Saturday, June 15, 2024

မိူင်းဢိင်းၵလဵတ်ႈ တႄႇပေႃႉႁၢင်ႈၸဝ်ႈႁေႃၶမ်းၶျႃးသ် သႂ်ႇၼႂ်းမၢင်ငိုၼ်းၸေႈမႂ်ႇ

Must read

ဝၢႆးလင် ၶိုၼ်ႈပဵၼ်ၸဝ်ႈမုၼ်ယႂ်ႇၶုၼ်ႁေႃၶမ်း လႆႈမႃးၶၢဝ်းတၢင်း 2 ပီယဝ်ႉ မိူဝ်ႈဝၼ်းတီႈ 5 လိူၼ်ၵျုၼ်ႊၼႆႉ လူင်ပွင်ၸိုင်ႈမိူင်းဢိင်းၵလဵတ်ႈ ဢဝ်ႁၢင်ႈၸဝ်ႈမုၼ်ယႂ်ႇၶုၼ်ႁေႃၶမ်းၶျႃႊသ် မႃးၽိမ်းပေႃႉသႂ်ႇတီႈၸေႈငိုၼ်းဢိင်းၵလဵတ်ႈသေ ဢိတ်ႇဢွၵ်ႇပၼ်ၵူၼ်းမိူင်းၸႂ်ႉ။

ငိုၼ်းဢိင်းၵလဵတ်ႈမၢင်မႂ်ႇ ဢၼ်ပႃးႁၢင်ႈၸဝ်ႈမုၼ်ယႂ်ႇၶုၼ်ႁေႃၶမ်းမႂ်ႇၼႆႉ ပဵၼ်မၢင် 5 ပွၼ်ႊသ်၊ 10 ပွၼ်ႊသ် ၊ 20 ပွၼ်ႊသ်၊ 50 ပွၼ်းသ် ၸိူဝ်းၼႆႉ – ဢိင်းၵလဵတ်ႈပိုၼ်ၽၢဝ်ႇဝႆႉၼင်ႇၼႆ။

- Subscription -

ယေးငိုၼ်းဢိင်းၵလဵတ်ႈပိုၼ်ၽၢဝ်ႇဝႆႉဝႃႈ – ငိုၼ်းမၢင်မႂ်ႇၼႆႉ ဢဝ်လွၵ်းလၢႆးထႅၵ်ႉၼူဝ်ႊလူဝ်ႊၵျီႊၶိုတ်းၵၢပ်ႇပၢၼ်သေ ၸွႆႈႁၵ်ႉသႃသိင်ႇဝႅတ်ႉလွမ်ႉပႃး – ဝႃႈၼႆ။

ၾိင်ႈဢဝ်ႁၢင်ႈၶုၼ်ႁေႃၶမ်း ၼၢင်းႁေႃၶမ်းသေ ဢိတ်ႇသႂ်ႇၼိူဝ်ၸေႈငိုၼ်းၼႆႉ တီႈမိူင်းဢိင်းၵလဵတ်ႈၼၼ်ႉ ၸင်ႇႁႃတႄႇမႃးၽွင်းပၢၼ်ၼၢင်းႁေႃၶမ်း ဢႄႊလီႊသပႅတ်ႉ ဢၼ်သဵင်ႈမုၼ်ၼွၼ်းၽေးၵႂႃႇ ၼၼ်ႉၵူၺ်း။

ၶုၼ်ႁေႃၶမ်းၶျႃႊသ်ၼႆႉ ပဵၼ်တူၼ်ထူၼ်ႈသွင် ဢၼ်လႆႈပဵၼ်ၵေႃႉထုၵ်ႇ ဢဝ်ႁၢင်ႈၸဝ်ႈၵဝ်ႇ သႂ်ႇၼႂ်းငိုၼ်းၸိုင်ႈမိူင်း – သိုဝ်ႇၶၢဝ်ႇ DVB ႁၢႆးငၢၼ်းဝႆႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း