ၸင်ႇၶိုၼ်ႈမႃးတႅၼ်း။
ၼႂ်းလုမ်ႈၾႃႉၼႆႉ ၽူႈမၢၵ်ႈမီးသုတ်းထီႉ 1 ပဵၼ် Elon Musk ဢီႊလွၼ်ႊ မၢၵ်ႉသ်ၶ် ဢၼ်ပဵၼ် CEO ၶွင် Tesla Motors တႅတ်ႉသ်လႃႊလႄႈ SpaceX သပဵတ်ႉသ် ဢႅၵ်ႉသ် မီးငိုၼ်းတွင်းသုၼ်ႇတူဝ်ပဵၼ် 220,000 လၢၼ်ႉ တေႃႊလႃႊ ။
ၽူႈမၢၵ်ႈမီး ၼမ်သုတ်းထီႉ 2 ပဵၼ် Jeff Bezos ၵျႄႉၾ် ၽီႊသွပ်ႉ ဢၼ်ပဵၼ်ၸဝ်ႈၶွင် ႁၢၼ်ႉၵေႃႊၾီႊ ၸိုဝ်ႈသဵင်ယႂ်ႇ Amazon ၼၼ်ႉသမ်ႉ မၢၵ်ႈမီးငိုၼ်းတွင်း 18,3000 လၢၼ်ႉတေႃႊလႃႊ။
မၢၵ်ႊၶ် သူႊၵပၵ်ႉသမ်ႉ မီးငိုၼ်း 175,000 လၢၼ်ႉတေႃႊလႃႊလႄႈ ၶိုၼ်ႈပူၼ်ႉ ဢႃႊၼူဝ်ႊ ၸဝ်ႈၶွင် ၶွမ်ႊပၼီႊ သိူဝ်ႈၶူဝ်း ၾႅတ်ႊသျိၼ်ႊ ၸိုဝ်ႈသဵင်လိုဝ်းလင် မိူၼ်ၼင်ႇ Louis Vuitton, Tiffany, Dior, Hennessy ၸိူဝ်းၼႆႉ။ မၼ်း ၸၢႆးမီးငိုၼ်း 174,000 လၢၼ်ႉတေႃႊလႃႊ။
လွင်ႈမၢၵ်ႈမီးငိုၼ်းတွင်းၼႆႉ ဢိင်ၼိူဝ် ၶၼ်ႁုၼ်ႈ သျႄႊယႃႊ ၶိုၼ်ႈလူင်းသေ လိူၼ်ၼိုင်ႈလႄႈ လိူၼ်ၼိုင်ႈ ဢမ်ႇမိူၼ် ၵၼ် – မီးလွင်ႈလႅၵ်ႈလၢႆႈ ယူႇၵူႈလိူၼ် – သိုဝ်ႇၶၢဝ်ႇ Reuters ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ