ဝၼ်းတီႈ 08/06/2018 ယၢမ်းၵၢင်ဝၼ်း မွၵ်ႈ 11 မူင်း ပီႈၼွင်ႉၸၢဝ်းၶိူဝ်းပဢူဝ်း ဢွၼ်ၵၼ်ပႆတၢင်းၵမ်ႉထႅမ် တပ်ႉ သိုၵ်းမၢၼ်ႈ ဝႃႈၼႆ။
ပီႈၼွင်ႉၸၢဝ်းၶိူဝ်းပဢူဝ်း ဢွၼ်ၵၼ်မႃးၶွၼ်ႈတုမ်ၵၼ် တီႈဝတ်ႉမိၼ်းၵုၼ်း ယဝ်ႉၵေႃႈ ဢွၼ်ၵၼ်ပႆၼိူဝ်တၢင်းလူင် ၵၢင်ဝဵင်းတူၼ်ႈတီး ပႆႁွတ်ႈမႃးထိုင် တီႈၵၢင်ပၢင်ႇသဝ်ႁိၼ်(ကျောက်တိုင်) ၸႄႈဝဵင်းတူၼ်ႈတီး ၸိုင်ႈတႆးပွတ်း ၸၢၼ်း။ ယဝ်ႉၵေႃႈ ၸတ်းႁဵတ်းပႃးပၢင်မွၵ်ႇလၢတ်ႈၶေႃႈၵႂၢမ်း ဝႃႈၼႆ။
ၼႂ်းပၢင်ၵမ်ႉထႅမ်တပ်ႉသိုၵ်းမၢၼ်ႈၼၼ်ႉ ပီႈၼွင်ႉပဢူဝ်းလႆႈၶဝ်ႈႁူမ်ႈ 3,000 ပၢႆ လႆႈႁူႉၼင်ႇၼႆ။
ၵွၼ်ႇပႆႇထိုင် ဝၼ်းၵမ်ႉထႅမ်တပ်ႉသိုၵ်းမၢၼ်ႈၼၼ်ႉ လႆႈႁၼ်တၢင်ႇၶိုၼ်ႈမႃး VDO File ၼိူဝ်ဢိၼ်ႊတိူဝ်ႊၼႅတ်ႊသေ သင်ဝႃႈ ဢမ်ႇမႃးၶဝ်ႈႁူမ်ႈၵမ်ႉထႅမ်ၸိုင် တေပၼ်တၢမ်ႇငိုၼ်း 1 မိုၼ်ႇပျႃး လႆႈႁၼ်ဝႆႉၼင်ႇၼႆ။
