တီႈမိူင်းမႅၵ်ႇသီႇၵူဝ်ႇ တၢင်ႉႁႅင်းမႆႈပုင်ႈသုင်ႁႅင်းသေ လႆႈႁူပ်ႉၽေးၼမ်ႉႁႅင်ႈ ၾူၼ်ဢေႇလႄႈ ႁဵတ်းႁႂ်ႈပႃတၢႆ ပဵၼ်ၵေႃႇပဵၼ်ၵွင် ဝႃႈၼႆ။
တီႈဝဵင်းဢႅၼ်ႇၼႃႇဝႅတ်ႉသ် ၸႄႈမိူင်းၶျီႇႁႂႃႇႁႂႃႇ မိူင်းမႅၵ်ႇသီႇၵူဝ်ႇၼၼ်ႉ ယွၼ်ႉတၢင်ႉႁႅင်းမႆႈပုင်ႈ ၶိုၼ်ႈထိုင် 40 တီႊၵရီႊ သိၼ်ႊတီႊၵရဵတ်ႊ ႁဵတ်းႁႂ်ႈၼမ်ႉၼွင်ႁႅင်ႈႁိူတ်ႇ လၢႆတီႈ။
တီႈၸႄႈဝဵင်းဢႅၼ်ႇၼႃႇဝႅတ်ႉသ် တီႈၼွင်ပူႇသတီႇလူဝ်ႇၼၼ်ႉ ယွၼ်ႉႁႅင်းမႆႈသုင် ၼမ်ႉႁႅင်ႈသေ ပႃတၢႆပဵၼ်ၵေႃႇပဵၼ် ၵွင် ၼပ်ႉႁူဝ်ႁဵင်တူဝ် ယဝ်ႉၵေႃႈ ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇ တႃႇၽုၵ်ႇသွမ်ႈႁဵတ်းၼႃး၊ လိူဝ်ၼၼ်ႉ ဝူဝ်းလႄႈ တူဝ်သတ်း ၸိူဝ်းၼၼ်ႉၵေႃႈ လူႉတၢႆၼမ် ဝႃႈၼႆ။
ယၢမ်းလဵဝ် တီႈမိူင်းမႅၵ်ႇသီႇၵူဝ်ႇ ၼႃႈတီႈမွၵ်ႈ 90 % ၼႆႉ ႁူပ်ႉၽေးတၢင်ႉမႆႈသုင်ႁႅင်းဝႆႉ၊ ဝၢႆးလင် ပီ 2011 ၼၼ်ႉမႃး ပဵၼ်တၢင်ႉမႆႈသုင်သုတ်းယဝ်ႉၼႆ – ၸုမ်းလူင်ပွင်ၸိုင်ႈ ပိုၼ်ၽၢဝ်ႇဝႆႉၼင်ႇၼႆ။
ၸႄႈမိူင်း ၶျီႇႁႂႃႇႁႂႃႇၼႆႉ ပဵၼ်တီႈႁူပ်ႉၽေးတၢင်ႉမႆႈသုင်ႁႅင်းလိူဝ်တၢင်ႇတီႈ၊ ယွၼ်ႉဢမ်ႇၸၢင်ႈၽုၵ်ႇသွမ်ႈ ႁဵတ်းၵၢၼ်လႄႈ ၵူၼ်းမိူင်း ၸိူဝ်းပၢႆႈဢွၵ်ႇပိုၼ်ႉတီႈၵေႃႈ မီးတင်းၼမ် – သိုဝ်ႇၶၢဝ်ႇ DVB ႁၢႆးငၢၼ်းဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ